ಕನ್ನಡದ `ಬಿಂದಾಸ್’ (Bindas) ಚಿತ್ರದ ಮೂಲಕ ಮನಗೆದ್ದ ಬಹುಭಾಷಾ ನಟಿ ಹನ್ಸಿಕಾ ಮೋಟ್ವಾನಿ (Hansika Motwani) ಇತ್ತೀಚೆಗೆ ಉದ್ಯಮಿ ಸೋಹೈಲ್ ಕಥುರಿಯಾ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಇದೀಗ ಸಂದರ್ಶನವೊಂದರಲ್ಲಿ ತಮಿಳು ನಟ ಸಿಂಬು (Actor Simbu) ಜೊತೆಗಿನ ಬ್ರೇಕಪ್ ಬಗ್ಗೆ ಹನ್ಸಿಕಾ ಬಾಯ್ಬಿಟ್ಟಿದ್ದಾರೆ.
ನಟಿ ಹನ್ಸಿಕಾ (Actress Hansika) ಸದ್ಯ ತಮ್ಮ ವೈವಾಹಿಕ ಬದುಕಿನಲ್ಲಿ ಖುಷಿಯಾಗಿದ್ದಾರೆ. ಜೈಪುರ ಪ್ಯಾಲೇಸ್ ಹನ್ಸಿಕಾ-ಸೋಹೈಲ್ (ಡಿ.4)ರಂದು ಅದ್ದೂರಿಯಾಗಿ ಮದುವೆಯಾಗಿದ್ದಾರೆ. ಈಗ ತಮ್ಮ ಮಾಜಿ ಬಾಯ್‌ಫ್ರೆಂಡ್ ಸಿಂಬು ಬಗ್ಗೆ ನಟಿ ಹನ್ಸಿಕಾ ಮಾತನಾಡಿದ್ದಾರೆ.
ಕಾರಣಾಂತರಗಳಿಂದ ಸಿಂಬು- ಹನ್ಸಿಕಾ ರಿಲೇಷನ್‌ಶಿಪ್ ಬ್ರೇಕಪ್ ಆಗಿತ್ತು. ಈ ಬಗ್ಗೆ ನಟಿ ಪ್ರತಿಕ್ರಿಯೆ ನೀಡಿದ್ದಾರೆ. ನನ್ನ ಕೊನೆಯ ಸಂಬಂಧ ಬಹಳ ವಿಚಿತ್ರವಾಗಿತ್ತು. ಆದರೆ ಅದು ಈಗ ಕಥೆಯ ಅಂತ್ಯವಾಗಿದೆ. ಬ್ರೇಕಪ್ ಆದ ನಂತರ ಮತ್ತೆ ಲವ್‌ಗೆ ಯೆಸ್ ಎಂದು ಹೇಳಲು 7-8 ವರ್ಷ ಬೇಕಾಯಿತು. ದೇವರು ಒಳ್ಳೆಯ ದಾರಿ ತೋರಿಸಿದ್ದಾನೆ ಎಂದು ನಟಿ ಮಾತನಾಡಿದ್ದಾರೆ.
ನಾನೊಬ್ಬ ರೊಮ್ಯಾಂಟಿಕ್ ವ್ಯಕ್ತಿ ಎಂದ ಹನ್ಸಿಕಾ ಪ್ರೀತಿ, ಮದುವೆಯಲ್ಲಿ ನನಗೆ ನಂಬಿಕೆ ಇದೆ ಎಂದಿದ್ದಾರೆ. ಸೋಹೈಲ್ ನನ್ನ ಜೀವನದಲ್ಲಿ ಬಂದ ನಂತರ ನನಗೆ ಪ್ರೀತಿಯಲ್ಲಿ ನಂಬಿಕೆ ಹೆಚ್ಚಿದೆ ಎಂದು ಹನ್ಸಿಕಾ ಹೇಳಿದ್ದಾರೆ. ಈಗ ಹೊಸ ಪಯಣ ಆರಂಭಿಸಿದ್ದೇನೆ ಎಂದು ಹನ್ಸಿಕಾ ಖುಷಿಯಿಂದ ಹೇಳಿದ್ದಾರೆ.
LIVE TV
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
