– ಯುದ್ಧ ವಿಮಾನಗಳ ಹಸ್ತಾಂತರ ವಿಳಂಬಕ್ಕೆ ಸ್ಪಷ್ಟನೆ
ನವದೆಹಲಿ: ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (HAL) LCA Mk1A ವಿಮಾನಗಳ ವಿತರಣಾ ಸ್ಥಿತಿಗೆ ಸಂಬಂಧಿಸಿದಂತೆ ಸ್ಪಷ್ಟೀಕರಣ ನೀಡಿದೆ. ಐದು ವಿಮಾನಗಳು ಸಂಪೂರ್ಣವಾಗಿ ಸಿದ್ಧವಾಗಿವೆ ಮತ್ತು ವಿತರಣೆಗೆ ಸಿದ್ಧವಾಗಿವೆ. ಇನ್ನು ಒಂಭತ್ತು ವಿಮಾನಗಳನ್ನು ನಿರ್ಮಿಸಿದ್ದು ಜನರಲ್ ಎಲೆಕ್ಟ್ರಿಕ್ (GE) ಕಂಪನಿಯಿಂದ ಇಂಜಿನ್ಗಳು ಬಂದ ನಂತರ ಅವುಗಳನ್ನು ವಿತರಣೆ ಮಾಡಲಾಗುವುದು ಎಂದು ತಿಳಿಸಿದೆ.
ಭಾರತೀಯ ವಾಯುಸೇನೆಗೆ ಸ್ವದೇಶಿ ಹಗುರ ಯುದ್ಧ ವಿಮಾನ LCA Mk1A (ತೇಜಸ್ Mk1A) ವಿತರಣೆಯ ವಿಳಂಬವಾಗುತ್ತಿದೆ ಎನ್ನುವ ವರದಿಗಳಿಗೆ ಪ್ರತಿಕ್ರಿಯೆ ನೀಡಿರುವ ಹೆಚ್ಎಎಲ್, ಐದು LCA Mk1A ವಿಮಾನಗಳು ಎಲ್ಲಾ ಪರೀಕ್ಷೆಗಳನ್ನು ಪೂರ್ಣಗೊಳಿಸಿದೆ. ಒಪ್ಪಂದದಲ್ಲಿ ಒಪ್ಪಿಗೆ ನೀಡಲಾದ ವಿಶೇಷತೆಗಳೊಂದಿಗೆ ಸಂಪೂರ್ಣವಾಗಿ ಸಿದ್ಧವಾಗಿವೆ ಮತ್ತು ವಿತರಣೆಗೆ ಸಿದ್ಧವಾಗಿವೆ. ಇವುಗಳು ಎಲ್ಲಾ ಪ್ರಮುಖ ಸಾಮರ್ಥ್ಯಗಳನ್ನು ಹೊಂದಿವೆ ಹೇಳಿದೆ.
ಇನ್ನು ಒಂಬತ್ತು ಹೆಚ್ಚುವರಿ ವಿಮಾನಗಳನ್ನು ನಿರ್ಮಿಸಲಾಗಿದ್ದು, ಅವುಗಳ ಹಾರಾಟವನ್ನೂ ನಡೆಸಲಾಗಿದೆ. ಈ ವಿಮಾನಗಳು ರಚನಾತ್ಮಕವಾಗಿ ಸಂಪೂರ್ಣವಾಗಿವೆ. ಆದರೆ ಜಿಇ ಕಂಪನಿಯಿಂದ ಇಂಜಿನ್ಗಳು ಬರುವವರೆಗೆ ಕಾಯಲಾಗುತ್ತಿದೆ. ಇಂಜಿನ್ಗಳು ಸಿಕ್ಕ ತಕ್ಷಣ ಇವುಗಳನ್ನು ವಿತರಣೆಗೆ ತಯಾರಿಸಲಾಗುವುದು ಎಂದು ಹೆಚ್ಎಎಲ್ ಭರವಸೆ ನೀಡಿದೆ. ಇದನ್ನೂ ಓದಿ: ಕೊರಿಯನ್ ಹೆಸರಲ್ಲಿ ಅಕೌಂಟ್ ಸೃಷ್ಟಿಸಿ ಭಾರೀ ಫಾಲೋವರ್ಸ್ ಹೊಂದಿದ್ದ ಸಹೋದರಿಯರು
ಹೆಚ್ಎಎಲ್ ಎಲ್ಲಾ ವಿನ್ಯಾಸ ಮತ್ತು ಅಭಿವೃದ್ಧಿ ಸಂಬಂಧಿತ ಸಮಸ್ಯೆಗಳನ್ನು ವೇಗವಾಗಿ ಪರಿಹರಿಸುತ್ತಿದೆ ಎಂದು ಹೇಳಿದೆ. ಭಾರತೀಯ ವಾಯುಸೇನೆಯೊಂದಿಗೆ ಸಕ್ರಿಯ ಚರ್ಚೆ ನಡೆಸಿ ವಿಮಾನಗಳನ್ನು ಶೀಘ್ರವಾಗಿ ವಿತರಿಸಲು ಶ್ರಮಿಸುತ್ತಿದೆ. ಪ್ರಸ್ತುತ ಹಣಕಾಸು ವರ್ಷದ ವಿತರಣಾ ಗುರಿಯನ್ನು ಪೂರೈಸಲು ಹೆಚ್ಎಎಲ್ ಬದ್ಧವಾಗಿದೆ ಎಂದು ಕಂಪನಿ ಪುನರುಚ್ಚರಿಸಿದೆ.
