CinemaKarnatakaLatestSandalwood

‘ಮಿಸ್ಸಿಂಗ್ ಬಾಯ್’ ಆನಿಮೇಟೆಡ್ ವೀಡಿಯೋಗೆ ಧ್ವನಿಯಾದರು ಗಣೇಶ್!

ಬೆಂಗಳೂರು: ರಘುರಾಮ್ ತಮ್ಮ ನಿರ್ದೇಶನದ ಮಿಸ್ಸಿಂಗ್ ಬಾಯ್ ಚಿತ್ರದ ಬಗ್ಗೆ ಪ್ರತೀ ಹಂತದಲ್ಲಿಯೂ ಕುತೂಹಲ ಕಾವೇರುವಂತೆ ನೋಡಿಕೊಳ್ಳುತ್ತಿದ್ದಾರೆ. ಇದೀಗ ಚಿತ್ರದ ಪ್ರಚಾರಕ್ಕೂ ಮಿಗಿಲಾದ ಸಾಮಾಜಿಕ ಕಳಕಳಿಯ ವಿಭಿನ್ನ ಪ್ರಯತ್ನವೊಂದನ್ನು ಅವರು ಮಾಡಿದ್ದಾರೆ.

ವಿಧಿಯಾಟಕ್ಕೆ ಸಿಕ್ಕು ತಾಯಿಯಿಂದ ತಪ್ಪಿಸಿಕೊಂಡು ಬೇರೆ ದೇಶದ ಪಾಲಾದ ಹುಡುಗನೊಬ್ಬನ ಮನ ಮಿಡಿಯುವ ಸತ್ಯ ಕಥೆಯಾಧಾರಿತ ಮಿಸ್ಸಿಂಗ್ ಬಾಯ್ ಚಿತ್ರ ಇಂಥಾ ವಿಭಿನ್ನ ಆಲೋಚನೆಯ ಮೂಲಕ ಈಗಾಗಲೇ ಜನ ಮನ ಸೆಳೆದುಕೊಂಡಿದೆ. ಹೀಗಿರುವಾಗಲೇ ರಘುರಾಮ್ ಆನಿಮೇಟೆಡ್ ವೀಡಿಯೋವೊಂದನ್ನು ರೆಡಿ ಮಾಡಿದ್ದಾರೆ.

MISSING BOY

ಎಲ್ಲೋ ಮಾಧ್ಯಮಗಳಲ್ಲಿ ಮಕ್ಕಳು ಕಾಣೆಯಾಗೋದು, ಮಕ್ಕಳ ಕಳ್ಳತನದಂಥಾ ಸುದ್ದಿಗಳನ್ನು ಕೇಳುತ್ತೇವೆ. ಮರೆತೂ ಬಿಡುತ್ತೇವೆ. ಆದರೆ ಹೀಗೆ ಹೆತ್ತ ಮಕ್ಕಳನ್ನು ಕಳೆದುಕೊಂಡವರ ಸಂಕಟ ಮಾತ್ರ ನಿರಂತರ. ಒಂದು ಕ್ಷಣದ ಮೈ ಮರೆವೂ ಕೂಡಾ ಮಕ್ಕಳ ವಿಚಾರದಲ್ಲಿ ಇಂಥಾ ಸಂಕಷ್ಟ ಸೃಷ್ಟಿಸಬಹುದು. ಇದರ ಬಗ್ಗೆ ಎಲ್ಲ ಹೆತ್ತವರಲ್ಲಿ ಜಾಗೃತಿ ಮೂಡಿಸಲೆಂದೇ ಮಿಸ್ಸಿಂಗ್ ಬಾಯ್ ಕಡೆಯಿಂದ ಸಂದೇಶ ಹೊತ್ತ ಆನಿಮೇಟೆಡ್ ವೀಡಿಯೋ ಅಣಿಗೊಂಡಿದೆ.

ರಘುರಾಮ್ ಅವರ ಈ ಸಾಮಾಜಿಕ ಕಾಳಜಿಯ ಪ್ರಯತ್ನಕ್ಕೆ ಗೋಲ್ಡನ್ ಸ್ಟಾರ್ ಗಣೇಶ್ ಸಾಥ್ ನೀಡಿದ್ದಾರೆ. ಈ ವೀಡಿಯೋಗೆ ವಾಯ್ಸ್ ನೀಡೋ ಮೂಲಕ ಅವರು ರಘುರಾಮ್ ಪ್ರಯತ್ನವನ್ನು ಬೆಂಬಲಿಸಿದ್ದಾರೆ. ಈ ಆನಿಮೇಟೆಡ್ ವೀಡಿಯೋವನ್ನು ವಾರದೊಪ್ಪತ್ತಿನಲ್ಲಿಯೇ, ವಿಶೇಷವಾಗಿ ಬಿಡುಗಡೆ ಮಾಡಲು ತೀರ್ಮಾನಿಸಲಾಗಿದೆಯಂತೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

 

Related Articles

Leave a Reply

Your email address will not be published. Required fields are marked *