ಗೋಲ್ಡನ್ ಸ್ಟಾರ್ ಗಣೇಶ್‍ಗೆ 38ನೇ ಹುಟ್ಟುಹಬ್ಬ- ಆರೇಂಜ್ ಚಿತ್ರದ ಲೋಗೋ ರಿಲೀಸ್

ಬೆಂಗಳೂರು: ಸ್ಯಾಂಡಲ್‍ವುಡ್ ನಟ ಗೋಲ್ಡನ್ ಸ್ಟಾರ್ ಗಣೇಶ್‍ಗೆ ಹುಟ್ಟುಹಬ್ಬದ ಸಂಭ್ರಮ, 38ನೇ ವಸತಂತಕ್ಕೆ ಕಾಲಿಟ್ಟ ಗಣೇಶ್ ತಮ್ಮ ನಿವಾಸದಲ್ಲಿ ಅಭಿಮಾನಿಗಳೊಂದಿಗೆ ಕೇಕ್ ಕತ್ತರಿಸುವ ಮೂಲಕ ಹುಟ್ಟು ಹಬ್ಬ ಆಚರಿಸಿಕೊಂಡ್ರು.

ಈ ತಿಂಗಳಲ್ಲಿ ಮುಗುಳ್ನಗೆ ಚಿತ್ರ ಆಡಿಯೋ ರಿಲೀಸ್ ಆಗಲಿದ್ದು, ಇಂದಿನ ಹುಟ್ಟುಹಬ್ಬಕ್ಕೆ `ಆರೇಂಜ್’ ಚಿತ್ರದ ಲೋಗೋ ಬಿಡುಗಡೆ ಮಾಡಿದ್ದಾರೆ. ಬಳಿಕ ಪಬ್ಲಿಕ್ ಟಿವಿ ಜೊತೆ ಮಾತನಾಡಿದ ನಟ ಗಣೇಶ್, ನನ್ನ ಅಭಿಮಾನಿ ಹಾಗೂ ಗೆಳೆಯರ ಜೊತೆ ಸೇರಲು ಪ್ರತಿ ವಷ್ಧ ಹುಟ್ಟುಹಬ್ಬ ನನಗೊಂದು ಅವಕಾಶ ಮಾಡಿಕೊಡುತ್ತದೆ. ಈ ಒಂದು ದಿನವನ್ನು ಅಭಿಮಾನಿ, ಗೆಳೆಯರಿಗೋಸ್ಕರವೇ ನೀಡುತ್ತಿದ್ದು, ಅವರ ಜೊತೆನೇ ಇರುತ್ತೇವೆ. ಹುಟ್ಟು ಹಬ್ಬ ಆಚರಿಸಕೊಳ್ಳೆಮದು ಬೇರೆ ಊರುಗಳಿಂದ ಅಭಿಮಾನಿಗಳು ಆಗಮಿಸುತ್ತಾರೆ ಅವರಿಗೆಲ್ಲರಿಗೂ ನನ್ನ ಧನ್ಯವಾದಗಳು ಅಂತಾ ಹೇಳಿದ್ರು.

ಹುಟ್ಟುಹಬ್ಬದ ಜೊತೆಗೆ ಆರೇಂಜ್ ಚಿತ್ರದ ಲೋಗೋವನ್ನು ಬಿಡುಗಡೆ ಮಾಡಿದ್ದೇವೆ. ಸದ್ಯ ನಾನು ಚಮಕ್ ಸಿನಿಮಾದ ಶೂಟಿಂಗ್ ನಲ್ಲಿ ಬ್ಯುಸಿಯಾಗಿದ್ದೇನೆ. ಒಂದು ವಾರದ ಬಳಿಕ ಮುಗುಳ್ನಗೆ ಆಡಿಯೋ ರಿಲೀಸ್ ಕೂಡ ಮಾಡಬೇಕೆಂದಿದ್ದೇವೆ.