ನವದೆಹಲಿ: ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ ಆಭರಣ ಖರೀದಿ ಜೋರಾಗುತ್ತಿದ್ದಂತೆ ಚಿನ್ನ, ಬೆಳ್ಳಿಯ ದರವೂ ಸ್ವಲ್ಪ ಏರಿಕೆಯಾಗಿದೆ.
ಚಿನ್ನದ ದರ ಪ್ರತಿ ಗ್ರಾಂಗೆ 20 ರೂ. ಏರಿಕೆಯಾಗಿದೆ. ದೆಹಲಿಯ ಚಿನಿವಾರ ಪೇಟೆಯಲ್ಲಿ 10 ಗ್ರಾಂ ಶೇ.99.9 ಶುದ್ಧ ಚಿನ್ನಕ್ಕೆ 32,650 ರೂ. ನಿಗದಿಯಾಗಿದ್ದರೆ, ಶೇ.99.5 ಕ್ಯಾರೆಟ್ ಚಿನ್ನದ ಬೆಲೆ 32,500 ರೂ. ಆಗಿದೆ. ಶುಕ್ರವಾರ ಚಿನ್ನದ ಬೆಲೆ 150 ರೂ. ಇಳಿಕೆಯಾಗಿತ್ತು.
ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಳೆದ ವಾರದ ಚಿನ್ನದ ಬೆಲೆಗೆ ಹೋಲಿಸಿದರೆ ಸ್ವಲ್ಪ ಕಡಿಮೆಯಾಗಿದೆ. ಕಳೆದ ವಾರ 1 ಔನ್ಸ್ ಗೆ 1,233.80 ಡಾಲರ್ ಇದ್ದರೆ ಈ ವಾರ 1,233.20 ಡಾಲರ್ ಇದೆ. ಬೆಳ್ಳಿ 1 ಔನ್ಸ್ ಗೆ 14.82 ಡಾಲರ್ ಬೆಲೆ ಇದೆ.
ಶುಕ್ರವಾರ 1 ಕೆಜಿ ಶುದ್ಧ ಬೆಳ್ಳಿಗೆ 39,500 ರೂ. ಇದ್ದರೆ ಶನಿವಾರ 30 ರೂ. ಏರಿಕೆಯಾಗಿ 30,530 ರೂ.ಗೆ ತಲುಪಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
