– ಬಲವಂತವಾಗಿ ಬಾಲಕನ ಜೊತೆ ಮದ್ವೆ ಮಾಡಿಸಿದ್ರು
– ವಿವಾಹವಾದ ಬಳಿಕ ಇಬ್ಬರನ್ನು ಬೇರ್ಪಡಿಸಿದ ಪೊಲೀಸ್ರು
ಬೆಂಗಳೂರು: 19 ವರ್ಷದ ಯುವತಿಗೆ 16 ವರ್ಷದ ಬಾಲಕನ ಜೊತೆ ಮದುವೆ ಮಾಡಿಸಿದ ಘಟನೆ ನಗರದ ಅರೆಕೆರೆ ಮೈಕೋ ಲೇಔಟ್‍ನಲ್ಲಿ ನಡೆದಿದೆ.
ಕೆಲ ದಿನಗಳ ಹಿಂದೆ ಯುವತಿ ಹಾಗೂ ಬಾಲಕನ ಮದುವೆ ಮಾಡಲಾಗಿತ್ತು. ಈ ವಿಷಯ ತಿಳಿದ ಪೊಲೀಸರು ಫೆಬ್ರವರಿ 19ರಂದು ಮನೆಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಪರಿಶೀಲನೆ ಮಾಡಿದ ವೇಳೆ ಬಾಲ್ಯ ವಿವಾಹ ಮಾಡಿರುವುದು ಬೆಳಕಿಗೆ ಬಂದಿದೆ.
ಎರಡು ಕುಟುಂಬದವರು ಅಸ್ಸಾಂ ಹಾಗೂ ನೇಪಾಳದವರು. ಯುವತಿಗೆ ತಂದೆ-ತಾಯಿ ಇರದ ಕಾರಣ ಬಲವಂತವಾಗಿ ಪೋಷಕರು ಅಪ್ರಾಪ್ತ ಬಾಲಕನ ಮದುವೆ ಮಾಡಿಸಿದ್ದಾರೆ. ಸದ್ಯ ಪೊಲೀಸರು ಮದುವೆಯಾದ ಬಳಿಕ ಇಬ್ಬರನ್ನು ಬೇರೆ ಮಾಡಿದ್ದಾರೆ.
ಈ ಬಗ್ಗೆ ಪುಟ್ಟೇನಹಳ್ಳಿ ಪೊಲೀಸ್ ಠಾಣೆಯಲ್ಲಿ ಬಾಲ್ಯ ವಿವಾಹ ಕಾಯ್ಕೆ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಇನ್ನೂ ಅಪ್ರಾಪ್ತ ಬಾಲಕನಿಗೆ ಮದುವೆ ಮಾಡಿ ಪೋಷಕರು ಪೊಲೀಸರ ಅತಿಥಿ ಆಗಿದ್ದಾರೆ.
