ಬಿಗ್ ಬಾಸ್ (Bigg Boss) ಮನೆಯಲ್ಲಿ ಗಿಲ್ಲಿ (Gilli) ಮತ್ತು ಅಶ್ವಿನಿ ಗೌಡ (Ashwini Gowda) ಮತ್ತೆ ಕಿತ್ತಾಟಕ್ಕೆ ಇಳಿದಿದ್ದಾರೆ. ಮನೆ ಕ್ಯಾಪ್ಟನ್ ಆಗಿರುವ ಗಿಲ್ಲಿ, ಅಶ್ವಿನಿ ಅವರನ್ನು ನಾಮಿನೇಟ್ ಮಾಡಿ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಒಂದಲ್ಲ ಒಂದು ವಿಚಾರಕ್ಕೆ ಇಬ್ಬರ ನಡುವೆಯೂ ಜಗಳ ಆಗ್ತಿದೆ.
ಅಶ್ವಿನಿ ಗೌಡ ಮತ್ತು ಧ್ರುವಂತ್ ಇಬ್ಬರನ್ನೂ ಗಿಲ್ಲಿ ಟ್ರಿಗರ್ ಮಾಡ್ತಿದ್ದಾರೆ. ಇಬ್ಬರೂ ನನ್ನ ಕೈಗೊಂಬೆಗಳು ಅಂತ ಟಾಂಗ್ ಕೊಟ್ಟಿದ್ದಾರೆ. ಇದಕ್ಕೆ ಅಶ್ವಿನಿ, ಧ್ರುವಂತ್ ಕೆರಳಿ ಕೆಂಡವಾಗಿದ್ದಾರೆ. ಗಿಲ್ಲಿಗೆ ಸವಾಲ್ ಕೂಡ ಹಾಕಿದ್ದಾರೆ. ‘ಇನ್ಮುಂದೆ ಆಟ ಇರೋದು.. ಚಾಲೆಂಜ್ ಕಣೊ..’ ಅಂತ ಅಶ್ವಿನಿ ಗುಡುಗಿ ಗಿಲ್ಲಿಗೆ ತೊಡೆ ತಟ್ಟಿ ಸವಾಲ್ ಕೂಡ ಹಾಕಿದ್ದಾರೆ. ಆದರೆ, ಇದ್ಯಾವುದಕ್ಕೂ ಡೋಂಟ್ ಕೇರ್ ಎನ್ನದೇ ಗಿಲ್ಲಿ ಮತ್ತೆ ಮತ್ತೆ ಟ್ರಿಗರ್ ಮಾಡ್ತಿದ್ದಾರೆ. ಇದನ್ನೂ ಓದಿ: ಬಿಗ್ ಬಾಸ್ ಮನೆಯಲ್ಲಿ ಕಿತ್ತಾಡಿಕೊಂಡ ರಕ್ಷಿತಾ-ಸ್ಪಂದನಾ; ಮಾಳು ಹೊರಹೋಗೋದಕ್ಕೆ ಕಾರಣ ಯಾರು?
ಮೀಟರ್ ಬೇಕು ಮೀಟರ್; ಯಾರಿಗಿದೆ ಮೀಟರ್?
ಬಿಗ್ ಬಾಸ್ | ಸೋಮ-ಶುಕ್ರ ರಾತ್ರಿ 9:30 | ಶನಿ-ಭಾನು ರಾತ್ರಿ 9#BiggBossKannada12 #BBK12 #ColorsKannada #AdeBeruHosaChiguru #ಕಲರ್ಫುಲ್ಕತೆ #colorfulstory #KicchaSudeep #ExpectTheUnexpected #CKPromo pic.twitter.com/ijbiFXQqZL
— Colors Kannada (@ColorsKannada) December 31, 2025
ಗಿಲ್ಲಿ ಕ್ಯಾಪ್ಟನ್ ಆದ ಬಳಿಕ ತನ್ನ ವರಸೆಯನ್ನೇ ಬದಲಾಯಿಸಿದ್ದಾರೆ. ಮನೆ ಕೆಲಸದ ವಿಚಾರಕ್ಕೆ ಅಶ್ವಿನಿ ಗೌಡ ಜೊತೆ ಜಗಳ ಮಾಡಿಕೊಂಡರು. ಅಶ್ವಿನಿ ವೀಕ್ ಕಂಟೆಸ್ಟೆಂಟ್ ಅಂತ ಛೇಡಿಸಿದರು. ನಂತರ ಪ್ರತಿಸ್ಪರ್ಧಿಗಳನ್ನು ಪರಸ್ಪರರು ನಾಮಿನೇಟ್ ಮಾಡುವ ಪ್ರಕ್ರಿಯೆಯಿಂದಲೂ ಅಶ್ವಿನಿ ಅವರನ್ನು ಗಿಲ್ಲಿ ಹೊರಗಿಟ್ಟರು. ನಂತರ ಅಶ್ವಿನಿ, ರಾಷಿಕಾ, ಧ್ರುವಂತ್, ಧನುಷ್, ಸ್ಪಂದನಾ ನಾಮಿನೇಟ್ ಆಗುವಂತೆ ಗಿಲ್ಲಿ ನೋಡಿಕೊಂಡರು. ಇದೆಲ್ಲ ವಿಚಾರಕ್ಕೆ ಗಿಲ್ಲಿ ಮೇಲೆ ಅಶ್ವಿನಿಗೆ ಸಿಟ್ಟು ಜಾಸ್ತಿಯಾಗಿದೆ.
ಇದರ ಬೆನ್ನಲ್ಲೇ ಕಲರ್ಸ್ ಕನ್ನಡ ಹಂಚಿಕೊಂಡಿರುವ ಪ್ರೋಮೊದಲ್ಲಿ ಗಿಲ್ಲಿ ಮತ್ತು ಅಶ್ವಿನಿ ಮತ್ತೆ ಜಗಳಕ್ಕಿಳಿದಿದ್ದಾರೆ. ಪುನಃ ಇಬ್ಬರೂ ಕಿತ್ತಾಡಿಕೊಳ್ಳಲು ಕಾರಣ ಏನು? ಮನೆಯಲ್ಲಿ ಮುಂದಿನ ಆಟ ಹೇಗಿರುತ್ತೆ? ಈ ಜಗಳದಲ್ಲಿ ಯಾರು ಗೆಲ್ತಾರೆ ಎಂಬುದು ಕುತೂಹಲ ಮೂಡಿಸಿದೆ. ಇದನ್ನೂ ಓದಿ: ಕೆಲ್ಸ ಮಾಡದೇ ಕೆಲ್ಸ ಮಾಡ್ಸೋಕೆ ನಿಂತ ಗಿಲ್ಲಿ – ಕಿಚನ್ ವಾರ್ನಲ್ಲಿ ಕ್ಯಾಪ್ಟನ್ Vs ಅಶ್ವಿನಿ
