ಬಾಲಿವುಡ್ (Bollywood) ನಲ್ಲಿ ಪ್ರತಿ ವರ್ಷವೂ ಗಣೇಶೋತ್ಸವವನ್ನು (Ganeshotsava) ಅದ್ಧೂರಿಯಾಗಿ ಆಚರಿಸಲಾಗುತ್ತದೆ. ಈ ವರ್ಷವೂ ಅದಕ್ಕೆ ಹೊರತಿಲ್ಲ. ಖ್ಯಾತ ಸ್ಟಾರ್ ನಟರಾದ ಸಲ್ಮಾನ್ ಖಾನ್ (Salman Khan), ಶಾರುಖ್ ಖಾನ್ (Shah Rukh Khan), ಶಿಲ್ಪಾ ಶೆಟ್ಟಿ ಸೇರಿದಂತೆ ಅನೇಕ ತಾರೆಯರು ಗಣಪತಿಯನ್ನು ಸಡಗರದಿಂದ ತಮ್ಮ ಮನೆಗೆ ಬರಮಾಡಿಕೊಂಡಿದ್ದಾರೆ. ಅದರಲ್ಲೂ ಸಲ್ಲು ಮತ್ತು ಶಾರುಖ್ ಖಾನ್ ಮನೆಯಲ್ಲಿ ಗಣೇಶನನ್ನು ಕಂಡು ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ.
Advertisement
ಸಾಮಾನ್ಯವಾಗಿ ಮುಸ್ಲಿಂ ಸಮುದಾಯ ಮೂರ್ತಿ ಪೂಜೆ ಮಾಡುವುದಿಲ್ಲ. ಆದರೆ, ಶಾರುಖ್ ಮತ್ತು ಸಲ್ಮಾನ್ ಸಂಪ್ರದಾಯಕವಾಗಿ ಗಣೇಶ ಹಬ್ಬವನ್ನು ಪ್ರತಿ ವರ್ಷವೂ ಆಚರಿಸುತ್ತಾ ಬಂದಿದ್ದಾರೆ. ಈ ಮೂಲಕ ಅವರು ಭಾವೈಕ್ಯತೆಯ ಸಂದೇಶ ಸಾರುತ್ತಾರೆ. ಸಲ್ಮಾನ್ ಸಹೋದರಿಯ ಮನೆಯಲ್ಲಿ ನಡೆಯುವ ಉತ್ಸವದಲ್ಲಿ ಸಾಕಷ್ಟು ಬಾಲಿವುಡ್ ತಾರೆಯರೂ ಭಾಗಿಯಾಗುತ್ತಾರೆ. ಇದನ್ನೂ ಓದಿ: The Vaccine War ಸಿನಿಮಾ ನೋಡಿ ಹೊಗಳಿದ ಸುಧಾ ಮೂರ್ತಿ
Advertisement
Advertisement
ಕಲಾವಿದರಿಗೆ ಯಾವುದೇ ಜಾತಿ, ಧರ್ಮ, ಗಡಿ ಮತ್ತು ಭಾಷೆ ಇಲ್ಲ. ಅವರಿಗೆ ಎಲ್ಲ ಧರ್ಮ ಮತ್ತು ಜಾತಿಯಲ್ಲೂ ಅಭಿಮಾನಿಗಳು ಇದ್ದಾರೆ. ಹಾಗಾಗಿ ಕೇವಲ ಕಲೆಯನ್ನೇ ಆರಾಧಿಸುವ ಕಲಾವಿದರು ಮತ್ತು ತಂತ್ರಜ್ಞರು ಸಾರ್ವಜನಿಕವಾಗಿ ಹೀಗೆ ಸಂದೇಶಗಳನ್ನು ಸಾರುತ್ತಲೇ ಇರುತ್ತಾರೆ. ಈ ಬಾರಿಯೂ ಅದನ್ನು ಮಾಡಿದ್ದಾರೆ.
Advertisement
ಜಗತ್ತಿನ ಶ್ರೀಮಂತರ ಪಟ್ಟಿಯಲ್ಲಿರುವ ಅಂಬಾನಿ ಮನೆಯಲ್ಲೂ ಅದ್ಧೂರಿಯಾಗಿ ಗಣೇಶ ಹಬ್ಬವನ್ನು ಆಚರಿಸಲಾಗುತ್ತದೆ. ಸಾಕಷ್ಟು ತಾರೆಯರನ್ನು ಹಬ್ಬಕ್ಕಾಗಿ ಅಂಬಾನಿ ಕುಟುಂಬ ಆಹ್ವಾನ ನೀಡುತ್ತದೆ. ಇಲ್ಲಿಯೂ ಅನೇಕ ತಾರೆಯರು ಪಾಲ್ಗೊಳ್ಳುತ್ತಾರೆ.
Web Stories
