ಬ್ಯಾಂಕಾಕ್: 3-4 ನಾಯಿಗಳ ಗುಂಪು ಸೇರಿಕೊಂಡು ದೈತ್ಯ ಹಾವನ್ನ ಬಾಯಲ್ಲಿ ಎಳೆದಾಡಿ ಮಹಿಳೆಯನ್ನ ಅದರಿಂದ ಪಾರು ಮಾಡಿರೋ ಘಟನೆ ಥೈಲ್ಯಾಂಡ್‍ನಲ್ಲಿ ನಡೆದಿದ್ದು ಇದರ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡ್ತಿದೆ.
8 ಅಡಿ ಉದ್ದದ ದೈತ್ಯ ಕಿಂಗ್ ಕೋಬ್ರಾ ಮೇಲೆ ನಾಯಿಗಳು ದಾಳಿ ಮಾಡಿ ವಿಷಕಾರಿ ಹಾವನ್ನ ಬಾಯಲ್ಲಿ ಎಳೆದಾಡೋದನ್ನ ವೀಡಿಯೋದಲ್ಲಿ ನೋಡಬಹುದು.
ಕೆಲ ಹೊತ್ತಿನ ಬಳಿಕ ಹಾವು ಅಲ್ಲಿಂದ ಹೊರಟುಹೋಗಿದ್ದು ನಾಯಿಗಳಿಗೆ ಯಾವುದೇ ಹಾನಿಯಾಗಿಲ್ಲ. ಮಹಿಳೆ ಈ ದೃಶ್ಯಗಳನ್ನ ವೀಡಿಯೋ ಮಾಡಿದ್ದು, ಒಂದು ವೇಳೆ ಹಾವಿನಿಂದ ನಾಯಿಗೆ ಅಪಾಯವಾಗಿದ್ರೆ ಪಶುವೈದ್ಯರ ನಂಬರ್ ಇದೆ, ಕೂಡಲೇ ಬರುತ್ತಿದ್ದರು ಎಂದು ಪತ್ರಿಕೆಯೊಂದಕ್ಕೆ ಹೇಳಿದ್ದಾರೆ.
