ಬಾಗಲಕೋಟೆ: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ವಸತಿ ಗೃಹದ ನವೀಕರಣ ಕಾರ್ಯ ನಡೆಯುತ್ತಿದೆ. ವಸತಿಗೃಹದ ಸಹಾಯಕ ಎಂಜಿನಿಯರ್ ವಸತಿಗೃಹವನ್ನು ಸಿದ್ದರಾಮಯ್ಯ ಹೇಳಿದಂತೆ ನವೀಕರಣ ಮಾಡುತ್ತಿದ್ದಾರೆ.
ಇಂಡಿಯನ್ ಶೌಚಾಲಯ ಬದಲಾಯಿಸಿ ವೆಸ್ಟರ್ನ್ ಶೌಚಾಲಯ ನಿರ್ಮಿಸಲಾಗುತ್ತಿದೆ. ಜೊತೆಗೆ ಮನೆಯಲ್ಲಿ ಹೈಟೆಕ್ ಬೆಡ್ರೂಂ ವಿತ್ ಅಟ್ಯಾಚ್ ಬಾತ್ರೂಂ ನಿರ್ಮಾಣವಾಗ್ತಿದ್ದು, ಎಲ್ಲಾ ಸೇರಿ ಒಟ್ಟು ಮನೆಗಾಗಿ 20 ಲಕ್ಷ ರೂಪಾಯಿ ಖರ್ಚು ಮಾಡಲಾಗುತ್ತಿದೆ. ಇನ್ನೊಂದು ತಿಂಗಳಲ್ಲಿ ಮನೆ ನವೀಕರಣ ಕಾಮಗಾರಿ ಪೂರ್ಣಗೊಳ್ಳಲಿದ್ದು, ಬಳಿಕ ಜನರು ತಮ್ಮ ಅಹವಾಲುಗಳನ್ನು ಸಲ್ಲಿಸಬಹುದಾಗಿದೆ.
ರಾಜಕೀಯ ಮರುಜನ್ಮ ಕೊಟ್ಟ ಬಾದಾಮಿಯಲ್ಲಿ ಮನೆ ಮಾಡಿ ಜನರ ಋಣ ತೀರಿಸೋದಾಗಿ ಮಾಜಿ ಸಿಎಂ ಸಿದ್ದರಾಮಯ್ಯ ಹೇಳಿದ್ದರು. ಆದ್ರೆ ಸಿದ್ದರಾಮಯ್ಯಗೆ ಬಾದಾಮಿಯಲ್ಲಿ ಬಾಡಿಗೆ ಮನೆಯೇ ಸಿಗಲಿಲ್ಲ. ಸ್ಥಳೀಯ ಕಾಂಗ್ರೆಸ್ ನಾಯಕರು ಮೂರು ಮನೆ ತೋರಿಸಿದರಾದರೂ ಸಿದ್ದರಾಮಯ್ಯ ಅದಕ್ಕೆ ಓಕೆ ಅಂದಿಲ್ಲ. ಶಂಕರಗೌಡ ಕೆಳಗಿನಮನಿ ಮತ್ತು ಮಹೇಶ್ ಹೊಸಗೌಡ್ರ ಉಚಿತ ಮನೆ ನೀಡಲು ಮುಂದಾದ್ರೂ ಸಿದ್ದರಾಮಯ್ಯ ಒಪ್ಪಿಕೊಂಡಿಲ್ಲ. ಕೊನೆಗೆ ಬಾಗಲಕೋಟೆ ಪಟ್ಟಣದಲ್ಲಿರುವ ಲೋಕೋಪಯೋಗಿ ಇಲಾಖೆ ವಸತಿ ಗೃಹದಲ್ಲಿ ಇರಲು ಸಿದ್ದರಾಮಯ್ಯ ಓಕೆ ಎಂದಿದ್ದರು. ಈ ಹಿನ್ನೆಲೆಯಲ್ಲಿ ಇದೀಗ ನವೀಕರಣ ಕಾರ್ಯ ನಡೆಯುತ್ತಿದೆ.
