ರಸ್ತೆ, ಕಟ್ಟಡ ಏನ್ ಬೇಕಾದ್ರೂ ಕಟ್ಟಿ- ಭೂಗಳ್ಳರಿಗೆ ಕೆರೆಯನ್ನೇ ಮಾರಿತ್ತು ಸಿದ್ದು ಸರ್ಕಾರ!

ಬೆಂಗಳೂರು: ಭೂಗಳ್ಳರಿಗೆ ಕೆರೆ ಗಿಫ್ಟ್, ಇದು ಕರ್ನಾಟಕದಲ್ಲಿ ಮಾತ್ರ. ಅಚ್ಚರಿಯಾದ್ರೂ ಸತ್ಯ. ಸಿದ್ದರಾಮಯ್ಯ ಸಿಎಂ ಆಗಿದ್ದಾಗ ಇಂಥದೊಂದು ಎಡವಟ್ಟು ಕಾಯ್ದೆ ಬಂದಿದ್ದು, ಭೂಗಳ್ಳರಿಗೆ ವರದಾನವಾಗಿದೆ.

ಕಾಂಗ್ರೆಸ್ ಸರ್ಕಾರದ ಕೊನೆಯ ಅಧಿವೇಶನದಲ್ಲಿ ಈ ತಿದ್ದುಪಡಿ ಬಿಲ್ ಪಾಸಾಗಿದೆ. ಕೆರೆ ಸಂರಕ್ಷಣೆ ಮತ್ತು ಅಭಿವೃದ್ಧಿ ಪ್ರಾಧಿಕಾರ ಅನುಮತಿ ಕೊಟ್ರೆ ಕೆರೆಯಂಗಳದಲ್ಲಿ ರಸ್ತೆ, ಸೇತುವೆ ಸೇರಿದಂತೆ ಇನ್ನಿತರ ಕಾಮಗಾರಿ ನಡೆಸಬಹುದಂತೆ. ಆದ್ರೆ ಈ ಕಾಮಗಾರಿಯಿಂದ ಕೆರೆಗಳ ಮೂಲ ಸಾಮಥ್ರ್ಯಕ್ಕೆ ಧಕ್ಕೆಯಾಗಬಾರದು ಅಂತಾ ಬೇರೆ ಸೇರಿಸಲಾಗಿದೆ.

ಕೆರೆಯಂಗಳದಲ್ಲಿ ಯಾವುದೇ ಕಾಮಗಾರಿ ನಡೆಸುವಂತಿಲ್ಲ ಅನ್ನುವ ಸ್ಪಷ್ಟ ಆದೇಶವಿದ್ರೂ, ಪದೇ ಪದೇ ಕೆರೆ ನಿರ್ಲಕ್ಷ್ಯ ವಿಚಾರದಲ್ಲಿ ಎನ್‍ಜಿಟಿಯಿಂದ ಛೀಮಾರಿ ಹಾಕಿಸಿಕೊಂಡ್ರೂ ಬುದ್ಧಿ ಕಲಿಯದ ಕಾಂಗ್ರೆಸ್ ಸರ್ಕಾರ, ಕೊನೆಯ ಅಧಿವೇಶನದಲ್ಲಿ ತರಾತುರಿಯಲ್ಲಿ ಈ ತಿದ್ದುಪಡಿ ಬಿಲ್ ಪಾಸ್ ಮಾಡಿದೆ. ಇದ್ರ ಹಿಂದೆ ಅಂದಿನ ನಗರಾಭಿವೃದ್ದಿ ಸಚಿವ ಕೆ.ಜೆ. ಜಾರ್ಜ್ ಹಾಗೂ ಕೆರೆ ಸಮಿತಿ ಅಧ್ಯಕ್ಷ ಕೋಳಿವಾಡರವರ ಕರಾಮತ್ತು ಇತ್ತಾ ಅನ್ನುವ ಅನುಮಾನವೂ ಮೂಡಿದೆ.