ಫ್ಯಾಶನ್ ಲೋಕದಲ್ಲಿ ನೂತನ ವಿನೂತನ ಪ್ರಯತ್ನದ ಮೂಲಕ ಗಮನ ಸೆಳೆಯುತ್ತಿರುವ ಅಂತರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿ ಗಳಿಸುತ್ತಿರುವ ಕನ್ನಡದ ಪ್ರತಿಭೆ ಫಾರೆವರ್ ನವೀನ್ ಕುಮಾರ್. ಫಾರೆವರ್ ನವೀನ್ ಕುಮಾರ್( Forever Naveen Kumar) ಬ್ರ್ಯಾಂಡ್ ಮೂಲಕ ಗಮನ ಸೆಳೆಯುತ್ತಿರುವ ಇವರು ಫಾರೆವರ್ ನವೀನ್ ಕುಮಾರ್ ಬೈ ಡಿಸೈನರ್ ನವೀನ್ ಕುಮಾರ್ ಎಂದೇ ಖ್ಯಾತಿ. ಇದೀಗ ಇವರ ಸಾಧನೆಯನ್ನು ಗುರುತಿಸಿರುವ ಇಂಡಿಯನ್ ಫ್ಯಾಶನ್ ಕೌನ್ಸಿಲ್ ಮತ್ತೊಂದು ಪ್ರಶಂಸೆಯ ಗರಿ ನೀಡಿದೆ.
ಕಳೆದ ನಾಲ್ಕು ವರ್ಷಗಳಿಂದ ದೇಶ ಹಾಗೂ ಅಂತರಾಷ್ಟ್ರೀಯ ವೇದಿಕೆಗಳಲ್ಲಿ ತಮ್ಮ ಫ್ಯಾಶನ್ ಡಿಸೈನ್ ಗಳನ್ನು ಶೋ ಕೇಸ್ ಮಾಡುತ್ತ ಬಂದಿದ್ದಾರೆ ಫಾರೆವರ್ ನವೀನ್ ಕುಮಾರ್. ಇಲ್ಲಿವರೆಗೆ ಭಾರತದ ಆರು ಝೋನ್ ಗಳಲ್ಲಿ ತಮ್ಮ ಫ್ಯಾಶನ್ ಡಿಸೈನ್ ಕಾಸ್ಟ್ಯೂಮ್ ಪ್ರದರ್ಶನ ಮಾಡಿದ ಫ್ಯಾಶನ್ ಡಿಸೈನರ್ ಎಂಬ ಖ್ಯಾತಿಯೂ ಇವರಿಗಿದೆ. ಇದೀಗ ಇಂಡಿಯನ್ ಫ್ಯಾಶನ್ ಕೌನ್ಸಿಲ್ ಇದನ್ನು ಗುರುತಿಸಿದ್ದು, ಭಾರತದ ಆರು ಝೋನ್ ಗಳಲ್ಲಿ ಫ್ಯಾಶನ್ ಡಿಸೈನ್ ಗಳನ್ನು ಪ್ರದರ್ಶನ ಮಾಡಿದ ಅದರಲ್ಲೂ ಫೀಮೇಲ್ ಕಲೆಕ್ಷನ್ಸ್ ಹ್ಯಾಂಡ್ ವರ್ಕ್ ಸೀಕ್ವೆನ್ಸ್ ಕಾಸ್ಟ್ಯೂಮ್ ಪ್ರದರ್ಶನ ಮಾಡಿದ ಏಕೈಕ ಫ್ಯಾಶನ್ ಡಿಸೈನರ್ ಎಂಬ ಪ್ರಶಂಸೆಯ ಗರಿಯನ್ನು ಫಾರೆವರ್ ನವೀನ್ ಕುಮಾರ್ ಗೆ ನೀಡಿದೆ. ತಮ್ಮ ಹೊಸ ಪ್ರಯತ್ನಗಳಿಗೆ ಮನ್ನಣೆ ಹಾಗೂ ಪ್ರಶಂಸೆ ಸಿಕ್ಕಿರುವುದು ಫಾರೆವರ್ ನವೀನ್ ಕುಮಾರ್ ಅವರಿಗೆ ಸಂತಸ ತಂದಿದೆ.
ಕೇವಲ ರಾಷ್ಟ್ರ ಮಟ್ಟದಲ್ಲಿ ಮಾತ್ರವಲ್ಲದೆ ಅಂತರಾಷ್ಟ್ರೀಯ ಮಟ್ಟದಲ್ಲೂ ತಮ್ಮ ಫ್ಯಾಶನ್ ಡಿಸೈನ್ ಗಳನ್ನು ಪ್ರದರ್ಶನ ಮಾಡಿ ಸೈ ಎನಿಕೊಂಡಿದ್ದಾರೆ. ಕೇವಲ ನಾಲ್ಕು ವರ್ಷದಲ್ಲಿ ಫ್ಯಾಶನ್ ದುನಿಯಾದಲ್ಲಿ ಅಪಾರವಾದ ಖ್ಯಾತಿ ಗಳಿಸಿಕೊಂಡಿರುವ ಫಾರೆವರ್ ನವೀನ್ ಕುಮಾರ್ ಹಲವು ನಟ ನಟಿಯರ ಅಚ್ಚು ಮೆಚ್ಚಿನ ಕಾಸ್ಟ್ಯೂಮ್ ಡಿಸೈನರ್ ಕೂಡ ಹೌದು.
ಫೇದರ್ ವಿಂಗ್ಸ್ ಮತ್ತು ಹ್ಯಾಂಡ್ ವರ್ಕ್ ಸೀಕ್ವೆನ್ಸ್ ಕಾಸ್ಟೂಮ್ ಡಿಸೈನ್ ನಲ್ಲಿ ತಮ್ಮದೇ ಆದ ಯೂನೀಕ್ ಸ್ಟೈಲ್ ರೂಢಿಸಿಕೊಂಡಿರುವ ಇವರು ಇಲ್ಲಿವರೆಗೆ 14 ರಾಜ್ಯಗಳಲ್ಲಿ ಕಾಸ್ಟ್ಯೂಮ್ ಪ್ರದರ್ಶನ ಮಾಡಿದ್ದಾರೆ. ಇಲ್ಲಿಯವರೆಗೆ ಸುಮಾರು 83 ಫ್ಯಾಶನ್ ಶೋ ಗಳಲ್ಲಿ ಭಾಗಿಯಾಗಿರುವ ಫಾರೆವರ್ ನವೀನ್ ಕುಮಾರ್ 1600ಕ್ಕೂ ಹೆಚ್ಚು ವೆರೈಟಿ ಡಿಸೈನ್ ಕಾಸ್ಟ್ಯೂಮ್ ಪ್ರದರ್ಶನ ಮಾಡಿ ಸೈ ಎನಿಸಿಕೊಂಡಿದ್ದಾರೆ. ಅತಿ ಕಡಿಮೆ ಅವಧಿಯಲ್ಲಿ ಇಂತಹದೊಂದು ಸಾಧನೆ ಮಾಡಿದ ಖ್ಯಾತಿ ಕೂಡ ಇವರಿಗೆ ಸಲ್ಲುತ್ತೆ. ಕನ್ನಡದ ಪ್ರತಿಭಾವಂತರೊಬ್ಬರು ಅಂತರಾಷ್ಟ್ರೀಯ ಮಟ್ಟದಲ್ಲಿ ಬಹು ಬೇಡಿಕೆಯ ಮಾರುಕಟ್ಟೆಯನ್ನು ಸೃಷ್ಟಿಸಿಕೊಂಡಿರೋದು ನಿಜಕ್ಕೂ ಹೆಮ್ಮೆಯ ಸಂಗತಿ.
