ತೈವಾನ್: ನಷ್ಟದಲ್ಲಿದ್ದ ಆಹಾರ ಮಳಿಗೆಗೆ ಮಾಲೀಕನೊಬ್ಬ ಹಾಟ್ ಮಾಡೆಲ್ನನ್ನು ಕರೆಸಿ ಒಂದೇ ದಿನದಲ್ಲಿ ನಾಲ್ಕು ಪಟ್ಟು ಹೆಚ್ಚು ಆದಾಯಗಳಿಸಿರುವ ಘಟನೆ ತೈವಾನ್ ನಲ್ಲಿ ನಡೆದಿದೆ.
ಮಾಲೀಕ ತನ್ನ ಆಹಾರ ಮಳಿಗೆಯಲ್ಲಿ ಮಾಂಸವನ್ನು ಮಾರಾಟ ಮಾಡುತ್ತಿದ್ದನು. ಕೆಲವು ದಿನಗಳಿಂದ ಆತನ ಆಹಾರ ಮಳಿಗೆ ನಷ್ಟದಲ್ಲಿ ಸಾಗುತ್ತಿತ್ತು. ಆಗ ಮಾಲೀಕ ಉಪಾಯ ಮಾಡಿ ಒಂದು ದಿನಕ್ಕೆ ಮಾಡಲ್ ವಿವಿ ಎಂಬಾಕೆಯನ್ನು ಮ್ಯಾನೇಜರ್ ಆಗಿ ನೇಮಿಸಿಕೊಂಡಿದ್ದ. ಮ್ಯಾನೇಜರ್ ಆಗಿ ನೇಮಿಸಿದ್ದೇ ತಡ ಒಂದೇ ದಿನದಲ್ಲಿ ನಾಲ್ಕು ಪಟ್ಟು ಹೆಚ್ಚು ಆದಾಯಗಳಿಸಿದ್ದಾನೆ.
ಹೊಸದಾಗಿ ನೇಮಕವಾದ ವಿವಿಗೆ ಹಾಗೂ ಆಕೆಯ ವರ್ಚಸ್ಸಿಗೆ ನನ್ನ ಧನ್ಯವಾದಗಳು. ಆಹಾರ ಮಳಿಗೆ ಮುಂದೇ ಉದ್ದನೆಯ ಕ್ಯೂ ಕೂಡ ಇತ್ತು. ಶೀಘ್ರದಲ್ಲೇ ಆಹಾರದ ಅಂಗಡಿಯ ಲಾಭ ನಾಲ್ಕರಷ್ಟು ಹೆಚ್ಚಾಗಿತ್ತು ಎಂದು ಆಹಾರ ಮಳಿಗೆ ಮಾಲೀಕ ತಿಳಿಸಿದ್ದಾನೆ.
ವಿವಿ ಮಾಂಸ ಮಾರುತ್ತಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ವೈರಲ್ ಆಗಿ ಹೆಚ್ಚು ಶೇರ್ ಕೂಡ ಆಗಿದೆ. ಮಾಲೀಕನ ಬ್ಯುಸಿನೆಸ್ ನಲ್ಲಿ ಸಹಾಯ ಮಾಡಿದ ವಿವಿಗೆ ಹಚ್ಚು ಜನರು ಪ್ರಶಂಸೆ ವ್ಯಕ್ತಪಡಿಸಿದ್ದರು. ಮಾಲೀಕನಿಗೆ ಸಹಾಯ ಮಾಡಲು ವಿವಿ ಸ್ವಲ್ಪ ಹೊತ್ತು ತನ್ನ ಕೆಲಸದಿಂದ ದೂರಾಗಿ, ಆತನಿಗೆ ಸಹಾಯ ಮಾಡಿದ್ದಾಳೆ.
ಮತ್ತೊಂದು ಸುದ್ದಿ ಏನೆಂದರೆ ಆಹಾರ ಮಳಿಗೆಯ ಹೊರಗಡೆ ಇದ್ದ ಕ್ಯೂನಲ್ಲಿ ಬರೀ ಪುರುಷರು ನಿಂತಿದ್ದರು ಎಂದು ವರದಿಯಾಗಿದೆ. ಈ ಸುದ್ದಿಗೆ ಕೆಲವು ಮಂದಿ ಆಕೆಯ ಆರ್ಕಷಣೆಯಿಂದ ಆಹಾರ ಮಳಿಗೆ ನಾಲ್ಕು ಪಟ್ಟು ಹೆಚ್ಚು ಆದಾಯಗಳಿಸಿತ್ತು ಎಂದು ಹೇಳಿದ್ದರೆ, ಇನ್ನೂ ಕೆಲವು ಮಂದಿ ಆಕೆಯ ಉಡುಪಿನಿಂದ ಆದಾಯ ಹೆಚ್ಚಿದೆ ಎಂದು ಪ್ರತಿಕ್ರಿಯಿಸಿದ್ದಾರೆ.
