ಹೈದರಾಬಾದ್: ಐದು ವರ್ಷದ ಬಾಲಕನೊಬ್ಬ ಸತತ 1200 ಬಸ್ಕಿ ಹೊಡೆದು ವಿಶ್ವ ದಾಖಲೆ ಬರೆದಿದ್ದಾನೆ.
ಹೈದರಾಬಾದ್‍ನ ಅಶ್ಮಾನ್ ತನೇಜಾ ಗಿನ್ನಿಸ್ ವಿಶ್ವ ದಾಖಲೆಗಳಲ್ಲಿ ತಮ್ಮ ಹೆಸರನ್ನು ದಾಖಲಿಸಿದ್ದಾರೆ. ಅಮೆರಿಕದಲ್ಲಿ ನಡೆದ ವಲ್ರ್ಡ್ ಓಪನ್ ಟೇಕ್ವಾಂಡೋದಲ್ಲಿ ಅಶ್ಮಾನ್ ಭಾಗವಹಿಸಿ ಬೆಳ್ಳಿ ಪದಕ ಗೆದಿದ್ದಾರೆ. ಇದೇ ವೇಳೆ ಅಶ್ಮಾನ್ ಒಂದು ಗಂಟೆಯಲ್ಲಿ ನಿರಂತರವಾಗಿ 1,200 ಬಸ್ಕಿ ಹೊಡೆದ ಎಲ್ಲರನ್ನೂ ಮೆಚ್ಚಿಸಿದ್ದಾರೆ. ಬಾಲಕ ಈ ದಾಖಲೆ ಗಿನ್ನಿಸ್ ವಿಶ್ವ ದಾಖಲೆಗಳ ಪುಟ ಸೇರಿದೆ.
ಇಷ್ಟು ಚಿಕ್ಕ ವಯಸ್ಸಿನಲ್ಲೇ ಇಂತಹ ಸಾಧನೆ ಮಾಡಲು ಬಾಲಕ ಅಶ್ಮಾನ್‍ನಿಗೆ ಆತನ ಅಕ್ಕ ಸ್ಫೂರ್ತಿ ಆಗಿದ್ದಾಳೆ. ಟೇಕ್ವಾಂಡೋ ಆಟಗಾರನಾದ ಅಶ್ಮಾನ್ ಸಹೋದರಿ ಎರಡು ವಿಶ್ವ ದಾಖಲೆಗಳನ್ನು ಬರೆದಿದ್ದಳು. ಇದರಿಂದ ಸ್ಫೂರ್ತಿ ಪಡೆದ ಅಶ್ಮಾನ್ ತಾನೂ ಏನನ್ನಾದರೂ ಸಾಧಿಸಬೇಕು ಎಂಬ ನಿರ್ಧರಿಸಿದ್ದ. ಅದರಂತೆ ಒಂದು ಗಂಟೆಯಲ್ಲಿ 1,200 ಬಸ್ಕಿ ಹೊಡೆದು ಗಿನ್ನಿಸ್ ವಿಶ್ವ ದಾಖಲೆಗಳಲ್ಲಿ ತಮ್ಮ ಹೆಸರನ್ನು ದಾಖಲಿಸಿದ್ದಾರೆ.
