– ಒಂದೇ ಗಂಟೆಯಲ್ಲಿ ಸಿಕ್ತು ಟನ್ಗಟ್ಟಲೆ ತಾರ್ಲೆ ಮೀನು
ಕಾರವಾರ: ಸಮುದ್ರ ಭಾಗದ ತೀರ ಭಾಗಕ್ಕೆ ಲಕ್ಷಾಂತರ ಮೀನುಗಳು ಬಂದಿದ್ದು, ಮೀನುಗಾರರಿಗೆ ಭರ್ಜರಿ ಬೇಟೆ ಸಿಕ್ಕಿದೆ.
ಹಲವು ತಿಂಗಳ ಹವಾಮಾನ ಬದಲಾವಣೆಯಿಂದ ಸಂಪೂರ್ಣ ನೆಲ ಕಚ್ಚಿದ್ದ ಮೀನುಗಾರಿಕೆ ಇನ್ನೇನು ಮತ್ತೆ ಪ್ರಾರಂಭವಾಗುತ್ತಿರುವ ಬೆನ್ನಲ್ಲೇ ಅರಬ್ಬಿ ಸಮುದ್ರದಲ್ಲಿ ಮೀನುಗಾರರು ಭರ್ಜರಿ ಮತ್ಸ್ಯ ಬೇಟೆಯಲ್ಲಿ ತೊಡಗಿದ್ದಾರೆ. ಇದನ್ನೂ ಓದಿ: ರಸ್ತೆಬದಿ ಕಸ ಸುರಿದ ಯುವತಿ – ಸಿಸಿಟಿವಿ ಮುಂದೆ ಸ್ನೇಹಿತೆ ಡ್ಯಾನ್ಸ್ ಮಾಡಿದ್ದಕ್ಕೆ ಬಿತ್ತು 1,000 ರೂ. ದಂಡ
ಸಮುದ್ರದಲ್ಲಿ ಮೀನುಗಳ ದಂಡೇ ಹರಿದು ಬರುತ್ತಿದ್ದು, ಮೀನುಗಾರರ ಮುಖದಲ್ಲಿ ಮಂದಹಾಸ ಮೂಡಿಸಿದೆ. ಕಾರವಾರ, ಬೇಲಿಕೇರಿ, ಮುದಗ ಬಂದರಿನಿಂದ ಹೊರಟ ಮೀನುಗಾರರು ಅರಬ್ಬಿ ಸಮುದ್ರದಲ್ಲಿ ದೊಡ್ಡ ಮಟ್ಟದ ತಾರ್ಲೆ ಮೀನುಗಳ ಭರ್ಜರಿ ಬೇಟೆ ಮಾಡಿದ್ದಾರೆ.
ಕಾರವಾರ ಸಮೀಪದ ಅರಬ್ಬಿ ಸಮುದ್ರ ಭಾಗದಲ್ಲಿ ಲಕ್ಷಾಂತರ ತಾರ್ಲೆ ಮೀನುಗಳು ಸಿಕ್ಕಿವೆ. ಆಳ ಸಮುದ್ರಕ್ಕೆ ತೆರಳದೇ ತೀರ ಸಮೀಪದಲ್ಲೇ ರಾಶಿ ರಾಶಿ ಮೀನುಗಳನ್ನು ಹಿಡಿದಿದ್ದಾರೆ. ಹಲವು ವರ್ಷದ ನಂತರ ಈ ಮಟ್ಟದ ತಾರ್ಲೆ ಮೀನುಗಳು ಮೀನುಗಾರರಿಗೆ ದೊರೆತಿವೆ. ಮೀನುಗಾರರ ಮುಖದಲ್ಲಿ ಮಂದಹಾಸ ಮೂಡಿದೆ. ಇದನ್ನೂ ಓದಿ: ಈಶಾನ್ಯ ಮಾರುತದ ಪ್ರಭಾವ; ಉಡುಪಿಯಲ್ಲಿ ಮಳೆ
