ಬೆಂಗಳೂರು: ನಗರದ ವೈಯಾಲಿ ಕಾವಲ್ನ ಬಿಲ್ವ ಆಸ್ಪತ್ರೆಯಲ್ಲಿ ಬೆಳ್ಳಂ ಬೆಳಗ್ಗೆ ಅಗ್ನಿ ದುರಂತ ಸಂಭವಿಸಿದೆ.
ಆಸ್ಪತ್ರೆಯ ಎರಡನೇ ಮಹಡಿಯಲ್ಲಿನ ಎಸಿ ಶಾರ್ಟ್ ಸರ್ಕ್ಯೂಟ್ನಿಂದ ಘಟನೆ ಸಂಭವಿಸಿದೆ ಎನ್ನಲಾಗಿದೆ. ಆಸ್ಪತ್ರೆ ಸಂಪೂರ್ಣ ಹೊತ್ತಿ ಉರಿದಿದೆ.
ಒಳಗೆ ಸಿಲುಕಿಕೊಂಡಿದ್ದ 6 ಮಂದಿಯನ್ನ ರಕ್ಷಿಸಿ, ಮಲ್ಲೇಶ್ವರಂನ ಕೆ.ಸಿ. ಜನರಲ್ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ. ಸ್ಥಳಕ್ಕೆ ಅಗ್ನಿಶಾಮಕ ಸಿಬ್ಬಂದಿ ದೌಡಾಯಿಸಿದ್ದು, ರಕ್ಷಣಾ ಕಾರ್ಯ ಭರದಿಂದ ನಡೀತಿದೆ.
ನಮಗೆ 6 ಗಂಟೆಗೆ ಕರೆ ಬಂದಿದೆ. ಮೊದಲು ಎರಡು ವಾಹನಗಳು ಬಂದಿತ್ತು. ನಂತರ ಮತ್ತೆ ನಾಲ್ಕು ವಾಹನಗಳು ಹೈಗ್ರೌಂಡ್ ಅಗ್ನಿಶಾಮಕದಳ ಠಾಣೆಯಿಂದ ಸ್ಥಳಕ್ಕೆ ಬಂದವು. ಆಸ್ಪತ್ರೆಯಲ್ಲಿ ಒಟ್ಟು 9 ಜನ ರೋಗಿಗಳು ಇದ್ರು. ಎಲ್ಲರನ್ನೂ ನಮ್ಮ ಸಿಬ್ಬಂದಿ ಗಾಜು ಒಡೆದು ಕಿಟಕಿ ಮೂಲಕ ರಕ್ಷಣೆ ಮಾಡಿದ್ದಾರೆ. ಘಟನೆಗೆ ಕಾರಣ ತಿಳಿದು ಬಂದಿಲ್ಲ. ಸ್ಥಳೀಯ ಪೊಲೀಸರು ತನಿಖೆ ನಡೆಸಬೇಕು ಅಂತ ಅಗ್ನಿಶಾಮಕದಳದ ನಿರ್ದೇಶಕರಾದ ಕೆ.ಯು ರಮೇಶ್ ಹೇಳಿದ್ದಾರೆ.
