ನೆಲಮಂಗಲ: ವಾಹನ ಸವಾರರೇ ಎಚ್ಚರ ಎಚ್ಚರ ಬುಧವಾರದಿಂದ ಬೀಳುತ್ತೆ ನಿಮ್ಮ ಜೇಬ್ಗೆ ಡಬಲ್ ಕತ್ತರಿ. ನಿಮ್ಮ ಕಾರು ಸೇರಿದಂತೆ ಇನ್ನಿತರ ವಾಹನಕ್ಕೆ ಫಾಸ್ಟ್ಯಾಗ್ ಮಾಡಿಸಿಲ್ಲವೆಂದರೆ ಡಬಲ್ ಹಣವನ್ನು ಪಾವತಿ ಮಾಡಬೇಕಾಗುತ್ತದೆ.
ಫಾಸ್ಟ್ಯಾಗ್ ವಿಚಾರದಲ್ಲಿ ಕೇಂದ್ರ ಸಾರಿಗೆ ಇಲಾಖೆ ನೀಡಿದ್ದ ಗಡುವು ಇಂದಿಗೆ ಕೊನೆಯಾಗಲಿದೆ. ಆದ್ದರಿಂದ ನಾಳೆಯಿಂದ ಟೋಲ್ಗಳಲ್ಲಿ ಒಂದೇ ಗೇಟ್ನಲ್ಲಿ ಹಣ ಪಾವತಿಗೆ ಅನುಮತಿ ನೀಡಲಾಗಿದೆ. ಹೀಗಾಗಿ ಉಳಿದ ಎಲ್ಲಾ ಟೋಲ್ ಬೂತ್ಗಳಲ್ಲಿ ಫಾಸ್ಟ್ಯಾಗ್ ನಿಯಮ ಕಡ್ಡಾಯವಾಗಿ ಜಾರಿಯಾಗಿದೆ.
ಇಂದು ಸಂಜೆ ವೇಳೆಗೆ ಹೊಸ ಆದೇಶ ಜಾರಿಗೆ ಬರುವ ಸೂಚನೆ ಕೂಡ ಇದೆ. ನಾಳೆಯಿಂದ ಫಾಸ್ಟ್ಯಾಗ್ ಇಲ್ಲದವರಿಗೆ ಟ್ರಾಫಿಕ್ ಬಿಸಿ ತಟ್ಟಲಿದೆ. ಅಲ್ಲದೇ ಫಾಸ್ಟ್ಯಾಗ್ ಇರುವ ಗೇಟ್ ನಲ್ಲಿ ಫಾಸ್ಟ್ಯಾಗ್ ಇಲ್ಲದ ವಾಹನ ಸಂಚರಿಸಿದರೆ ಡಬಲ್ ಹಣ ಪಾವತಿ ಮಾಡಲೇಬೇಕು ಎಂದು ಈಗಾಗಲೇ ಟೋಲ್ ಕಂಪನಿಗಳು ನಾಮಫಲಕ ಅಳವಡಿಸಿದ್ದಾರೆ.
ಬೆಂಗಳೂರು ಹೊರವಲಯ ನೆಲಮಂಗಲದ ನವಯುಗ ಟೋಲ್ನಲ್ಲಿ ಅಧಿಕೃತವಾಗಿ ವಾಹನ ಸವಾರರ ಗಮನಕ್ಕೆ ತರಲು ಎಚ್ಚರಿಕೆಯ ನಾಮಫಲಕವನ್ನ ಅಳವಡಿಕೆ ಮಾಡಲಾಗಿದೆ.