‘ಜೊತೆ ಜೊತೆಯಲಿ’ ಅನಿರುದ್ಧ ಪಾತ್ರಕ್ಕೆ ಹೆಸರಾಂತ ನಟ ಸುನೀಲ್ ಪುರಾಣಿಕ್ ಹೆಸರು

ಜೊತೆ ಜೊತೆಯಲಿ ಧಾರಾವಾಹಿಯಿಂದ ಅನಿರುದ್ಧ ಅವರನ್ನು ಹೊರಗೆ ಕಳುಹಿಸಿದ ನಂತರ, ಅವರು ನಿರ್ವಹಿಸುತ್ತಿದ್ದ ಆರ್ಯವರ್ಧನ್ ಪಾತ್ರಕ್ಕೆ ಹಲವು ಬಗೆಯ ನಟರ ಹೆಸರು ಕೇಳಿ ಬರುತ್ತಿವೆ. ಈ ಹಿಂದೆ ನಿರ್ದೇಶಕ ಅನೂಪ್ ಭಂಡಾರಿ ಈ ಪಾತ್ರವನ್ನು ಮಾಡಲಿದ್ದಾರೆ ಎಂದು ಹೇಳಲಾಗಿತ್ತು. ಧಾರಾವಾಹಿ ತಂಡ ಅವರನ್ನು ಸಂಪರ್ಕಿಸಿತ್ತು. ಆದರೆ, ನಟಿಸಲು ಅನೂಪ್ ನಿರಾಕರಿಸಿದ್ದಾರೆ. ಈ ಕುರಿತು ಅನೂಪ್ ವಿವರಣೆಯನ್ನೂ ನೀಡಿದ್ದಾರೆ.

ವಿಕ್ರಾಂತ್ ರೋಣ ಸಿನಿಮಾದ ನಂತರ ಮತ್ತೊಂದು ಚಿತ್ರವನ್ನು ಅನೂಪ್ ಕೈಗೆತ್ತಿಕೊಂಡಿದ್ದು, ಹಾಗಾಗಿ ಧಾರಾವಾಹಿಯಲ್ಲಿ ನಟಿಸಲಾರೆ ಎಂದು ಹೇಳಿದ್ದಾರೆ. ಇವರು ನಟಿಸಲು ನಿರಾಕರಿಸುತ್ತಿದ್ದಂತೆಯೇ ಧಾರಾವಾಹಿ ತಂಡ ಸುನೀಲ್ ಪುರಾಣಿಕ್ ಅವರನ್ನು ಆಯ್ಕೆ ಮಾಡಲು ನಿರ್ಧರಿಸಿದೆ ಎಂದು ಹೇಳಲಾಗುತ್ತಿದೆ. ಈಗಾಗಲೇ ಧಾರಾವಾಹಿ ಮುಂದುವರೆದ ಕಥೆ ಮತ್ತು ಸುನೀಲ್ ಪುರಾಣಿಕ್ ಹೆಸರನ್ನು ವಾಹಿನಿಗೆ ಸೂಚಿಸಿದ್ದು, ವಾಹಿನಿಯು ಅಂತಿಮ ನಿರ್ಧಾರ ತಗೆದುಕೊಳ್ಳಬೇಕಿದೆ. ಇದನ್ನೂ ಓದಿ:ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣನ ಹುಡುಕಿಕೊಂಡು ಬಂತು ಮತ್ತೊಂದು ಬಾಲಿವುಡ್ ಸಿನಿಮಾ

ಸುನೀಲ್ ಪುರಾಣಿಕ್ ಒಳ್ಳೆಯ ನಟ. ಅದಲ್ಲೇ ಈ ಪಾತ್ರವನ್ನು ಅವರು ಸಮರ್ಥವಾಗಿ ನಿಭಾಯಿಸಬಲ್ಲರು. ಲುಕ್ ಕೂಡ ಅನಿರುದ್ಧ ರೀತಿಯಲ್ಲೇ ಕಾಣುತ್ತದೆ. ಈ ಕಾರಣದಿಂದಾಗಿ ಧಾರಾವಾಹಿಯ ನಿರ್ಮಾಪಕರು ಸುನೀಲ್ ಪುರಾಣಿಕ್ ಅವರ ಹೆಸರನ್ನೂ ಸೂಚಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. ಇನ್ನೆರಡು ದಿನಗಳಲ್ಲಿ ನಟರು ಫಿಕ್ಸ್ ಆಗಲಿದ್ದಾರೆ ಎನ್ನುತ್ತಿದೆ ಧಾರಾವಾಹಿ ತಂಡ.

Live Tv
[brid partner=56869869 player=32851 video=960834 autoplay=true]