ಫಿನಾಯಿಲ್ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ ಮಾಜಿ ಮಾಡೆಲ್ ಸಂಗೀತಾ ಚಟರ್ಜಿ

ಹೈದರಾಬಾದ್: ರಕ್ತಚಂದನ ಕಳ್ಳಸಾಗಣೆ ಪ್ರಕರಣದಲ್ಲಿ ಜೈಲು ಸೇರಿದ್ದ ಮಾಜಿ ಗಗನಸಖಿ ಕಮ್ ಮಾಡೆಲ್ ಸಂಗೀತಾ ಚಟರ್ಜಿ ಆಂಧ್ರಪ್ರದೇಶದ ಚಿತ್ತೂರು ಜೈಲಿನಲ್ಲಿ ಫಿನಾಯಿಲ್ ಕುಡಿದು ಆತ್ಮಹತ್ಯೆಗೆ ಯತ್ನಿಸಿದ್ದಾಳೆ.

ಸಂಗೀತಾ ಜಾಮೀನು ಕೋರಿ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದಳು. ಜಾಮೀನು ಸಿಗದ ಹಿನ್ನೆಲೆ ಅಸಮಧಾನಗೊಂಡ ಸಂಗೀತಾ ಜೈಲಿನ ಶೌಚಾಲಯದಲ್ಲಿದ್ದ ಫಿನಾಯಿಲ್ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ್ದಾಳೆ.

2016ರಲ್ಲಿ ರಕ್ತ ಚಂದನ ಕಳ್ಳ ಸಾಗಣೆಯ ಡಾನ್ ಲಕ್ಷ್ಮಣ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದರು. ಲಕ್ಷಣ್ ರನ್ನು ಸಂಗೀತಾ ಚಟರ್ಜಿ ವಿವಾಹವಾಗಿದ್ದರು. ಲಕ್ಷ್ಮಣ್ ಬಂಧನದ ಬಳಿಕ ಇಡೀ ರಕ್ತ ಚಂದನ ಕಳ್ಳಸಾಗಣೆ ದಂಧೆಯ ಮೇಲುಸ್ತುವಾರಿಯನ್ನು ರೂಪದರ್ಶಿ ಸಂಗೀತಾ ಚಟರ್ಜಿ ನೋಡಿಕೊಳ್ಳುತ್ತಿದ್ದಳು.

ಸಂಗೀತಾ ರಕ್ತಚಂದನದ ಕಳ್ಳಸಾಗಣೆಯನ್ನು ದೇಶದ ಆರು ರಾಜ್ಯಗಳಿಗೆ ಸೇರಿದಂತೆ ಚೀನಾ, ಜಪಾನ್ ರಾಷ್ಟ್ರಗಳಿಗೂ ವಿಸ್ತರಣೆ ಮಾಡಿದ್ದಳು. ಪ್ರಕರಣಕ್ಕೆ ಸಂಬಂಧಿಸಿದಂತೆ 2016ರಲ್ಲಿ ಕೋಲ್ಕಾತ್ತಾದಿಂದ ಆಂಧ್ರಗೆ ಬಂದಿದ್ದ ವೇಳೆ ಸಂಗೀತಾಳನ್ನ ಪೊಲೀಸರು ಮಾರ್ಚ್‍ನಲ್ಲಿ ಬಂಧಿಸಿದ್ದರು.

Sangeeta Chatterjee attempts suicide https://t.co/kZgibBcSw0

— Sakshi Post (@SakshiPost) August 24, 2017

Lady Don #SangeetaChatterjee Attempts Suicide in #Chittoor Sub Jail | #iNews https://t.co/rc5nFISZcG

— s.vishnu vardhangoud (@suryavishnu2014) August 24, 2017