ಬಾಲಕಲಾವಿದೆಯಾಗಿ ಸಿನಿಮಾ ರಂಗಕ್ಕೆ ಪದಾರ್ಪಣೆ ಮಾಡಿರುವ ಚಾರ್ಮಿಳಾ, ಆನಂತರ ಒಯಿಲಟ್ಟಂ ಸಿನಿಮಾದ ಮೂಲಕ ನಾಯಕಿಯಾಗಿ ತಮಿಳು ಸಿನಿಮಾ ರಂಗದಲ್ಲಿ ಗುರುತಿಸಿಕೊಂಡರು. ಇದೀಗ ತಾಯಿ ಪಾತ್ರದಲ್ಲಿ ಅನೇಕ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಅನೇಕ ಸೂಪರ್ ಸ್ಟಾರ್ ಸಿನಿಮಾಗಳಲ್ಲಿ ನಾನಾ ರೀತಿಯ ಪಾತ್ರಗಳನ್ನೂ ಚಾರ್ಮಿಳಾ ಮಾಡಿದ್ದಾರೆ. ಅವರು ಸಂದರ್ಶನವೊಂದರಲ್ಲಿ ತಮ್ಮ ಜೀವನದಲ್ಲಿ ನಡೆದ ಕಹಿ ಘಟನೆಗಳನ್ನು ಹಂಚಿಕೊಂಡಿದ್ದಾರೆ.
ಸಿನಿಮಾ ಶೂಟಿಂಗ್ ಗಾಗಿ ನಾನು ಕ್ಯಾಲಿಕಟ್ ಗೆ ಹೋಗಿದ್ದೆ. ಎರಡ್ಮೂರು ದಿನ ಶೂಟಿಂಗ್ ಚೆನ್ನಾಗಿಯೇ ನಡೆಯಿತು. ಆ ಸಿನಿಮಾದ ನಿರ್ಮಾಪಕರು ನನ್ನನ್ನು ಸಹೋದರಿ ಎಂದೇ ಕರೆಯುತ್ತಿದ್ದರು. ಇನ್ನೂ ಆ ನಿರ್ಮಾಪಕರಿಗೆ ವಯಸ್ಸು 24 ವರ್ಷ ಆಗಿದ್ದರಿಂದ ನಾನೂ ಕೂಡ ತಮ್ಮನಂತೆಯೇ ಸ್ವೀಕರಿಸಿದ್ದೆ. ಎರಡ್ಮೂರು ದಿನಗಳ ನಂತರ ಅವರು ಬೇರೆಯವರು ಮೂಲಕ ನನಗೆ ಆಫರ್ ನೀಡಿದರು. ನಮ್ಮಿಬ್ಬರಲ್ಲಿ ಒಬ್ಬರ ಜೊತೆ ಮಲಗಿದರೆ ದುಡ್ಡು ಕೊಡುವುದಾಗಿ ತಿಳಿಸಿದರು. ಅವರ ಮಾತಿಂದ ನಾನು ಶಾಕ್ ಆದೆ ಎಂದು ಹೇಳಿಕೊಂಡಿದ್ದಾರೆ. ಇದನ್ನೂ ಓದಿ:`ಮಣಿರತ್ನಂ’ ನಿರ್ದೇಶನದ ಚಿತ್ರದ ಮೂಲಕ ಕನ್ನಡಕ್ಕೆ ಬಂದ ಐಶ್ವರ್ಯ ರೈ
ಮಂಚಕ್ಕೆ ಕರೆದ ಆ ಹುಡುಗರು ನನ್ನ ಮಗನಿಗಿಂತ ಸ್ವಲ್ಪ ದೊಡ್ಡವರು ಇರಬಹುದು. ಅವರಿಗೆ ಇದನ್ನೇ ಹೇಳಿದೆ. ಏನೇ ಹೇಳಿದರೂ ಅವರು ಕೇಳಲಿಲ್ಲ. ಹಾಗಾಗಿ ನಾನು ಕೋಪದಿಂದಲೇ ಆ ಸಿನಿಮಾದ ಶೂಟಿಂಗ್ ಅನ್ನು ಅರ್ಧಕ್ಕೆ ಬಿಟ್ಟು ವಿಮಾನ ಏರಿ ಚೆನ್ನೈಗೆ ಬಂದೆ. ಈ ರೀತಿಯ ಅನುಭವಗಳು ಬಹುತೇಕ ನಟಿಯರಿಗೆ ಆಗಿರುತ್ತವೆ. ಅದಕ್ಕೆ ಆಸ್ಪದ ಕೊಟ್ಟರೆ ಇಂತಹ ಪ್ರಕರಣಗಳು ಇನ್ನೂ ಹೆಚ್ಚಾಗುತ್ತವೆ ಎಂದಿದ್ದಾರೆ.
Live Tv
[brid partner=56869869 player=32851 video=960834 autoplay=true]
