ಮುಂಬೈ: ರೇಸ್-3 ಚಿತ್ರದಲ್ಲಿ ಸಲ್ಮಾನ್ ಖಾನ್ ಹಾಗೂ ಜಾಕ್ವೇಲಿನ್ ಫರ್ನಾಂಡಿಸ್ ಒಟ್ಟಿಗೆ ನಟಿಸುವುದು ನಿಮಗೆಲ್ಲಾ ಗೊತ್ತೆಯಿದೆ. ಈ ಚಿತ್ರದ ಮತ್ತೊಬ್ಬ ನಟನಾಗಿ ಇಮ್ರಾನ್ ಹಶ್ಮಿಯರನ್ನು ಆಯ್ಕೆ ಮಾಡಲಾಗಿದೆ.
ರೇಸ್-3 ಚಿತ್ರದಲ್ಲಿ ಮತ್ತೊಬ್ಬ ನಟರನ್ನಾಗಿ ಸಿದ್ಧಾರ್ಥ್ ಮಲ್ಹೋತ್ರ ಮತ್ತು ಆದಿತ್ಯ ರಾಯ್ ಕಪೂರ್ ಅವರ ಹೆಸರನ್ನು ಸೂಚಿಸಲಾಗಿತ್ತು. ಆದರೆ ಇಬ್ಬರು ನಟರು ಈ ಚಿತ್ರವನ್ನು ನಿರಾಕರಿಸಿದ್ದಾರೆ. ಈಗ ಈ ಚಿತ್ರ ಇಮ್ರಾನ್ ಹಶ್ಮಿಗೆ ಒಲಿದಿದೆ.
ಇಮ್ರಾನ್ ಹಶ್ಮಿ ಜೊತೆ ನಾಯಕಿಯಾಗಿ ಹೇಟ್ ಸ್ಟೋರಿ-3 ಚಿತ್ರದ ನಾಯಕಿ ಡೈಸಿ ಶಾ ಕಾಣಿಸಿಕೊಳ್ಳಲಿದ್ದಾರೆ. ರೇಸ್-3 ಚಿತ್ರದ ನಟ-ನಟಿಯರ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ತಿಳಿದು ಬಂದಿಲ್ಲ. ಸಲ್ಮಾನ್ ಖಾನ್ ನಟನೆಯ ‘ಟೈಗರ್ ಜಿಂದಾ ಹೇ’ ಚಿತ್ರ ಮುಗಿದ ನಂತರ ರೇಸ್-3 ಚಿತ್ರದ ಚಿತ್ರೀಕರಣ ಪ್ರಾರಂಭವಾಗಲಿದೆ.
