ನಟಿ ಜಾಕ್ವೆಲಿನ್‌ಗೆ ED ಗ್ರಿಲ್ – ವಂಚಕನನ್ನೇ ಮದುವೆ ಆಗಲು ತಯಾರಾಗಿದ್ದರಂತೆ ‘ರಾ ರಾ ರಕ್ಕಮ್ಮ’

Advertisements

ಹುಕೋಟಿ ವಂಚನೆಯ ಆರೋಪಿ ಸುಕೇಶ್ ಚಂದ್ರಶೇಖರ್ ಕೊಡುವ ಗಿಫ್ಟ್ ಆಸೆಗೆ ಆತನನ್ನೇ ಮದುವೆ ಆಗಲು ಒಪ್ಪಿದ್ದರಂತೆ ನಟಿ ಜಾಕ್ವೆಲಿನ್ ಫರ್ನಾಂಡಿಸ್ (Jacqueline Fernandez). ಹಾಗಂತ ದೆಹಲಿ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಮಾಧ್ಯಮವೊಂದಕ್ಕೆ ತಿಳಿಸಿದ್ದಾರೆ ಎಂದು ಬಾಲಿವುಡ್ ವೆಬ್‌ಸೈಟ್‌ಗಳು ವರದಿ ಮಾಡಿವೆ. ಸುಕೇಶ್ ನೀಡುತ್ತಿದ್ದ ಕೋಟಿ ಕೋಟಿ ಮೌಲ್ಯದ ಉಡುಗೊರೆಗೆ ಜಾಕ್ವೆಲಿನ್ ಮಾರು ಹೋಗಿದ್ದರಿಂದ, ಆತನನ್ನೇ ಮದುವೆ ಆಗುವ ಕನಸು ಕಂಡಿದ್ದರಂತೆ.

Advertisements

ಸೆ.14ರಂದು ಜಾಕ್ವೆಲಿನ್ ಅವರು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳ ಮುಂದೆ ವಿಚಾರಣೆಗೆ ಹಾಜರಾದಾಗ ಈ ವಿಷಯ ಬೆಳಕಿಗೆ ಬಂದಿದೆ. ಸುಕೇಶ್ (Sukesh Chandrasekhar) ಕೊಡುತ್ತಿದ್ದ ದುಬಾರಿ ಉಡುಗೊರೆಗೆ ನಟಿ ನೋರಾ ಫತೇಹಿ (Nora Fatehi) ಮತ್ತು ಜಾಕ್ವೆಲಿನ್ ಫರ್ನಾಂಡಿಸ್ ಇಬ್ಬರೂ ಮಾರು ಹೋಗಿದ್ದರಂತೆ. ಆಗಾಗ್ಗೆ ಒಟ್ಟಿಗೆ ಸೇರುತ್ತಿದ್ದರಂತೆ. ಸುಕೇಶ್ ಮೇಲೆ ಅನುಮಾನ ಬಂದ ಕಾರಣಕ್ಕಾಗಿ ನೋರಾ ಅಂತರವನ್ನು ಕಾಪಾಡಿಕೊಂಡಿದ್ದರು ಎನ್ನಲಾಗುತ್ತಿದೆ. ಆದರೆ, ಜಾಕ್ವೆಲಿನ್ ಮಾತ್ರ ಗೆಳೆತನವನ್ನು ಮುಂದುವರೆಸಿದ್ದರು ಎಂದು ಆರೋಪಿಸಲಾಗಿದೆ. ಇದನ್ನೂ ಓದಿ:ಟಿವಿ ಬಿಗ್ ಬಾಸ್‌ಗೆ ಈ ಕಿರುತೆರೆ ನಟಿ ಬರೋದು ಪಕ್ಕಾ

Advertisements

ಸುಕೇಶ್ ತಾನು ವಂಚಿಸಿದ್ದ ಹಣದಲ್ಲೇ ಹಲವಾರು ನಟಿಯರಿಗೆ ಮತ್ತು ಮಾಡೆಲ್ ಗಳಿಗೆ ಹಣ ಮತ್ತು ಗಿಫ್ಟ್ ಗಳನ್ನು ನೀಡಿರುವುದಾಗಿ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ವರದಿ ಸಲ್ಲಿಸಿದ್ದಾರೆ. ಅದರಲ್ಲೂ ಜಾಕ್ವೆಲಿನ್ ಗೆ ದುಬಾರಿ ಉಡುಗೊರೆಗಳನ್ನೇ ಸುಕೇಶ್ ನೀಡಿದ್ದಾನೆ. ಅದರಲ್ಲಿ ಕುದುರೆ, ದುಬಾರಿ ವಾಚು, ಡೈಮೆಂಟ್ ನೆಕ್ಲೆಸ್, ಬ್ಯಾಗ್ ಸೇರಿದಂತೆ ಹಲವು ಉಡುಗೊರೆಗಳು ಇವೆ ಎಂದು ಹೇಳಿದ್ದಾರೆ. ಆದರೆ ಇದನ್ನು ಜಾಕ್ವೆಲಿನ್ ನಿರಾಕರಿಸಿದ್ದರು. ನಾನು ಗಳಿಸಿದ ಹಣದಲ್ಲಿ ಇವುಗಳನ್ನು ಖರೀದಿಸಿರುವುದಾಗಿ ತಿಳಿಸಿದ್ದರು.

Live Tv

Advertisements
Exit mobile version