ರಂಗಿತರಂಗ ಖ್ಯಾತಿಯ ನಟ ನಿರೂಪ್ ಭಂಡಾರಿ (Nirup Bhandari) ಸದ್ಯ ಅಮೆರಿಕಾದಲ್ಲಿ (America) ಇದ್ದಾರೆ. ವೀಕೆಂಡ್ ನಲ್ಲಿ ತಮಗಾದ ಭೂಕಂಪದ ಅನುಭವವನ್ನು ಅವರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಹಲವು ದಿನಗಳ ಬಳಿಕ ಫ್ಯಾಮಿಲಿ ಸೇರಿದ್ದೇವೆ. ಮಳೆ ಬರುತ್ತಿದೆ. ಜೊತೆಗೆ ಭೂಕಂಪ (Earthquake) ಕೂಡ ಆಗಿದೆ ಎಂದು ಅವರು ಬರೆದುಕೊಂಡಿದ್ದಾರೆ.
ವೀಕೆಂಡ್ ಸಮಯದಲ್ಲಿ ಎಲ್ಲರೂ ಸೇರಿದಾಗ ಭೂಕಂಪದ ತೀವ್ರತೆ 4.8ರಷ್ಟು ಇತ್ತು ಎಂದು ಅವರು ಅಭಿಮಾನಿಗಳಿಗೆ ತಿಳಿಸಿದ್ದಾರೆ. ಈ ಸಮಯದಲ್ಲಿ ಅವರು ಕಾಫಿ ಕುಡಿಯುತ್ತಾ, ಫ್ರಾಂಕ್ಲಿನ್ ಬುಕ್ಸ್ ಓದುತ್ತಿದ್ದೆ ಎಂದು ನಿರೂಪ್ ಇನ್ಸ್ಟಾ ಪೇಜ್ ನಲ್ಲಿ ಫೋಟೋ ಸಮೇತ ಪೋಸ್ಟ್ ಮಾಡಿದ್ದಾರೆ.
ಅನೇಕ ಕಡೆ ಭೂಕಂಪದ ಅನುಭವವಾಗುತ್ತಿದೆ. ಅದನ್ನು ಹಲವರು ತಮ್ಮದೇ ಆದ ರೀತಿಯಲ್ಲಿ ಜನತೆಗೆ ತಲುಪಿಸುತ್ತಿದ್ದಾರೆ. ಹಾಗೆಯೇ ನಿರೂಪ್ ಕೂಡ ತಮಗಾದ ಅನುಭವವನ್ನು ಅಭಿಮಾನಿಗಳ ಜೊತೆ ಹಂಚಿಕೊಂಡಿದ್ದಾರೆ.
