ರಾಯಚೂರು: ಶಕ್ತಿ ನಗರದಲ್ಲಿರುವ ಆರ್ ಟಿಪಿಎಸ್ ಶಾಖೋತ್ಪನ್ನ ವಿದ್ಯುತ್ ಕೇಂದ್ರದಲ್ಲಿ ಹಾರುವ ಬೂದಿ ಪೈಪ್ ಸೋರಿಕೆಯಾಗಿ ಕೆಲ ಕಾಲ ಆತಂಕ ಸೃಷ್ಟಿಸಿದೆ.
ನಗರದ ಶಾಖೋತ್ಪನ್ನ ವಿದ್ಯುತ್ ಕೇಂದ್ರದ ಲೋಕಾ ಶೆಡ್ ಬಳಿ ವ್ಯಾಗನಾರ್ ಗಳಿಗೆ ತುಂಬುವ ಬೂದಿ ಪೈಪ್ ಗಳು ಸೋರಿಕೆಯಾಗಿದ್ದರಿಂದ ಈ ಅವಘಡ ಸಂಭವಿಸಿದೆ. ಬೂದಿ ಸೋರಿಕೆಯಾದ ಪರಿಣಾಮ ಸಂಪೂರ್ಣ ಆರ್ ಟಿಪಿಎಸ್ ಘಟಕ ಬೂದಿಯಿಂದ ಆವೃತಗೊಂಡಿದೆ. ಇದರಿಂದಾಗಿ ಘಟಕದಲ್ಲಿ ಕೆಲಸ ಮಾಡುವ ಸಿಬ್ಬಂದಿಗಳು ಕಂಗಲಾಗಿದ್ದು, ಹಾರೋ ಬೂದಿಯಿಂದಾಗಿ ಸಿಬ್ಬಂದಿಗಳಿಗೆ ಉಸಿರಾಟಕ್ಕೂ ತೊಂದರೆಯಾಗಿದೆ ಎಂದು ತಿಳಿದು ಬಂದಿದೆ.
ಈ ಬೂದಿ ರಾಯಚೂರು-ಹೈದರಾಬಾದ್ ಮುಖ್ಯ ರಸ್ತೆವರೆಗೂ ಹಬ್ಬಿದ್ದರಿಂದ ಪ್ರಯಾಣಿಕರು ಸಹ ಗಾಬರಿಗೊಂಡಿದ್ದು, ಸದ್ಯ ಈಗ ವಾತಾವರಣ ಸಹಜ ಸ್ಥಿತಿಗೆ ಮರಳುತ್ತಿದೆ. ಆರ್ ಟಿಪಿಎಸ್ ಘಟಕದಲ್ಲಿ ಪದೇ ಪದೇ ಇಂತಹ ಘಟನೆಗಳು ಮರುಕಳಿಸುತ್ತಿರುವುದರಿಂದ ಸಿಬ್ಬಂದಿಗಳು ಆತಂಕ ಹೆಚ್ಚಾಗಿದೆ.
