ಚೆನ್ನೈ: ಕುಡಿದ ಅಮಲಿನಲ್ಲಿ ಶಾಲೆಗೆ ನುಗ್ಗಿ ವ್ಯಕ್ತಿಯೋರ್ವ(Drunk Man) ಶಿಕ್ಷಕಿ ಮೇಲೆ ಹಲ್ಲೆ ನಡೆಸಿರುವ ಘಟನೆ ತಮಿಳುನಾಡಿನ(Tamil Nadu) ಪುದುಕೊಟ್ಟೈ (Pudukottai) ಜಿಲ್ಲೆಯಲ್ಲಿ ನಡೆದಿದೆ.
ಆರೋಪಿಯನ್ನು ಚಿತ್ರವೇಲ್ ಎಂದು ಗುರುತಿಸಲಾಗಿದ್ದು, ಕುಡಿದ ಮತ್ತಿನಲ್ಲಿ ಸರ್ಕಾರಿ ಶಾಲೆಗೆ ನುಗ್ಗಿ ತರಗತಿಯೊಳಗೆ ಪಾಠ ಮಾಡುತ್ತಿದ್ದ ಶಿಕ್ಷಕಿ (School Teacher) ಮೇಲೆ ಹಲ್ಲೆ ನಡೆಸಿದ್ದಾನೆ. ಇದೀಗ ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಇದನ್ನೂ ಓದಿ: ಎಷ್ಟೇ ದೊಡ್ಡ ಹುಲಿ ಆದ್ರೂ, ಕಾನೂನಿಗೆ ಒಂದೇ – ಬಿಎಸ್‌ವೈಗೆ ಟಾಂಗ್ ನೀಡಿದ ಯತ್ನಾಳ್
Advertisement
Advertisement
ಸರ್ಕಾರಿ ಶಾಲೆಗೆ ಬಂದ ಚಿತ್ರವೇಲ್(Chitravel), ಶಿಕ್ಷಕಿ ಚಿತ್ರಾದೇವಿ ಪಾಠ ಮಾಡುತ್ತಿದ್ದ ವೇಳೆ ತರಗತಿಗೆ ನುಗ್ಗಿದ್ದಾನೆ. ನಂತರ ಏಕಾಏಕಿ ವಿದ್ಯಾರ್ಥಿಗಳ ಎದುರೇ ನಿಂದಿಸಲು ಆರಂಭಿಸಿದ್ದಲ್ಲದೇ, ಚಿತ್ರಾದೇವಿಗೆ(Chitradevi) ಎಲ್ಲರ ಮುಂದೆ ಕಪಾಳಮೋಕ್ಷ ಮಾಡಿದ್ದಾನೆ. ಇದನ್ನೂ ಓದಿ: ನ್ಯಾಯಾಧೀಶರ ವಯೋಮಿತಿ ಹೆಚ್ಚಿಸಿ – ಸಂವಿಧಾನಿಕ ತಿದ್ದುಪಡಿಗೆ ಬಾರ್ ಕೌನ್ಸಿಲ್ ಮನವಿ
Advertisement
ಶಾಲೆಯ ಇನ್ನೋರ್ವ ಸಿಬ್ಬಂದಿ (Staff Member) ಸೆರೆ ಹಿಡಿದಿರುವ ವೀಡಿಯೋದಲ್ಲಿ(Video) ಶಿಕ್ಷಕಿ ಚಿತ್ರವೇಲ್‍ನನ್ನು ತರಗತಿಯಿಂದ ಹೊರ ಹೋಗುವಂತೆ ಹೇಳುತ್ತಿರುವುದನ್ನು ಮತ್ತು ಮಕ್ಕಳು ಭಯ ಪಡುತ್ತಾರೆ ಹೊರಗೆ ಹೋಗು ಎಂದು ಕೂಗಾಡುತ್ತಿರುವುದನ್ನು ಕಾಣಬಹುದಾಗಿದೆ.
Advertisement
ಘಟನೆಯ ನಂತರ ಚಿತ್ರವೇಲ್ ವಿರುದ್ಧ ಸಮೀಪದ ಪೊಲೀಸ್ ಠಾಣೆಯಲ್ಲಿ ಚಿತ್ರಾದೇವಿ ಅವರು ದೂರು ದಾಖಲಿಸಿದ್ದು, ಪೊಲೀಸರು (Police) ನಾಲ್ಕು ಸೆಕ್ಷನ್‍ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ಆರೋಪಿಯನ್ನು ಬಂಧಿಸಿದ್ದಾರೆ.
Live Tv
[brid partner=56869869 player=32851 video=960834 autoplay=true]
