ಭುವನೇಶ್ವರ್: ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆಯು (DRDO) ಬುಧವಾರ ಒಡಿಶಾ ಕರಾವಳಿಯಲ್ಲಿ ಎರಡು ʻಪ್ರಳಯʼ ಕ್ಷಿಪಣಿಗಳ (Pralay Missiles) ಪರೀಕ್ಷೆಯನ್ನು ಯಶಸ್ವಿಯಾಗಿ ನಡೆಸಿದೆ. ಇದು ಭೂಮಿಯಿಂದ ಭೂಮಿಗೆ ಉಡಾಯಿಸುವ ಕ್ಷಿಪಣಿಯಾಗಿದೆ.
Salvo lunch of two Pralay Missile in quick succession from same launcher were successfully conducted today from ITR, Chandipur. The flight test was conducted as part of User evaluation trials. Both the missiles followed the intended trajectory meeting all flight objectives. pic.twitter.com/QeJYVDhL1l
— DRDO (@DRDO_India) December 31, 2025
ಬೆಳಗ್ಗೆ 10:30ರ ಸುಮಾರಿಗೆ ಎರಡೂ ಕ್ಷಿಪಣಿಗಳನ್ನ ಒಂದೇ ಲಾಂಚರ್ನಿಂದ ಉಡಾಯಿಸಲಾಯಿತು. ಅವುಗಳ ಉದ್ದೇಶಿತ ಹಾರಾಟದ ಪಥ ಅನುಸರಿಸಿದವು. ಜೊತೆಗೆ ನಿಗದಿತ ಗುರಿ ತಲುಪುವಲ್ಲಿ ಯಶಸ್ವಿಯಾದವು.
ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ ಅಭಿವೃದ್ಧಿಪಡಿಸಿದ ಈ ʻಪ್ರಳಯʼ ಕ್ಷಿಪಣಿಯು ಹೆಚ್ಚು ನಿಖರತೆ ಹಾಗೂ ಅತ್ಯಾಧುನಿಕ ತಾಂತ್ರಿಕ ವ್ಯವಸ್ಥೆಯನ್ನು ಹೊಂದಿದೆ. ಬಹು ಉದ್ದೇಶಿತ ಗುರಿಗಳನ್ನು ಪೂರೈಸುವ ಸಾಮರ್ಥ್ಯ ಇದಕ್ಕಿದೆ.
ಈ ಕ್ಷಿಪಣಿಗಳು 500 ಕೆಜಿಯಿಂದ 1,000 ಕೆಜಿ ಭಾರದ ಸಿಡಿತಲೆಗಳನ್ನ ಹೊತ್ತು 150 ರಿಂದ 500 ಕಿಮೀ ದೂರ ಸಾಗಿ, ಗುಗುರಿ ತಲುಪುವ ಸಾಮರ್ಥ್ಯ ಹೊಂದಿದೆ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.
