ನಾಟಕದ ವೇದಿಕೆಯ ಮೇಲೆಯೇ ಮೈ ಮರೆತು ಜೋಡಿಯಿಂದ ಲಿಪ್‍ಲಾಕ್

ಭೋಪಾಲ್: ಜೋಡಿಯೊಂದು ವೇದಿಕೆಯ ಮೇಲೆ ನಾಟಕವಾಡುವಾಗ ಕಿಸ್ ಮಾಡುವ ದೃಶ್ಯವಿಲ್ಲದಿದ್ದರೂ ಮೈ-ಮರೆತೂ ಒಬ್ಬರಿಗೊಬ್ಬರು ಲಿಕ್‍ಲಾಕ್ ಮಾಡಿರುವ ಘಟನೆ ನಡೆದಿದೆ.

ಭೋಪಾಲ್ ನ ರವೀಂದ್ರ ರಂಗಮಂದಿರದಲ್ಲಿ ಈ ಘಟನೆ ನಡೆದಿದೆ. ರೋಮಿಯೋ-ಜೂಲಿಯಟ್ ನಾಟಕದ ದೃಶ್ಯದ ವೇಳೆ ಲಿಪ್ ಲಾಕ್ ಮಾಡಲಾಗಿದೆ. ನಿಶಾಂತ್ ರಘವಂಶಿ ರೋಮಿಯೋ ಪಾತ್ರವನ್ನು, ಮೃಣಾಲಿ ಪಾಂಡೆ ಜೂಲಿಯಟ್ ಪಾತ್ರವನ್ನು ಮಾಡುತ್ತಿದ್ದರು.

ರೋಮಿಯೋ-ಜೂಲಿಯಟ್ ನಾಟಕ:
ನಾಟಕದಲ್ಲಿ ಜೂಲಿಯಟ್ ವಿಷ ಸೇವಿಸಿ ಸಾಯುವ ನಾಟಕ ಮಾಡುತ್ತಾಳೆ. ಆದರೆ ರೋಮಿಯೋ ನಿಜವಾಗಿಯೂ ಜೂಲಿಯಟ್ ಮೃತಪಟ್ಟಿದ್ದಾಳೆ ಎಂದು ದುಃಖಿತನಾಗಿ ತಾನೂ ಸಾಯಲು ಮುಂದಾಗುತ್ತಾನೆ. ಈ ವೇಳೆ ರೋಮಿಯೋ ಪಾತ್ರಧಾರಿ ನಿಶಾಂತ್ ರಘವಂಶಿ ವೇದಿಕೆ ಮೇಲೆಯೇ ಜೂಲಿಯಟ್ ಪಾತ್ರಧಾರಿ ಮೃಣಾಲಿ ಪಾಂಡೆಗೆ ಕಿಸ್ ಕೊಟ್ಟಿದ್ದಾನೆ. ಇತ್ತ ಸಾಯುವಂತೆ ನಟಿಸಿದ್ದ ಜೂಲಿಯಟ್ ಎದ್ದು ಆಕೆಯೂ ನಿಶಾಂತ್ ರಘವಂಶಿಗೆ ಲಿಪ್‍ಲಾಕ್ ಕಿಸ್ ಮಾಡಿದ್ದಾಳೆ. ಇಬ್ಬರು ಕಿಸ್ ಮಾಡುತ್ತಿದ್ದಂತೆ ಪ್ರೇಕ್ಷಕರು ಗಲಾಟೆ ಮಾಡಿದ್ದಾರೆ.

ನಾಟಕದಲ್ಲಿ ಈ ದೃಶ್ಯವು ಇರಲಿಲ್ಲ. ಆದರೆ ಲಿಪ್-ಲಾಕ್ ದೃಶ್ಯವನ್ನು ನೋಡಿ ನನಗೆ ಆಶ್ಚರ್ಯವಾಯಿತು. ನಿಶಾಂತ್ ರಘುವಂಶಿ ಮತ್ತು ಮೃಣಾಲಿ ಪಾಂಡೆ ರೋಮಿಯೋ-ಜೂಲಿಯೆಟ್ ಪಾತ್ರದಲ್ಲಿ ಅಭಿನಯಿಸುತ್ತಿದ್ದರು. ನಾನು ಈ ನಾಟಕ ಮಾಡಲು ಫೇಸ್‍ಬುಕ್‍ನಲ್ಲಿ ಆಡಿಷನ್ ಬಗ್ಗೆ ಮೆಸೇಜ್ ಮಾಡಿದ್ದೆ. ಅದನ್ನು ನೋಡಿ ಈ ನಾಟಕ ಮಾಡಲು ಬಂದಿದ್ದರು. ನಾವು ಇಂಗ್ಲಿಷ್‍ನಲ್ಲಿ ರೋಮಿಯೋ-ಜೂಲಿಯೆಟ್ ಮಾಡಿದ್ದರೆ ಬಹುಶಃ ಲಿಪ್-ಲಾಕ್ ದೃಶ್ಯಗಳನ್ನು ಇರುತ್ತಿತ್ತು ಎಂದು ನಾಟಕದ ನಿರ್ದೇಶಕರಾದ ವಾಸಿಮ್ ಅಲಿ ಹೇಳಿದ್ದಾರೆ.

ನಾನು ವೇದಿಕೆಯ ಮೇಲೆ ಇದೇ ಮೊದಲ ಬಾರಿಗೆ ನಾಟಕ ಮಾಡಿದ್ದು, ನಾಟಕದ ಮೊದಲು ಅಭ್ಯಾಸ ಮಾಡುವಾಗ ಅಂತಹ ಯಾವುದೇ ದೃಶ್ಯ ಇರಲಿಲ್ಲ. ಆದರೆ ವೇದಿಕೆಯಲ್ಲಿದ್ದಾಗ ಭಾವಾನಾತ್ಮಕವಾದ ನಟನೆ ಮಾಡಿದ್ದೇವೆ. ಆದರೆ ಅದು ಲಿಪ್-ಲಾಕ್ ದೃಶ್ಯವಲ್ಲ. ನಾವು ದೃಶ್ಯದಲ್ಲಿ ಹತ್ತಿರದಲ್ಲಿದ್ದೇವೆ ಅಷ್ಟೇ. ನಾನು ರಂಗಮಂದಿರದಲ್ಲಿ ಈ ದೃಶ್ಯವನ್ನು ಇಷ್ಟಪಡುವುದಿಲ್ಲ ಎಂದು ನಿಶಾಂತ್ ರಘುವಂಶಿ ತಿಳಿಸಿದ್ದಾರೆ.