Districts

ತುಮಕೂರಿನ ಈ ವಾರ್ಡ್‍ನಲ್ಲಿ ಬರ್ತಿದೆ ಕುಡಿಯೋ ನೀರಿನ ಜೊತೆ ಟಾಯ್ಲೆಟ್ ನೀರು!

Published

on

Share this

ತುಮಕೂರು: ರಾಜ್ಯದೆಲ್ಲೆಡೆ ಕುಡಿಯುವ ನೀರಿನ ಸಮಸ್ಯೆ ತೀವ್ರವಾಗಿದೆ. ನೀರಿಲ್ಲದೇ ಜನ ಜಾನುವಾರಗಳು ಪರದಾಡುವ ಸ್ಥಿತಿ ನಿರ್ಮಾಣವಾಗಿದೆ. ಈ ಮಧ್ಯೆನೂ ಕುಡಿಯೋ ನೀರು ಸಾಗ್ತಿದ್ದು, ಆ ನೀರಿಗೆ ಟಾಯ್ಲೆಟ್ ನೀರು ಸೇರ್ಕೊಂಡು ಮನೆಗಳಿಗೆ ಸರಬರಾಜು ಆಗುತ್ತಿದೆ ಅಂತಾ ಸ್ಥಳೀಯರು ಆರೋಪಿಸಿದ್ದಾರೆ.

ಹೌದು. ತುಮಕೂರು ನಗರದ 12ನೇ ವಾರ್ಡ್‍ನಲ್ಲಿ ಮನೆಯ ಸಂಪ್‍ಗಳಲ್ಲೂ ಕೊಳಚೆ ನೀರು, ಬಕೆಟ್‍ನಲ್ಲೂ ಕೊಳಚೆ ನೀರು. ವಾಟರ್ ಬಾಟೆಲ್‍ನಲ್ಲೂ ಕೊಳಚೆ ನೀರು ಬರುತ್ತಿದ್ದು, ಜನ ಈ ನೀರನ್ನೇ ಕುಡಿಯೋ ಪರಿಸ್ಥಿತಿ ಬಂದಿದೆ. ಇದಕ್ಕೆ ಕಾರಣ ಚರಂಡಿ ಪಕ್ಕದಲ್ಲಿ ನೀರಿನ ಪೈಪ್ ಒಡೆದಿರೋದು. ಇದ್ರಿಂದ ಗಲೀಜು ನೀರು ಮಿಶ್ರಿತವಾಗಿ ಬರುತ್ತಿದೆ. ಕೌನ್ಸಿಲರ್ ಈ ಕಡೆ ಬರ್ತಾ ಇಲ್ಲ. ಫೋನ್ ಮಾಡಿದ್ರೆ ರಿಸೀವ್ ಮಾಡಲ್ಲ ಅಂತಾ ಸ್ಥಳೀಯರಾದ ಮೋಸಿನಾ ಬಾನು ಪಬ್ಲಿಕ್ ಟಿವಿ ಜೊತೆ ಮಾತನಾಡುತ್ತಾ ತಮ್ಮ ಅಳಲು ತೋಡಿಕೊಂಡಿದ್ದಾರೆ.

ಈ ಬಗ್ಗೆ ಮಹಾನಗರ ಪಾಲಿಕೆಗೆ ಹಲವು ಭಾರಿ ಸ್ಥಳೀಯರು ಮನವಿ ಮಾಡಿದ್ರೂ ಯಾವುದೇ ಪ್ರಯೋಜನವಾಗಿಲ್ಲ. ಕುಡಿಯುವ ನೀರು ಬರುವ ಪೈಪ್‍ಲೈನ್ ಅನ್ನು ಒಳಚರಂಡಿ ಪಕ್ಕದಲ್ಲಿ ಹಾಕಿರುವುದು ಕಲುಷಿತ ನೀರು ಬರೋಕೆ ಕಾರಣ ಅಂತಾ ರಿಯಾನ್ ಖಾನ್ ಕಿಡಿಕಾರಿದ್ದಾರೆ.

ಭೀಕರ ಬರ ಬಂದಿರೋ ಈ ಟೈಮ್‍ನಲ್ಲಿ ನೀರು ಹೀಗೆ ವ್ಯರ್ಥವಾಗ್ತಿರೋದು ಸರಿಯಲ್ಲ. ಸಂಬಂಧಪಟ್ಟ ಅಧಿಕಾರಿಗಳು ಎಚ್ಚೆತ್ತು ಸಮಸ್ಯೆ ಬಗೆಹರಿಸದಿದ್ರೆ ಜನ ಬೀದಿಗಿಳಿಯೋದು ಗ್ಯಾರಂಟಿ.

Click to comment

Leave a Reply

Your email address will not be published. Required fields are marked *

Advertisement
Advertisement