ವೀಲ್‍ಚೇರ್ ತಳ್ಳಲು ತನ್ನ ಮಾಲೀಕನಿಗೆ ಸಹಾಯ ಮಾಡ್ತು ಶ್ವಾನ

ಫಿಲಿಫೈನ್ಸ್: ಒಂದು ನಾಯಿ ತನ್ನನ್ನು ಸಾಕಿ ಸಲಹಿದ ಮಾಲೀಕನು ಕುಳಿತಿರುವ ವೀಲ್‍ಚೇರ್ ಅನ್ನು ತಳ್ಳಿಕೊಂಡು ಹೋಗುತ್ತಿರುವ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಈ ವಿಡಿಯೋದಲ್ಲಿ ನಾಯಿವೊಂದು ಫಿಲಿಪೈನ್ಸ್ ನ ಬೀದಿಯಲ್ಲಿ ತನ್ನ ಯಜಮಾನ ಕುಳಿತಿರುವ ವೀಲ್‍ಚೇರ್ ಅನ್ನು ತಳ್ಳಿಕೊಂಡು ಹೋಗುತ್ತಿರುತ್ತದೆ. ಆ ವೇಳೆ ಮಿಸಿಸ್ ಫೇತ್ ಎಲ್ ರೆವಿಲ್ಲಾ ಎಂಬ ಎಂಬಿಎ ವಿದ್ಯಾರ್ಥಿನಿ ಮೊಬೈಲ್‍ನಲ್ಲಿ ಸೆರೆಹಿಡಿದು ಜೂನ್ 30 ರಂದು ಫೇಸ್ ಬುಕ್ ನಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದರು. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್ ಆಗಿದ್ದು, ನೋಡುಗರಿಂದ ಮೆಚ್ಚುಗೆಯನ್ನು ಪಡೆದುಕೊಳ್ಳುತ್ತಿದೆ.

ತನ್ನ ಮಾಸ್ಟರ್ ನ ವೀಲ್‍ಚೇರ್ ತಳ್ಳಲು ನಾಯಿಯೊಂದು ಸಹಾಯ ಮಾಡುತ್ತಿರುವ ಈ ಅಸಾಮಾನ್ಯ ಸೃಷ್ಟಿಗೆ ನಾವೆಲ್ಲರೂ ಸಾಕ್ಷಿಯಾಗಿದ್ದೇವೆ. ಈ ಭಾವನಾತ್ಮಕ ದೃಶ್ಯವನ್ನು ವರ್ಣಿಸಲು ನನಗೆ ಪದಗಳೇ ಸಿಗುತ್ತಿಲ್ಲ ಎಂದು ವಿದ್ಯಾರ್ಥಿನಿ ಫೇಸ್ ಬುಕ್‍ನಲ್ಲಿ ಬರೆದುಕೊಂಡಿದ್ದಾರೆ.

ಡ್ಯಾನಿಲೋ ಅಲಾರ್ಕಾನ್ ವೀಲ್ ಚೇರ್‍ನಲ್ಲಿ ಕುಳಿತಿದ್ದ ನಾಯಿಯ ಮಾಲೀಕ. ಈತ ಕೆಲವು ವರ್ಷಗಳ ಹಿಂದೆ ಅಪಘಾತ ಸಂಭವಿಸಿ ತನ್ನ ಎರಡು ಕಾಲುಗಳನ್ನು ಕಳೆದುಕೊಂಡಿರುತ್ತಾರೆ. ಡಿಗೊಂಗ್ ಎಂಬ ನಾಯಿ ಹುಟ್ಟಿನಿಂದಲೂ ಅವರೊಂದಿಗೆ ಇದೆ ಎಂದು ಸ್ಥಳೀಯ ಪತ್ರಿಕೆಗಳು ಪ್ರಕಟಿಸಿವೆ.

ಡಿಗೊಂಗ್ ತನ್ನ ತಲೆಯ ಸಹಾಯದ ಮೂಲಕ ತನ್ನ ಮಾಲೀಕನ ವೀಲ್‍ಚೇರ್ ಅನ್ನು ತಳ್ಳಿಕೊಂಡು ಹೋಗುತ್ತಿತ್ತು. ಇದನ್ನು ನೋಡಿದ ರೆವಿಲ್ಲಾ, ಮನಕರಗಿ ಅವರಿಗೆ ಸೂಕ್ತವಾದ ಚಿಕಿತ್ಸೆ ಕೊಡಿಸುವುದಾಗಿ ಹೇಳಿದ್ದಾರೆ.

https://www.facebook.com/princess121815/videos/1995965553769976/