ಕಿರುತೆರೆಯ ಜನಪ್ರಿಯ ‘ಗೌರಿಶಂಕರ’ (Gowrishankara) ಸೀರಿಯಲ್‌ನಿಂದ ನಾಯಕಿ ಕೌಸ್ತುಭ ಮಣಿ ಹೊರಬರುವ ಮೂಲಕ ಅಭಿಮಾನಿಗಳಿಗೆ ಕಹಿಸುದ್ದಿ ನೀಡಿದ್ದರು. ಇದೀಗ ಅವರು ಕೈಬಿಟ್ಟ ಪಾತ್ರವನ್ನು ಯಾರು ನಟಿಸುತ್ತಾರೆ ಎಂದು ಚರ್ಚೆಯಾಗಿತ್ತು. ಇದೀಗ ನಾಯಕಿ ಗೌರಿ ಪಾತ್ರಕ್ಕೆ ದಿವ್ಯಾ ಎಂಟ್ರಿಯಾಗಿದೆ.
Advertisement
‘ಗೌರಿಶಂಕರ’ ಸೀರಿಯಲ್‌ಗೆ ಹೊಸ ಗೌರಿಯ ಆಗಮನವಾಗಿದೆ. ಈ ಹಿಂದೆ, ಮಾಂಗಲ್ಯಂ ತಂತು ನಾನೇನಾ, ‘ಮರಳಿ ಮನಸಾಗಿದೆ’ ಎಂಬ ಸೀರಿಯಲ್‌ನಲ್ಲಿ ನಟಿಸಿದ್ದ ದಿವ್ಯಾ ಅವರು ಗೌರಿ ಪಾತ್ರಕ್ಕೆ ಜೀವ ತುಂಬಲು ಎಂಟ್ರಿ ಕೊಟ್ಟಿದ್ದಾರೆ.
Advertisement
‘ಗೌರಿಶಂಕರ’ ಸೀರಿಯಲ್‌ನಲ್ಲಿ ಇತ್ತೀಚಿಗೆ ಮದುವೆ ಎಪಿಸೋಡ್‌ಗಳು ಅದ್ಧೂರಿಯಾಗಿ ನೆರವೇರಿತ್ತು. ಈಗ ಮದುವೆ ಎಪಿಸೋಡ್ ಮುಗಿದ್ಮೇಲೆ ಸೊಸೆ ಮನೆಗೆ ಕಾಲಿಡುವ ಕಾರ್ಯಕ್ರಮದ ದೃಶ್ಯದಿಂದ ದಿವ್ಯಾ ಎಂಟ್ರಿ ಕೊಟ್ಟಿದ್ದಾರೆ. ಇದನ್ನೂ ಓದಿ:‘ಮಾದೇವ’ನ ಮಾಸ್ ಟೀಸರ್- ಭರ್ಜರಿ ಆ್ಯಕ್ಷನ್ ಮೂಲಕ ಮರಿ ಟೈಗರ್ ಎಂಟ್ರಿ
Advertisement
ಇನ್ನೂ ಕೌಸ್ತುಭ ಮಣಿ ಸೋಷಿಯಲ್ ಮೀಡಿಯಾ ಮೂಲಕ ಸೀರಿಯಲ್‌ನಿಂದ ಹೊರಬಂದಿರೋದಾಗಿ ತಿಳಿಸಿದ್ದರು. ತಾವು ಧಾರಾವಾಹಿಯಿಂದ ಹೊರಬರುತ್ತಿರುವ ವಿಚಾರವನ್ನು ಸ್ವತಃ ಕೌಸ್ತಭ ಮಣಿ ಅವರೇ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಹಾಯ್, ನಾನು ನಿಮ್ಮ ಪ್ರೀತಿಯ ಗೌರಿ. ಕೆಲವೊಂದು ವೈಯಕ್ತಿಕ ಕಾರಣಗಳಿಂದ ಇನ್ನು ಮುಂದೆ ನಾನು ‘ಗೌರಿಶಂಕರ’ ಧಾರಾವಾಹಿಯಲ್ಲಿ ನಟಿಸುವುದಕ್ಕೆ ಆಗುತ್ತಿಲ್ಲ. ನನ್ನ ಜಾಗಕ್ಕೆ ಹೊಸ ಗೌರಿ ಬರುತ್ತಿದ್ದಾಳೆ. ನನಗೆ ಕೊಟ್ಟಷ್ಟೇ ಪ್ರೀತಿ ಅವಳಿಗೂ ಕೊಟ್ಟು ಸಪೋರ್ಟ್ ಮಾಡಿ, ಹರಸಿ, ಹಾರೈಸಿ. ಥ್ಯಾಂಕ್ಯೂ ಎಂದು ನಟಿ ಹೇಳಿಕೊಂಡಿದ್ದರು.
Advertisement
‘ಗೌರಿ’ (Gowri) ಪಾತ್ರಕ್ಕಾಗಿ ದಿವ್ಯಾ ಎಂಟ್ರಿ ಕೊಟ್ಟಿದ್ದು, ಈ ಹಿಂದಿನ ಗೌರಿ ಪಾತ್ರಧಾರಿಯನ್ನು ಮರೆಸುತ್ತಾರಾ? ದಿವ್ಯಾರನ್ನು ಅಭಿಮಾನಿಗಳು ಅಪ್ಪಿ ಒಪ್ಪಿಕೊಳ್ತಾರಾ ಎಂದು ಕಾಯಬೇಕಿದೆ.
