ಭಾನು ವೆಡ್ಸ್ ಭೂಮಿ: ನವಿರು ಪ್ರೇಮಕಥೆಗೆ ಪ್ರೇಕ್ಷಕರು ಫಿದಾ!

ಬೆಂಗಳೂರು: ಜೆಕೆ ಆದಿ ನಿರ್ದೇಶನದ ಭಾನು ವೆಡ್ಸ್ ಭೂಮಿ ಚಿತ್ರಕ್ಕೆ ಭರ್ಜರಿ ಓಪನಿಂಗ್ ಸಿಕ್ಕಿದೆ. ತುಂಬಾನೇ ಕಷ್ಟಪಟ್ಟು ಮಾಡಿದ್ದರೂ ದೊಡ್ಡ ಬಜೆಟ್ಟಿನ, ಸ್ಟಾರ್ ಚಿತ್ರಗಳ ಅಬ್ಬರದ ನಡುವೆ ಸಣ್ಣಪುಟ್ಟ ಚಿತ್ರಗಳು ನೆಲೆಯೂರಿ ನಿಲ್ಲೋದು ಸಾಮಾನ್ಯ ಸಂಗತಿಯಲ್ಲ. ಅಂಥ ಹಲವಾರು ಅಡೆತಡೆಗಳನ್ನು ಸಮರ್ಥವಾಗಿ ಎದುರಿಸಿ ಮುಂದುವರೆಯುತ್ತಿರೋ ಈ ಚಿತ್ರದ ಬಗ್ಗೆ ಎಲ್ಲೆಡೆ ಪಾಸಿಟಿವ್ ಮಾತುಗಳೇ ಕೇಳಿ ಬರುತ್ತಿವೆ. ಹೀಗೆ ಪ್ರೇಕ್ಷಕರಿಂದ ಪ್ರೇಕ್ಷಕರಿಗೆ ದಾಟಿಕೊಳ್ಳುತ್ತಿರೋ ಒಳ್ಳೆ ಮಾತುಗಳೇ ಭಾನು ಭೂಮಿಯ ಪ್ರಣಯದತ್ತ ಪ್ರೇಕ್ಷಕರು ಆಕರ್ಷಿತರಾಗುತ್ತಿದ್ದಾರೆ.

ಕಂಟೆಂಟು ಗಟ್ಟಿಯಾಗಿದ್ದರೆ, ಒಂದಷ್ಟು ಕುತೂಹಲಕರವಾದ ಕಥನವಿದ್ದರೆ ಅಂಥಾ ಚಿತ್ರವನ್ನು ಕನ್ನಡದ ಪ್ರೇಕ್ಷಕರು ಯಾವತ್ತಿಗೂ ಕೈಬಿಟ್ಟ ಉದಾಹರಣೆಗಳಿಲ್ಲ. ಈ ಮಾತಿಗೆ ತಕ್ಕುದಾಗಿಯೇ ಭಾನು ವೆಡ್ಸ್ ಭೂಮಿ ಚಿತ್ರದತ್ತಲೂ ಕನ್ನಡಿಗರು ಕೈಚಾಚಿ ಬರಲಾರಂಭಿಸಿದ್ದಾರೆ. ಈ ಮೂಲಕವೇ ನಿರ್ದೇಶಕ ಜೆಕೆ ಆದಿಯವರೊಳಗೂ ಖುಷಿ ಮನೆ ಮಾಡಿದೆ. ಈ ಸಿನಿಮಾಕ್ಕಾಗಿ ಶ್ರಮವಹಿಸಿದ್ದ ಇಡೀ ತಂಡದ ಮುಖದಲ್ಲಿ ನಿರಾಳ ಭಾವ ಮೂಡಿಕೊಂಡಿದೆ.

ಹಳ್ಳಿ ಹಿನ್ನೆಲೆಯಲ್ಲಿ ತೆರೆದುಕೊಳ್ಳೋ ಕಥೆ, ಆ ಹಳ್ಳಿಯ ಮುಗ್ಧತೆಯನ್ನೇ ಕಣ್ಣುಗಳಲ್ಲಿ, ವ್ಯಕ್ತಿತ್ವದಲ್ಲಿ ತುಂಬಿಕೊಂಡಿರೋ ಹುಡುಗಿಯೊಬ್ಬಳು ಪ್ರೀತಿ ಅರಸಿ ಹೊರಡುವ ಪರಿಗೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ. ಹೊಸ ಥರದ ನಿರೂಪಣೆ, ಗೊತ್ತೇ ಆಗದಂತೆ ಎದುರಾಗೋ ಟ್ವಿಸ್ಟುಗಳು ಮತ್ತು ಎಲ್ಲಿಯೂ ಬಿಗುವು ಕಳೆದುಕೊಳ್ಳದ ನಿರೂಪಣೆಗಳಿಂದ ಭಾನು ವೆಡ್ಸ್ ಭೂಮಿಯ ಕಥನ ಪ್ರೇಕ್ಷಕರಿಗೆ ಇಷ್ಟವಾಗಿದೆ. ಹೀಗೆ ಬಾಯಿಂದ ಬಾಯಿಗೆ ಹರಡಿಕೊಳ್ಳುತ್ತಿರೋ ಒಳ್ಳೆ ಮಾತುಗಳೇ ಮೆಲ್ಲಗೆ ಥೇಟರು ತುಂಬಿ ತುಳುಕುವಂತೆ ಮಾಡುತ್ತಿವೆ. ಹೀಗೆ ಬಿಡುಗಡೆಯಾಗಿ ಎರಡು ದಿನದೊಳಗೆ ಭರ್ಜರಿ ಪ್ರದರ್ಶನ ಕಾಣುತ್ತಿರೋ ಈ ಚಿತ್ರವನ್ನು ನೀವಿನ್ನೂ ನೋಡಿಲ್ಲವಾದರೆ ಖಂಡಿತಾ ಬಿಡುವು ಮಾಡಿಕೊಳ್ಳಿ. ಕುಟುಂಬ ಸಮೇತರಾಗಿ ನೋಡಿ.