ಹುಡುಗಿಯರ ಮೈಕಾಂತಿ ಹೆಚ್ಚಿಸುವ ಸೀರೆಗೊಂದು ಸಿಂಗಾರ ಬೇಡವೇ?

Public TV
1 Min Read
FASHION.jpg 3

ಬೇರೆ ಯಾವ ಬಟ್ಟೆ ಧರಿಸಿದ್ರೂ ಸೀರೆಯ ಅಂದ ಮೀರಿಸಲು ಸಾಧ್ಯವಿಲ್ಲ. ಸೀರೆಯುಟ್ಟ ಮಹಿಳೆಯರು ಸುಂದರವಾಗಿ ಕಾಣುತ್ತಾರೆ. ಆದರೆ ಈಗ ಸ್ವಲ್ಪ ಟ್ರೆಂಡ್ ಬದಲಾಗಿದೆ.

RASHMIKA

ಹೌದು. ಬೇಸಿಗೆಯಲ್ಲಿ ಟ್ಯಾನ್ಸ್ಪರೆಂಟ್ ಅಥವಾ ಕಾಟನ್ ಬಟ್ಟೆಯ ಸೀರೆಗಳು ಹೆಚ್ಚು ಬೇಡಿಕೆಯಲ್ಲಿರುವಂತೆ ಮಳೆ, ಚಳಿಗಾಲದಲ್ಲಿ ಚರ್ಮದ ಸುರಕ್ಷತೆಯೊಂದಿಗೆ ಅಂದ ಹೆಚ್ಚಿಸುವ ಉಡುಪುಗಳನ್ನೇ ಮಹಿಳೆಯರು, ಯುವತಿಯರು ಹೆಚ್ಚಾಗಿ ಇಷ್ಟಪಡುತ್ತಾರೆ. ಕೆಲವು ಮಹಿಳೆಯರು ಗ್ರ್ಯಾಂಡ್‌ ಪಾರ್ಟಿಗೆ ಹೋಗುವಂತ ಸಂದರ್ಭದಲ್ಲಿ ತಮ್ಮ ಮೈಮಾಟದಿಂದಲೇ ಅಂದದ ಹೊಳಪನ್ನು ಹೆಚ್ಚಿಸಲು ಪ್ರಯತ್ನಿಸುತ್ತಾರೆ. ಇದನ್ನೂ ಓದಿ: ತಮ್ಮ ಮಗುವಿಗೆ ಭಾರತೀಯ ಖಾದ್ಯದ ಹೆಸರಿಟ್ಟ ವಿದೇಶಿ ದಂಪತಿ

FASHION.jpg 4

ಅದಕ್ಕಾಗಿ ಸುಂದರವಾದ ಹೂವುಗಳಿಂದ ಅಲಂಕೃತವಾದ ಪ್ರಿಂಟೆಡ್ ಸೀರೆಯನ್ನು ಆಯ್ಕೆ ಮಾಡಿಕೊಳ್ಳುವ ಜೊತೆಗೆ ಗ್ರ‍್ಯಾಂಡ್ ವರ್ಕ್ವುಳ್ಳ ಬ್ಲೌಸ್ ಧರಿಸುವುದು ಮರೆಯುವುದೇ ಇಲ್ಲ. ಸ್ಲೀವ್‌ಲೆಸ್ ಬ್ಲೌಸ್‌ಗಳು ಬೇಸಿಗೆ ಕಾಲದಲ್ಲಿ ಮಾರ್ಡನ್ ಲುಕ್ ಮತ್ತು ಆರಾಮದಾಯಕವಾಗಿರುವಂತೆ ಮಳೆಗಾಲದಲ್ಲಿ ಚಳಿಯಿಂದಲೂ ಸುರಕ್ಷತೆ ನೀಡಲು ವೆಸ್ಟ್ರನ್‌ ಲುಕ್ ನೀಡುವ ಸೀರೆಗಳೂ ಇಂದು ಹೆಚ್ಚು ಟ್ರೆಂಡಿಯಾಗಿವೆ.

WESTRAN LOOK

ಸೀರೆಗೆ ಮ್ಯಾಚಿಂಗ್ ಬ್ಲೌಸ್, ಇಸ್ತ್ರಿ, ನಿರ್ವಹಣೆ ಹೀಗೆ ಹಲವು ಕೆಲಸಗಳಿರುತ್ತವೆ. ಆದರೂ ಆಧುನಿಕ ಉಡುಪುಗಳ ಟ್ರೆಂಡ್ ಕಡಿಮೆಯಾಗುತ್ತಿದ್ದು, ಯುವತಿಯರು ಮಹಿಳೆಯರಿಂದು ಸ್ಟೈಲ್‌ಗಾಗಿ ಸೀರೆಯತ್ತ ವಾಲುತ್ತಿದ್ದಾರೆ. ಮಾರುಕಟ್ಟೆಯಲ್ಲೂ ಸಹ ಅವರ ಅಭಿರುಚಿಗೆ ತಕ್ಕಂತೆ ಆಧುನಿಕ ಅವತಾರದಲ್ಲಿ ಸೀರೆಗಳನ್ನು ವಿನ್ಯಾಸಗೊಳಿಸಲಾಗುತ್ತಿದೆ. ಅಲ್ಲದೆ ಹೆಚ್ಚು ಭಾರವಿರದ, ಸಮಯ ವ್ಯರ್ಥ ಮಾಡದೇ ಸುಲಭವಾಗಿ ಉಡಲು ಬರುವ ಸೀರೆಗಳು ಇಂದಿನ ಪೀಳಿಗೆಗೆ ಅಚ್ಚುಮೆಚ್ಚಾಗಿದೆ. ಇದನ್ನೂ ಓದಿ: ಪ್ರೆಗ್ನೆನ್ಸಿ ಫೋಟೋಶೂಟ್‌ನಲ್ಲಿ ಮಿಂಚಿದ ಬಾಲಿವುಡ್‌ ನಟಿ ಬಿಪಾಶಾ ಬಸು

Westran look 2

ಫ್ಯಾಷನ್ ಡಿಸೈನರ್‌ಗಳ ಪ್ರಕಾರ ಬ್ಲೇಜರ್‌ನೊಂದಿಗೆ ಸೀರೆ, ಬಿಕಿನಿ ಟಾಪ್ ಜೊತೆ ಸೀರೆ, ಶರ್ಟ್ನೊಂದಿಗೆ ಸೀರೆ ಧರಿಸುವ ಫ್ಯಾಷನ್ ಬಂದಿದೆ. ಫ್ರೆಂಡ್ಸ್ ಜೊತೆ ಪಾರ್ಟಿಗಳಿಗೆ ಹೋಗುವುದರಿಂದ ಲೇಟ್‌ನೈಟ್ ಪಾರ್ಟಿ, ಕ್ಲಬ್-ಪಬ್‌ಗಳಿಗೂ ಈ ಸೀರೆ ಹೆಚ್ಚು ಸೂಕ್ತವಾಗಿದೆ. ಬಗೆಬಗೆಯ ಫ್ಯಾಷನ್ ಟ್ರೆಂಡ್ ಗಳು ಹೆಚ್ಚಾಗುತ್ತಿದ್ದರೂ ಹಳೆಯ ಸೀರೆ ಉಡುವ ರೀತಿ ನೋಡಲು ಸುಂದರವಾಗಿರುತ್ತದೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ.

Live Tv
[brid partner=56869869 player=32851 video=960834 autoplay=true]

Share This Article
Leave a Comment

Leave a Reply

Your email address will not be published. Required fields are marked *