ಸ್ಯಾಂಡಲ್‌ವುಡ್ (Sandalwood) ರಾಜಹುಲಿ (Rajahuli) ಬ್ಯೂಟಿ ಮೇಘನಾ ರಾಜ್ (Meghana Raj) ಸರ್ಜಾ ಅವರು ಮತ್ತೆ ನಟನೆಯತ್ತ ವಾಲಿದ್ದಾರೆ. ಪತಿ ಚಿರು ನಿಧನದ ಬಳಿಕ ಮಗನ ಪಾಲನೆಯಲ್ಲಿ ಬ್ಯುಸಿಯಿದ್ದ ನಟಿ, ಈಗ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಈ ಬಗ್ಗೆ ಧ್ರುವ ಸರ್ಜಾ ಮಾತನಾಡಿದ್ದಾರೆ.
ಅತ್ತಿಗೆ ಮೇಘನಾ ರಾಜ್, ಮತ್ತೆ ಸಿನಿಮಾ ಮಾಡ್ತಿರೋದು ಖುಷಿ ಕೊಟ್ಟಿದೆ. ಮದುವೆ ಆದ್ಮೇಲೆ ಬಹಳಷ್ಟು ಹೆಣ್ಣು ಮಕ್ಕಳು ಕೆಲಸ ಮಾಡುತ್ತಾರೆ. ನನ್ನ ಅತ್ತಿಗೆ ಕೂಡ ಕೆಲಸ ಮಾಡ್ತಿದ್ದಾರೆ ಅನ್ನೋದು ನಮಗೆ ಹೆಮ್ಮೆಯ ವಿಚಾರ ಎಂದಿದ್ದಾರೆ. ಈ ಮೂಲಕ ಅತ್ತಿಗೆಯ ಕಮ್‌ಬ್ಯಾಕ್ ಸಿನಿಮಾ ಬಗ್ಗೆ ಧ್ರುವ ಸರ್ಜಾ (Dhruva Sarja) ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಚಿರಂಜೀವಿ ಸರ್ಜಾ ಕಳೆದ ಎರಡು ವರ್ಷದ ಹಿಂದೆ ನಿಧನರಾದರು. ಚಿರು ನಿಧನ ಇಡೀ ಸರ್ಜಾ ಕುಟುಂಬದಕ್ಕೆ ಶಾಕ್ ನೀಡಿತ್ತು. ರಾಯನ್ ಆಗಮನದಲ್ಲಿ ಚಿರುನ ಕಾಣುತ್ತಿದ್ದರು. ಹೀಗಿರುವಾಗ ರಾಯನ್ (Rayan) ಪಾಲನೆ ಜವಬ್ದಾರಿ ಜೊತೆ ಮತ್ತೆ ಸಿನಿಮಾಗೆ ಮೇಘನಾ ರಾಜ್ ಕಮ್ ಬ್ಯಾಕ್ ಮಾಡ್ತಿದ್ದಾರೆ. ಸದ್ಯದಲ್ಲೇ ಸಿನಿಮಾ ತೆರೆಗೆ ಬರಲಿದೆ. ಇದನ್ನೂ ಓದಿ:ಹೇ ಹೆಂಡತಿ ಎಂದು ಸಮಂತಾ ಜೊತೆ ಹೆಜ್ಜೆ ಹಾಕಿದ ವಿಜಯ್ ದೇವರಕೊಂಡ
ಆಗಸ್ಟ್ 25ರಂದು ತಮ್ಮ ಎರಡನೇ ಮಗುವಿನ ಆಗಮನದ ಬಗ್ಗೆ ಧ್ರುವ ಸರ್ಜಾ ದಂಪತಿ ಗುಡ್ ನ್ಯೂಸ್ ನೀಡಿದ್ದರು. ಇದೀಗ ಧ್ರುವ ಮನೆಗೆ ಭೇಟಿ ನೀಡಿ, ತಮ್ಮ ಹುಟ್ಟುಹಬ್ಬವನ್ನು ನೆಚ್ಚಿನ ನಟನ ಜೊತೆ ಸೆಲೆಬ್ರೇಟ್ ಮಾಡಿದ್ದಾರೆ. ಪ್ರತಿವಾರ ಭಾನುವಾರ ಅಭಿಮಾನಿಗಳಿಗೆ ಮೀಸಲಿಡುವ ಧ್ರುವ, ಕಳೆದ ಎರಡ್ಮೂರು ವಾರಗಳಿಂದ ಫ್ಯಾನ್ಸ್ಗೆ ಭೇಟಿ ನೀಡಿರಲಿಲ್ಲ. ಈಗ ಧ್ರುವ ಮನೆಗೆ ಭೇಟಿ ನೀಡಿ, ಫೋಟೋ ಕ್ಲಿಕ್ಕಿಸಿ, ಧ್ರುವ ನಟನೆಯ ಸಿನಿಮಾದ ಡೈಲಾಗ್ ಹೊಡೆದು ಸಂಭ್ರಮಿಸುತ್ತಿದ್ದಾರೆ. ಸಿನಿಮಾದ ಶೂಟಿಂಗ್ ಮುಗಿಸಿ ಇಂದು ಅಭಿಮಾನಿಗಳಿಗೆ ಸಮಯ ನೀಡಿದ್ದಾರೆ. ಈ ಬಗ್ಗೆ ಧ್ರುವ ಸರ್ಜಾ ಮಾತನಾಡಿದ್ದಾರೆ.
ದೂರ ಊರುಗಳಿಂದ ಬಂದಿರುವ ಅಭಿಮಾನಿಗಳನ್ನು ಭೇಟಿ ಮಾಡಿರೋದು ನನಗೆ ಖುಷಿ ಕೊಟ್ಟಿದೆ. ಅವರ ಹುಟ್ಟುಹಬ್ಬವನ್ನ ನನ್ನ ಜೊತೆ ಆಚರಿಸೋದು ನನಗೆ ಆಶೀರ್ವಾದ. ಎಷ್ಟೋ ತಾಯಂದಿರ ಆಶೀರ್ವಾದ ಸಿಕ್ತಿದೆ ಅನ್ನೋದು ಖುಷಿ. ಈ ಖುಷಿಯ ಜೊತೆಗೆ ಮನೆಗೆ ಮತ್ತೊಂದು ಮಗು ಬರುತ್ತಿದೆ. ಮುಂದಿನ ತಿಂಗಳು ಡೆಲಿವರಿ ಡೇಟ್ ಕೊಟ್ಟಿದ್ದಾರೆ. ಈಗಾಗಲೇ ಒಬ್ಬ ಮಗ ಇದ್ದಾನೆ ಮಗಳು ಇದ್ದಾಳೆ. ಯಾವುದೇ ಮಗು ಆದರೂ ನಮಗೆ ಖುಷಿನೇ ಎಂದು ಧ್ರುವ ಸರ್ಜಾ ಎರಡನೇ ಮಗುವಿನ ಆಗಮನದ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದಾರೆ. ಈ ವೇಳೆ ಅತ್ತಿಗೆ ಕಮ್ ಬ್ಯಾಕ್ ಬಗ್ಗೆ ಧ್ರುವ ಸರ್ಜಾ ಸಂತಸ ವ್ಯಕ್ತಪಡಿಸಿದ್ದಾರೆ.
