ಸಾಮಾನ್ಯವಾಗಿ ವಿವಾಹ ಸಮಾರಂಭಗಳಲ್ಲಿ ವಧು, ವರ ಒಟ್ಟಿಗೆ ನೃತ್ಯ ಮಾಡುವುದು, ಹಾಡು ಹಾಡಿರುವ ಹಲವಾರು ವೀಡಿಯೋಗಳನ್ನು ನಾವು ನೋಡಿರುತ್ತೇವೆ. ಆದರೆ ವಿವಾಹ ಕಾರ್ಯಕ್ರಮವೊಂದರಲ್ಲಿ ವರ, ವಧುವಿನ ಕಾಲಿಗೆ ಬಿದ್ದಿರುವ ವೀಡಿಯೋ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್ ಆಗುತ್ತಿದೆ.
ವರನ ಕಾಲಿಗೆ ವಧು ಬಿದ್ದು, ಆಶೀರ್ವಾದ ಪಡೆದುಕೊಳ್ಳುವ ವಾಡಿಕೆಯೂ ಇದೆ. ಆದರೆ ಅರ್ನವ್ ರಾಯ್ ಎಂಬ ವರ, ದಿತಿ ಗೊರಾಡಿಯಾ ಅವರ ಕಾಲಿಗೆ ಬೀಳುವ ಮೂಲಕ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ. ಇತ್ತೀಚೆಗಷ್ಟೇ ದಿತಿ ಗೊರಾಡಿಯಾ ಮತ್ತು ಅರ್ನವ್ ರಾಯ್ ವಿವಾಹವಾದರು. ಮದುವೆ ವೇಳೆ ವರ, ವಧುವಿನ ಕಾಲಿಗೆ ಬೀಳುತ್ತಾರೆ. ಈ ವೇಳೆ ವಧು ಬಹಳ ಆಶ್ಚರ್ಯದಿಂದ ವರನತ್ತ ನೋಡುತ್ತಿರುವಾಗ ಅರ್ನವ್ ಪ್ರೀತಿಯಿಂದ ದಿತಿ ಅವರನ್ನು ಬಿಗಿದಪ್ಪಿಕೊಂಡಾಗ ದಿತಿ ನಾಚಿ ನೀರಾಗುವುದನ್ನು ವೀಡಿಯೋದಲ್ಲಿ ಕಾಣಬಹುದಾಗಿದೆ. ಇದನ್ನೂ ಓದಿ: ಮಲಯಾಳಂ ನಟಿ ಅಂಬಿಕಾ ರಾವ್ ನಿಧನ
ಈ ವೀಡಿಯೋವನ್ನು ಇನ್‍ಸ್ಟಾಗ್ರಾಮ್‍ನಲ್ಲಿ ದಿತಿ ಗೊರಾಡಿಯಾ ಹಂಚಿಕೊಂಡಿದ್ದು, ಮೊದಲಿಗೆ ನಮ್ಮ ಪಂಡಿತರಿಗೆ ಇದು ಇಷ್ಟವಾಗಲಿಲ್ಲ. ಆದರೆ ಮದುವೆ ಸಮಾರಂಭದ ಅಂತ್ಯದ ವೇಳೆಗೆ ನೀನು ಬಹಳ ಅದೃಷ್ಟವಂತ ಹುಡುಗಿ ಎಂದು ನನ್ನ ಕಿವಿಯಲ್ಲಿ ಪಿಸುಗುಟ್ಟಿದರು ಎಂದು ಕ್ಯಾಪ್ಷನ್‍ನಲ್ಲಿ ಬರೆದುಕೊಂಡಿದ್ದಾರೆ. ಸದ್ಯ ವೈರಲ್ ಆಗುತ್ತಿರುವ ಈ ವೀಡಿಯೋವನ್ನು 6 ಮಿಲಿಯನ್‍ಗಿಂತಲೂ ಹೆಚ್ಚು ಮಂದಿ ವೀಕ್ಷಿಸಿದ್ದು, ನೆಟ್ಟಿಗರಿಂದ ಕಾಮೆಂಟ್‍ಗಳ ಸುರಿಮಳೆಯೇ ಹರಿದು ಬರುತ್ತಿದೆ. ಇದನ್ನೂ ಓದಿ: ಕೂಸು ಹುಟ್ಟುವ ಮುಂಚೆ ವಿದೇಶದಲ್ಲಿ ಮಗುವಿಗೆ ಬಟ್ಟೆ ಶಾಪಿಂಗ್ ಮಾಡಿದ ರಣ್‌ಬೀರ್ ಕಪೂರ್
Live Tv
