ಜನವರಿಯಲ್ಲಿ ತೆರೆಕಂಡ ‘#ಪಾರುಪಾರ್ವತಿ’ (Paru Parvathy) ಚಿತ್ರ ಕರ್ನಾಟಕ, ಯುಕೆ ಮತ್ತು ಐರ್ಲೆಂಡ್‌ನ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡು, ಯಶಸ್ಸಿ ಪ್ರದರ್ಶನ ಕಂಡಿದೆ. ಅಲ್ಲಿಗೆ ವರ್ಷದ ಮೊದಲ ಸಿನಿಮಾದಲ್ಲಿ ಗೆದ್ದು, ಗೆಲುವಿನ ನಗೆ ಬೀರಿದ್ದಾರೆ ನಟ ದೀಪಿಕಾ ದಾಸ್. ಇದು ಮತ್ತಷ್ಟು ಸಿನಿಮಾಗಳನ್ನು ಮಾಡಲು ಸ್ಪೂರ್ತಿ ನೀಡಿದೆ ಎಂದಿದ್ದಾರೆ.
ಈ ಚಿತ್ರದಲ್ಲಿ ಜನಪ್ರಿಯ ಟೆಲಿವಿಷನ್ ನಟಿ ಮತ್ತು ಬಿಗ್ ಬಾಸ್ ಸ್ಪರ್ಧಿ ದೀಪಿಕಾ ದಾಸ್ (Deepika Das) ಟ್ರಾವೆಲಿಂಗ್ ಇನ್ಫ್ಲುಯೆನ್ಸರ್ ಆಗಿ ಹಿರಿಯ ನಟಿ ಪೂನಂ ಸಿರ್ನಾಯಕ್ ಅವರೊಂದಿಗೆ ನಟಿಸಿದ್ದಾರೆ. ಹೊಸಬರಾದ ಫವಾಜ್ ಅಶ್ರಫ್ ಕೂಡ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಉತ್ತಮ ಆರಂಭದ ನಂತರ, ಮೊದಲ ವಾರದಲ್ಲಿ ₹80 ಲಕ್ಷಗಳ ಗಳಿಕೆ ಕಂಡರೂ, ಸೀಮಿತ ಸಂಖ್ಯೆಯ ಚಿತ್ರಮಂದಿರಗಳು ಮತ್ತು ಅನಾನುಕೂಲಕರ ಪ್ರದರ್ಶನ ಸಮಯಗಳಿಂದಾಗಿ ಚಿತ್ರದ ವ್ಯಾಪ್ತಿ ಸೀಮಿತವಾಗಿದೆ.
ಪ್ರಸ್ತುತ, ಈ ಚಿತ್ರ ತನ್ನ ಎರಡನೇ ವಾರದಲ್ಲಿದೆ. ಚಿತ್ರವನ್ನು ನೋಡಿದ ವೀಕ್ಷಕರು ಛಾಯಾಗ್ರಹಣ, ಸಂಗೀತ ಮತ್ತು ನಿರ್ದೇಶನವನ್ನು ಹೊಗಳಿದ್ದಾರೆ ಮತ್ತು ಇದು ಕುಟುಂಬ ಸಮೇತ ನೋಡಬಹುದಾದ ಚಿತ್ರ ಮತ್ತು ಯುವ ಪೀಳಿಗೆಗೆ ಮನೋರಂಜನಯುಕ್ತ ಚಿತ್ರವೆಂದು ಶ್ಲಾಘಿಸಿದ್ದಾರೆ. #ಪಾರುಪಾರ್ವತಿ ಚಿತ್ರವನ್ನು Eighteen Thirty-Six Pictures ನಿರ್ಮಾಣ ಮಾಡಿದ್ದು, ಪಿಬಿ ಪ್ರೇಮನಾಥ್ ನಿರ್ಮಾಪಕರಾಗಿದ್ದಾರೆ ಮತ್ತು ರೋಹಿತ್ ಕೀರ್ತಿ ಈ ಚಿತ್ರದ ನಿರ್ದೇಶಕರಾಗಿದ್ದಾರೆ.
