ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕುರಿತು ಒಂದು ಇಂಟ್ರೆಸ್ಟಿಂಗ್ ವಿಚಾರ ತಿಳಿದು ಬಂದಿದ್ದು, ಅವರ ಮುಂದಿನ ಹೊಸ ಸಿನಿಮಾದ ಟೈಟಲ್ ಫಿಕ್ಸ್ ಆಗಿದೆ.
ದರ್ಶನ್ ಈಗಾಗಲೇ ಯಜಮಾನ ಸಿನಿಮಾದ ಶೂಟಿಂಗ್ ಕಂಪ್ಲೀಟ್ ಮಾಡಿ ಒಡೆಯರ್ ಶೂಟಿಂಗ್ ಮಾಡುತ್ತಿದ್ದರು. ಈ ನಡುವೆ ಮತ್ತೊಂದು ಹೊಸ ಸಿನಿಮಾಗೆ ಚಾಲನೇ ಕೂಡ ಕೊಟ್ಟಿದ್ದರು. ಈ ಚಿತ್ರಕ್ಕೆ ಚೌಕ ಸಿನಿಮಾದ ನಿರ್ದೇಶಕ ತರುಣ್ ಸುಧೀರ್ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಹೆಬ್ಬುಲಿ ನಿರ್ಮಾಪಕ ಉಮಾಪತಿ ಬಂಡವಾಳ ಹಾಕುತ್ತಿದ್ದಾರೆ ಅನ್ನೋದು ಕೂಡ ಫೈನಲ್ ಆಗಿತ್ತು. ಆದರೆ ಸಿನಿಮಾ ಟೈಟಲ್ ಮಾತ್ರ ಫೈನಲ್ ಆಗಿರಲಿಲ್ಲ.
ದರ್ಶನ್ ಮತ್ತು ತರುಣ್ ಸುಧೀರ್ ಕಾಂಬಿನೇಷನ್ ನ ಹೊಸ ಸಿನಿಮಾಗೆ ‘ರಾಬರ್ಟ್’ ಅಂತ ನಾಮಕರಣ ಮಾಡಲಾಗಿದೆ. ಚೌಕ ಸಿನಿಮಾದಲ್ಲಿ ದರ್ಶನ್ ರಾಬರ್ಟ್ ಎಂಬ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರು. ಕುತ್ತಿಗೆ ಮೇಲೆ ಶಿಲುಬೆಯ ಟ್ಯಾಟೂ ಹಾಕಿಸಿಕೊಂಡು ಮಾಸ್ಲುಕ್ನಲ್ಲಿ ಮಿಂಚಿದ್ದರು. ಸಾರಥಿಯ ಈ ಲುಕ್ ಸಿನಿಮಾದ ಮೇಜರ್ ಹೈಲೈಟ್ಸ್ ಗಳಲ್ಲಿ ಕೂಡ ಒಂದಾಗಿತ್ತು. ದಚ್ಚು ಪಾತ್ರದ ಹೆಸರನ್ನೇ ಈಗ ಹೊಸ ಸಿನಿಮಾಗೆ ಟೈಟಲ್ ಮಾಡಿದ್ದಾರೆ.
ನಿರ್ದೇಶಕರ ಗಮನದಲ್ಲಿ ಬೇರೆ ಮೂರು – ನಾಲ್ಕು ಆಯ್ಕೆಗಳಿದ್ದವು. ಎಲ್ಲಾ ಕೂತು ಮಾತು-ಕಥೆ ಮಾಡಿ ದರ್ಶನ್ ಸಿನಿಮಾಗೆ ರಾಬರ್ಟ್ ಟೈಟಲ್ ಸೂಕ್ತ ಅಂತ ನಿರ್ಣಯ ಮಾಡಲಾಗಿದೆ. ಸದ್ಯದಲ್ಲೇ ಚಿತ್ರ ತಂಡ ರಾಬರ್ಟ್ ಸಿನಿಮಾದ ಫಸ್ಟ್ ಲುಕ್ ರಿಲೀಸ್ ಮಾಡಲಿದೆ
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
