ಹೃದಯ ತಟ್ಟುವ ಚಿತ್ರ ‘ಲವ್ ಮಾಕ್ಟೇಲ್’

ಡಾರ್ಲಿಂಗ್ ಕೃಷ್ಣ ಆ್ಯಕ್ಷನ್ ಕಟ್ ಹೇಳಿ ನಟಿಸಿರುವ ಚಿತ್ರ ‘ಲವ್ ಮಾಕ್ಟೇಲ್’ ಇಂದು ಬಿಡುಗಡೆಯಾಗಿದೆ. ಬಿಡುಗಡೆಯಾದ ಎಲ್ಲಾ ಕಡೆಗಳಲ್ಲೂ ಚಿತ್ರದ ಬಗ್ಗೆ ಮೆಚ್ಚುಗೆ ಮಾತುಗಳು ಕೇಳಿ ಬರ್ತಿದೆ. ಪ್ರೇಕ್ಷಕರ ಮನಸ್ಸಿಗೆ ಲವ್ ಮಾಕ್ಟೇಲ್ ಚಿತ್ರ ಕನೆಕ್ಟ್ ಆಗಿದ್ದು, ಡಾರ್ಲಿಂಗ್ ಕೃಷ್ಣ ಮೊದಲ ನಿರ್ದೇಶನದಲ್ಲೇ ಗೆದ್ದಿದ್ದಾರೆ.

ಮನರಂಜನೆಯ ಜೊತೆಗೆ ಪ್ರೀತಿಯ ಅಲೆಯ ಮೇಲೆ ಸಾಗೋ ಮನಮುಟ್ಟುವ, ಹೃದಯ ತಟ್ಟುವ ಪ್ರೇಮಕಥೆ ಲವ್ ಮಾಕ್ಟೇಲ್ ಚಿತ್ರದಲ್ಲಿದೆ. ಎಲ್ರೂ ಲೈಫ್ ನಲ್ಲೂ ನಡೆಯುವ ಒಂದಷ್ಟು ಲವ್ ಸ್ಟೋರಿಗಳನ್ನು ಸೇರಿಸಿ ಫ್ರೆಶ್ ಅಂಡ್ ನವಿರಾಗಿ, ಪ್ರಬುದ್ಧವಾಗಿ ಕಟ್ಟಿಕೊಡೋ ಪ್ರಯತ್ನದಲ್ಲಿ ಡಾರ್ಲಿಂಗ್ ಕೃಷ್ಣ ಗೆದ್ದಿದ್ದಾರೆ.

ಚಿತ್ರದಲ್ಲಿ ನಾಯಕ ಆದಿಯ ಹೈಸ್ಕೂಲ್ ನಿಂದ ಆರಂಭವಾದ ಲವ್ ಸ್ಟೋರಿಗಳಿದೆ. ತರ್ಲೆ, ತುಂಟಾಟಗಳಿದೆ. ಆತನ ಜೀವನದಲ್ಲಿ ಬರುವ ಹುಡುಗಿಯರು ಈಗಿನ ಹುಡುಗಿಯರನ್ನು ರೆಪ್ರೆಸೆಂಟ್ ಮಾಡ್ತಾರೆ. ಟ್ರೂ ಲವ್ ಎಂದು ಹುಡುಕಿ ಹೊರಟ ಆದಿಗೆ ಕೊನೆಗೆ ಟ್ರೂ ಲವ್ ಸಿಕ್ಕಿದಾಗ ಯಾವ ರೀತಿ ಪ್ರಭಾವ ಬೀರುತ್ತೆ ಅನ್ನೋದೇ ಲವ್ ಮಾಕ್ಟೇಲ್ ಕಹಾನಿ. ಇಡೀ ಚಿತ್ರ ತನ್ನ ನಿರೂಪಣ ಶೈಲಿ ಹಾಗೂ ಹೊಸತನದಿಂದಲೇ ಆವರಿಸಿ ಬಿಡುತ್ತೆ. ಮನೋರಂಜನೆ ಜೊತೆಗೆ ಪ್ರೇಮಕಥೆ ಹೀಗೆ ಸಾಗುತ್ತಾ ಹೋಗಿ ಆ ಪ್ರೇಮಕಥೆ ನೋಡುಗರ ಹೃದಯತಟ್ಟುತ್ತೆ. ಇದು ನಮ್ಮದೇ ಕಥೆ ಎನ್ನುವ ಹಾಗೆ ಕನೆಕ್ಟ್ ಆಗುತ್ತೆ. ಒಟ್ಟಿನಲ್ಲಿ ಹೊಸತನದೊಂದಿಗೆ ಲವ್ ಮಾಕ್ಟೇಲ್ ಚಿತ್ರ ಪ್ರೇಕ್ಷಕರಿಗೆ ಕನೆಕ್ಟ್ ಆಗಿದ್ದು, ಫಸ್ಟ್ ಡೇ ಫಸ್ಟ್ ಶೋ ನೋಡಿದ ಸಿನಿರಸಿಕರು ಫುಲ್ ಖುಷ್ ಆಗಿದ್ದಾರೆ.

ಚಿತ್ರ: ಲವ್ ಮಾಕ್ಟೇಲ್
ನಿರ್ದೇಶಕ: ಡಾರ್ಲಿಂಗ್ ಕೃಷ್ಣ
ನಿರ್ಮಾಪಕ: ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್
ಸಂಗೀತ: ರಘು ದೀಕ್ಷಿತ್
ಛಾಯಾಗ್ರಹಣ: ಶ್ರೀ ಕ್ರೇಜಿಮೈಂಡ್ಸ್
ತಾರಾಂಗಣ: ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್, ಅಮೃತ, ಇತರರ

ರೇಟಿಂಗ್: 4/5