ನವದೆಹಲಿ: ಡೈಪರ್ ನಲ್ಲೇ ಚಿಕ್ಕ ಬಾಲಕನೋರ್ವ ಸೂಪರ್ ಆಗಿ ಕ್ರಿಕೆಟ್ ಶಾಟ್ಸ್ ಹೊಡೆದಿದ್ದು, ಇದನ್ನು ನೋಡಿದ ನೆಟ್ಟಿಗರು ಫಿದಾ ಆಗಿದ್ದಾರೆ.
ಚಿಕ್ಕ ಬಾಲಕ ತನ್ನ ಮನೆಯಲ್ಲೇ ಡೈಪರ್ ತೊಟ್ಟು ಪ್ಲಾಸ್ಟಿಕ್ ಬ್ಯಾಟ್ ಹಿಡಿದು ವೃತ್ತಿಪರ ಆಟಗಾರರ ರೀತಿಯಲ್ಲೇ ಬ್ಯಾಟ್ ಬೀಸಿದ್ದಾನೆ. ಅದರಲ್ಲೂ ಆ ಬಾಲಕ ಹೊಡೆದಿರುವ ಕವರ್ ಡ್ರೈವ್ ಹೊಡೆತಗಳನ್ನು ನೋಡಿದ ನೆಟ್ಟಿಗರು ಈತ ಲಿಟಲ್ ಸಚಿನ್ ತೆಂಡೂಲ್ಕರ್ ಎಂದು ಹೊಗಳಿದ್ದಾರೆ.
Surely he has an English cat or dog … ???? https://t.co/WtIvAXDrd5
— Michael Vaughan (@MichaelVaughan) November 11, 2019
ಈ ಪುಟ್ಟ ಪೋರ ಬ್ಯಾಟ್ ಬೀಸಿರುವ ವಿಡಿಯೋ ನೋಡಿ ನೆಟ್ಟಿಗರು ಫಿದಾ ಆಗಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಈ ವಿಡಿಯೋ ನೋಡಿ ಮಾಜಿ ಇಂಗ್ಲೆಂಡ್ ತಂಡದ ನಾಯಕ ಮೈಕಲ್ ವಾನ್ ಅವರು ಕೂಡ ಪುಟ್ಟ ಬಾಲಕನಿಗೆ ಅಭಿಮಾನಿಯಾಗಿದ್ದು, ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಈ ಬಾಲಕ ವಿಡಿಯೋ ಶೇರ್ ಮಾಡಿ ಖಂಡಿತವಾಗಿಯೂ ಈತ ಇಂಗ್ಲಿಷ್ ಡಾಗ್ ಅಥವಾ ಕ್ಯಾಟ್ ಎಂದು ಬರೆದುಕೊಂಡಿದ್ದಾರೆ.
40 ಸೆಕೆಂಡ್ ಈ ವಿಡಿಯೋದಲ್ಲಿ ಬಾಲಕ ಕವರ್ ಡ್ರೈವ್, ಸ್ಟ್ರೈಟ್ ಡ್ರೈವ್ ಹೊಡೆತಗಳನ್ನು ಹೊಡೆದಿದ್ದು, ಈ ವಿಡಿಯೋವನ್ನು ಫಾಕ್ಸ್ ಕ್ರಿಕೆಟ್ ಕೂಡ ಶೇರ್ ಮಾಡಿದೆ. ಈ ಬಾಲಕ ಇನ್ನೂ ಡೈಪರ್ ನಲ್ಲಿಯೇ ಕ್ಲಬ್ ಕ್ರಿಕೆಟಿಗರಿಗಿಂತ ಹೆಚ್ಚಿನ ಉತ್ತಮ ಬ್ಯಾಟಿಂಗ್ ತಂತ್ರ ಹೊಂದಿದ್ದಾನೆ ಎಂದು ಬರೆದುಕೊಂಡಿದೆ. ಸದ್ಯ ವೈರಲ್ ಆಗಿರುವ ಈ ವಿಡಿಯೋವನ್ನು 3 ಲಕ್ಷ ಜನ ನೋಡಿದ್ದು, 3 ಸಾವಿರ ಜನ ರೀಟ್ವೀಟ್ ಮಾಡಿದ್ದಾರೆ.
Sachiiiin…..Sachiiiin…..
— Debashish Sarangi (@Plumb_infront) November 11, 2019
ಬಾಲಕನ ವಿಡಿಯೋ ನೋಡಿ ಮೆಚ್ಚಿರುವ ನೆಟ್ಟಿಗರು, ಈ ಬಾಲಕನ ಫುಟ್ವರ್ಕ್ ಮಾಜಿ ಆರಂಭಿಕ ಬ್ಯಾಟ್ಸ್ ಮ್ಯಾನ್ ವೀರೇಂದ್ರ ಸೆಹ್ವಾಗ್ ರೀತಿಯಂತಿದೆ. ಈತ ಮುಂದಿನ ಸಚಿನ್ ತೆಂಡೂಲ್ಕರ್ ರೀತಿಯಲ್ಲಿ ಕಾಣುತ್ತಿದ್ದಾನೆ. ಭಾರತಕ್ಕೆ ಉತ್ತಮ ಬಲಗೈ ಆಟಗಾರ ಸಿಕ್ಕಿದ್ದಾನೆ ಎಂದು ಕಮೆಂಟ್ ಮಾಡಿದ್ದಾರೆ.
ಇನ್ನೂ ಕೆಲ ನೆಟ್ಟಿಗರು ಈ ವಿಡಿಯೋ ಇಟ್ಟುಕೊಂಡು ವಿಕೆಟ್ ಕೀಪರ್ ಬ್ಯಾಟ್ಸ್ ಮ್ಯಾನ್ ರಿಷಬ್ ಪಂತ್ ಅವರನ್ನು ಕಾಲೆಳೆದಿದ್ದು, ಅಂಡರ್ ಫೈರ್ ಇಂಡಿಯಾದ ಬ್ಯಾಟ್ಸ್ ಮ್ಯಾನ್ ರಿಷಬ್ ಪಂತ್ ಅವರು ಈ ಪುಟ್ಟ ಬಾಲಕನನ್ನು ಭೇಟಿಯಾಗಿ ಬ್ಯಾಟಿಂಗ್ ಮಾಡುವುದನ್ನು ಕಲಿತುಕೊಳ್ಳಬೇಕು ಎಂದು ಕಮೆಂಟ್ ಮಾಡಿದ್ದಾರೆ.
