LatestBengaluru CityCinemaFashionKarnataka

ಫ್ಯಾಶನ್ ಲೋಕದಲ್ಲಿ ‘ಕ್ರೀಮ್ ಕಲರ್ಸ್ ಸ್ಟುಡಿಯೋಸ್’ ಹೊಸ ಹೆಜ್ಜೆ – ದೇಸಿ ಕಲೆಗೆ ಹೊಸ ಘಮ

ಫ್ಯಾಶನ್ ಲೋಕದಲ್ಲಿ ಅತಿದೊಡ್ಡ ನೇಮ್ ಫೇಮ್ ಹೊಂದಿರುವ ಸಂಸ್ಥೆ ‘ಕ್ರೀಮ್ ಕಲರ್ಸ್ ಸ್ಟುಡಿಯೋಸ್’. ಈ ಕಂಪೆನಿ ಇಟ್ಟಿರುವ ಹೊಸ ಹೆಜ್ಜೆಯೊಂದು ಜನಮೆಚ್ಚುಗೆಗೆ ಪಾತ್ರವಾಗಿದೆ. ಕುಶಲ ಕಲೆ ಹಾಗೂ ಕುಶಲಕರ್ಮಿಗಳ ಉತ್ತೇಜನದ ದೃಷ್ಟಿಯನ್ನು ಪ್ರಧಾನವಾಗಿಟ್ಟುಕೊಂಡು ಹೊಸದಾದ ಸ್ಟುಡಿಯೋವೊಂದನ್ನು ಸಿಲಿಕಾನ್ ಸಿಟಿಯಲ್ಲಿ ಲೋಕಾರ್ಪಣೆ ಮಾಡಿದೆ.

ಕುಶಲಕರ್ಮಿಗಳಿಗೆಂದೇ ಪ್ರತ್ಯೇಕವಾಗಿ ನಿರ್ಮಾಣವಾದ ‘ಕ್ರೀಮ್ ಕಲರ್ಸ್ ಸ್ಟುಡಿಯೋಸ್’ ಹೊಸ ಶಾಖೆ ಇತ್ತೀಚೆಗೆ ಉದ್ಘಾಟನೆಯಾಗಿದೆ. ಯಾವ ಹೈಟೆಕ್ ಸ್ಟುಡಿಯೋಗೂ ಸಾಟಿಯಿಲ್ಲ ಎಂಬಂತೆ ಸ್ಟುಡಿಯೋ ನಿರ್ಮಾಣವಾಗಿದ್ದು, ಟಾಪ್ ಟು ಬಾಟಮ್ ಫ್ಯಾಶನ್, ಸ್ಟೈಲಿಂಗ್ ಸೇರಿದಂತೆ ಎಲ್ಲಾ ರೀತಿಯಲ್ಲೂ ಸುಸಜ್ಜಿತವಾಗಿದೆ. ಈ ಮೂಲಕ ಕುಶಲಕರ್ಮಿಗಳ ಹೊಸ ಹೊಸ ವಿನ್ಯಾಸಗಳನ್ನು ಫ್ಯಾಶನ್ ಲೋಕಕ್ಕೆ ಪರಿಚಯಿಸಿ ಸಾವಿರಾರು ಜನರ ಕುಲ ಕಸುಬಿಗೆ ಉಸಿರಾಗಲು, ಹೊಸ ಮಾರುಕಟ್ಟೆ ಕಲ್ಪಿಸುವ ಸಾಹಸಕ್ಕೆ ದಿಟ್ಟ ಹೆಜ್ಜೆ ಇಟ್ಟಿದೆ.

Cream Colours Studios Bengaluru

ಇದರ ಜೊತೆಗೆ ಫ್ಯಾಶನ್ ಜಗತ್ತಿನಲ್ಲಿ ಆಸಕ್ತಿ ಹೊಂದಿರುವ ವಿನ್ಯಾಸಕಾರರಿಗೆ ಈ ಸ್ಟುಡಿಯೋ ಮೂಲಕವೇ ತರಬೇತಿ ನೀಡುವ ಉದ್ದೇಶವನ್ನೂ ಸಂಸ್ಥೆ ಹೊಂದಿದೆ. ಅಷ್ಟೇ ಅಲ್ಲ ಫೋಟೋಗ್ರಫಿ, ವೀಡಿಯೋಗ್ರಫಿ ಸೇರಿದಂತೆ ಮುಂತಾದವುಗಳಿಗೆ ಬಾಡಿಗೆ ಕೊಡುವ ವ್ಯವಸ್ಥೆಯನ್ನೂ ಇಲ್ಲಿ ಕಲ್ಪಿಸಲಾಗಿದೆ.

Cream Colours Studios Bengaluru 3

ಸ್ಟುಡಿಯೋ ಉದ್ಘಾಟನೆಯ ದಿನದಂದೇ ಜರುಗಿದ ಫ್ಯಾಶನ್ ಶೋ ನೆರೆದಿದ್ದವರ ಕಣ್ಮನ ಕೋರೈಸಿದೆ. ಇದಕ್ಕೆ ಕಾರಣ ಕುಶಲಕರ್ಮಿಗಳ ಕೈಯಲ್ಲಿ ಅರಳಿದ ಎಂತಹ ಬ್ರ್ಯಾಂಡನ್ನೂ ನಾಚಿಸುವ ಜಗಮಗ ಕಾಸ್ಟ್ಯೂಮ್‌ಗಳು. ಪರಿಸರ ಸ್ನೇಹಿ ಹಿತದೃಷ್ಟಿ ಹೊಂದಿರುವ ಈ ಬಟ್ಟೆಗಳು ಫ್ಯಾಶನ್ ಶೋ ನಲ್ಲಿ ಎಲ್ಲರ ಹುಬ್ಬೇರುವಂತೆ ಮಾಡಿವೆ.

Cream Colours Studios Bengaluru 2

ಕಾರ್ಯಕ್ರಮದಲ್ಲಿ ಸಂಸ್ಥಾಪಕರಾದ ಅನಿಲ್ ಆನಂದ್, ಸಿನಿ ತಾರೆಯರಾದ ನಂದಕಿಶೋರ್, ಸಿಂಧು ಲೋಕನಾಥ್, ಸಂಗೀತ ರಾಜೀವ್, ಅರು ಗೌಡ, ಮನೋಹರ್ ಜೋಷಿ ಮುಂತಾದವರು ಪಾಲ್ಗೊಂಡಿದ್ದರು. ಅದ್ಧೂರಿಯಾಗಿ ನಡೆದ ಫ್ಯಾಶನ್ ಶೋ ಕಾರ್ಯಕ್ರಮಕ್ಕೆ ಮಾಡೆಲ್ಸ್‌ಗಳು ಹೆಜ್ಜೆ ಹಾಕುವ ಮೂಲಕ ರಂಗೇರಿಸಿದ್ದು, ನಟಿ ಸೋನು ಗೌಡ, ಭಾವನಾ ರಾವ್ ಮೊದಲಾದವರು ಕೂಡ ಭಾಗವಹಿಸಿದ್ದರು.

Related Articles

Leave a Reply

Your email address will not be published. Required fields are marked *