ಓಡೆನ್ ಸ್ಮಿತ್, ಬೇಬಿ ಎಬಿಡಿ ಹೊಡಿಬಡಿ ಆಟ – ತಲಾ ಆರಾರು ಎಸೆತ ಐದೈದು ಸಿಕ್ಸ್ 60 ರನ್
ಟ್ರೆನಿಡಾಡ್: ಕೆರಿಬಿಯನ್ ಪ್ರೀಮಿಯರ್ ಲೀಗ್‍ನಲ್ಲಿ (CPL 2022) ಬ್ಯಾಟ್ಸ್‌ಮ್ಯಾನ್‌ಗಳ ಅಬ್ಬರದಾಟ ಜೋರಾಗಿದೆ. ಬೇಬಿ ಎಬಿಡಿ ಖ್ಯಾತಿಯ ಡೆವಾಲ್ಡ್‌ ಬ್ರೆವಿಸ್ (Dewald Brevis) ನಿನ್ನೆ 6 ಎಸೆತಗಳಲ್ಲಿ 5 ಸಿಕ್ಸ್ ಸಹಿತ 30 ರನ್ ಚಚ್ಚಿದರೆ, ಮೊನ್ನೆ ಓಡೆನ್ ಸ್ಮಿತ್ (Odean Smith) 6 ಎಸೆತಗಳಲ್ಲಿ 5 ಸಿಕ್ಸ್ ಸಹಿತ 30 ರನ್ ಬಾರಿಸಿ ಮಿಂಚಿದರು.
ಸೇಂಟ್ ಕಿಟ್ಸ್ & ನೆವಿಸ್ ಪೆಟ್ರಿಯೋಸ್ ಮತ್ತು ಟ್ರಿನ್‍ಬಾಗೊ ನೈಟ್ ರೈಡರ್ಸ್ ನಡುವಿನ ಪಂದ್ಯದಲ್ಲಿ ಸೇಂಟ್ ಕಿಟ್ಸ್ & ನೆವಿಸ್ ಪೆಟ್ರಿಯೋಸ್ ಪರ ಆಡಿದ ಡೆವಾಲ್ಡ್‌ ಬ್ರೆವಿಸ್ಸ್ 6 ಎಸೆತಗಳಲ್ಲಿ 5 ಸಿಕ್ಸ್ ಸಹಿತ 30 ರನ್ ಚಚ್ಚಿದರು. ಜೊತೆಗೆ 500 ಸ್ಟ್ರೈಕ್ ರೇಟ್‍ನಲ್ಲಿ ಬ್ಯಾಟ್‍ಬೀಸಿದರು. ಇದರ ಫಲವಾಗಿ ಸೇಂಟ್ ಕಿಟ್ಸ್ & ನೆವಿಸ್ ಪೆಟ್ರಿಯೋಸ್ 7 ರನ್‍ಗಳ ಜಯ ಸಾಧಿಸಿತು. ಇದನ್ನೂ ಓದಿ: 2022ರಲ್ಲಿ ಭಾರತ ಆಡಿದ್ದು 27 ಟಿ20 ಪಂದ್ಯ – ಬುಮ್ರಾ ಆಡಿದ್ದು ಬರೀ 3 ಪಂದ್ಯ!
Dewald Brevis 5 sixes in a row
30*(6) 🔥🔥🔥 pic.twitter.com/faGyEvD84z— ° (@anubhav__tweets) September 22, 2022
ಮೊನ್ನೆ ನಡೆದ ಗಯಾನಾ ಅಮೆಜಾನ್ ವಾರಿಯರ್ಸ್ ಮತ್ತು ಜಮೈಕಾ ತಲ್ಲವಾಸ್ ನಡುವಿನ ಪಂದ್ಯದಲ್ಲಿ ಗಯಾನಾ ಅಮೆಜಾನ್ ವಾರಿಯರ್ಸ್ ಪರ ಓಡೆನ್ ಸ್ಮಿತ್ ಅಬ್ಬರಿಸಿದರು 6 ಎಸೆತಗಳಲ್ಲಿ 5 ಸಿಕ್ಸ್ ಸಹಿತ 30 ರನ್ ಕಸಿದರು. ಅಂತಿಮವಾಗಿ 42 ರನ್ (16 ಎಸೆತ, 6 ಸಿಕ್ಸ್) ಬಾರಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಇದನ್ನೂ ಓದಿ: IND Vs AUS ಟಿ20 ಸರಣಿಗೆ ಬೂಮ್ರಾ ವಾಪಸ್ – ಸರಣಿ ಉಳಿಸಿಕೊಳ್ಳುವ ತವಕದಲ್ಲಿ ರೋಹಿತ್ ಬಳಗ
Odean Smith smashed 5 Sixes in an over in CPL – Incredible Hitting.pic.twitter.com/Bzuqua2Acq
— CricketMAN2 (@ImTanujSingh) September 22, 2022
ಡೆವಾಲ್ಡ್‌ ಬ್ರೆವಿಸ್ ದಕ್ಷಿಣ ಆಫ್ರಿಕಾದ ಕ್ರಿಕೆಟಿಗರಾದರೆ, ಸ್ಮಿತ್ ವೆಸ್ಟ್ ಇಂಡೀಸ್ ಆಟಗಾರ ಅಲ್ಲದೇ ಸ್ಮಿತ್ ಮುಂದಿನ ಅಕ್ಟೋಬರ್, ನವೆಂಬರ್‌ನಲ್ಲಿ ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್‍ನಲ್ಲಿ (T20 World Cup) ವೆಸ್ಟ್ ಇಂಡೀಸ್ ಪರ ಆಡಲಿದ್ದಾರೆ. 19 ವರ್ಷದ ಯುವ ಆಟಗಾರ ಬ್ರೆವಿಸ್ ಆಫ್ರಿಕಾ ಟಿ20 ತಂಡದಲ್ಲಿ ಸ್ಥಾನ ಪಡೆಯಲು ವಿಫಲರಾಗಿದ್ದು, ಮುಂದಿನ ಭವಿಷ್ಯದ ಸ್ಟಾರ್‌ ಆಟಗಾರನಾಗುವ ಸೂಚನೆ ನೀಡಿದ್ದಾರೆ.
Live Tv
