ನೀರು ಕುಡಿದು ನಲ್ಲಿ ಬಂದ್ ಮಾಡುವ ಹಸು-ವಿಡಿಯೋ ನೋಡಿ

ಬೀದರ್: ಹಸುವೊಂದು ನೀರು ಕುಡಿದು ನಲ್ಲಿಯನ್ನು ಬಂದ್ ಮಾಡಿದೆ. ನಗರದ ಉಸ್ಮಾನಗಂಜ್ ಮಾರುಕಟ್ಟೆಯಲ್ಲಿ ನೀರು ಕುಡಿದ ಹಸು ಕೊನೆಗೆ ನಲ್ಲಿ ಬಂದ್ ಮಾಡುವ ಮೂಲಕ ಸ್ಥಳೀಯರ ಅಚ್ಚರಿಗೆ ಕಾರಣವಾಗಿದೆ.

ನಮ್ಮ ಅಂಗಡಿಯ ಎದುರಿನ ನೀರಿನ ತೊಟ್ಟಿಯ ನಲ್ಲಿಯನ್ನು ತಿರುಗಿಸಿ ಹಸು ನೀರು ಕುಡಿದು ಹೋಗುತ್ತದೆ. ಕಳೆದ ಕೆಲವು ದಿನಗಳಿಂದ ಈ ಹಸು ಮಾತ್ರ ಪ್ರತಿದಿನ ಬೆಳಗ್ಗೆ ಮತ್ತು ಸಂಜೆ ನೀರು ಕುಡಿದು ಹೋಗುತ್ತದೆ. ಮೂಕಪ್ರಾಣಿಯಾದರೂ ನೀರನ್ನು ವ್ಯರ್ಥ ಮಾಡುತ್ತಿಲ್ಲ. ಫೆಬ್ರವರಿಯಿಂದಲೇ ನಮ್ಮಲ್ಲಿ ಕುಡಿಯಲು ನೀರು ಸಿಗುತ್ತಿಲ್ಲ. ನೀರನ್ನು ಉಳಿಸಿ ಎಂದು ಹಸು ಸಮಾಜಕ್ಕೆ ಹೇಳುತ್ತಿದೆ. ಅನಾವಶ್ಯಕವಾಗಿ ನೀರು ವ್ಯರ್ಥ ಮಾಡೋದನ್ನು ನಾವೆಲ್ಲರೂ ನಿಲ್ಲಿಸಬೇಕಿದೆ ಎಂದು ಸ್ಥಳೀಯ ನಿವಾಸಿ ಸಂತೋಷ್ ಕುಮಾರ್ ಹೇಳುತ್ತಾರೆ.

ಬೇಸಿಗೆ ಆರಂಭವಾಗುತ್ತಿದ್ದಂತೆ ಬೀದರ್ ಸೇರಿದಂತೆ ಬಹುತೇಕ ಜಿಲ್ಲೆಗಳಲ್ಲಿ ಹನಿ ನೀರಿಗೂ ಹಾಹಾಕಾರ ಆರಂಭವಾಗುತ್ತದೆ. ಅಂತಹದರಲ್ಲಿ ಕೆಲವರು ನೀರನ್ನು ಮಾತ್ರ ಪೋಲು ಮಾಡೋದನ್ನು ಮಾತ್ರ ನಿಲ್ಲಿಸಲ್ಲ. ಮೂಕ ಪ್ರಾಣಿಯೊಂದು ನಲ್ಲಿಯನ್ನು ಬಂದ್ ಮಾಡುವ ಮೂಲಕ ನೀರನ್ನು ವ್ಯರ್ಥ ಮಾಡದ್ರಿ ಎಂಬ ಸಂದೇಶವನ್ನು ಸಮಾಜಕ್ಕೆ ನೀಡುತ್ತಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv