ತಿರುವನಂತನಪುರಂ: ಇತ್ತೀಚಿನ ದಿನಗಳಲ್ಲಿ ಮದುವೆಗೂ ಮುನ್ನ ಜೋಡಿಗಳು ಪ್ರಿ-ವೆಡ್ಡಿಂಗ್ ಫೋಟೋಶೂಟ್ ಮಾಡಿಸುವುದು ಟ್ರೆಂಡ್ ಆಗಿದೆ. ಅದೇ ರೀತಿ ಕೇರಳದ ಜೋಡಿ ಫೋಟೋಶೂಟ್ ಮಾಡಿಸುವಾಗ ದೋಣಿ ಮಗುಚಿದ್ದು, ಜೋಡಿ ನದಿಗೆ ಬಿದ್ದಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ತಿಜಿನ್ ಥಂಕಚೆನ್ ಮತ್ತು ಶಿಲ್ಪ ನವ ಜೋಡಿಯ ವಿಡಿಯೋ ವೈರಲ್ ಆಗುತ್ತಿದೆ. ಕೇರಳದ ತಿರವಲ್ಲಾ ನಿವಾಸಿ ತಿಜಿನ್ ಥಂಕಚೆನ್ ಮತ್ತು ಚಂಗನಾಚೆರ್ರಿಯ ಶಿಲ್ಪಾ ಇವರಿಬ್ಬರ ಮದುವೆ ಮುಂದಿನ ತಿಂಗಳು ಮೇ 6 ರಂದು ನಡೆಯಲಿದೆ. ಇದನ್ನೂ ಓದಿ: ವೆಡ್ಡಿಂಗ್ ಫೋಟೋಶೂಟ್ ವೇಳೆ ಬೋಟ್ ಪಲ್ಟಿ – ವೀಡಿಯೋ ವೈರಲಾಯ್ತು!
Advertisement
Advertisement
ಫೋಟೋಶೂಟ್:
ತಿಜಿನ್ ಮತ್ತು ಶಿಲ್ಪಾ ಅವರು ಮದುವೆಗೂ ಮುನ್ನ ಪ್ರಿ-ವೆಡ್ಡಿಂಗ್ ಫೋಟೋಶೂಟ್ ಮಾಡಿಸಲೆಂದು ಪಟ್ಟಣಂತಿಟ್ಟ ಜಿಲ್ಲೆಯ ಕಡಮ್ಮನಿಟ್ಟಾದಲ್ಲಿ ಪಂಬಾ ನದಿಯ ದಂಡೆಯ ಬಳಿಗೆ ಹೋಗಿದ್ದರು. ಅಲ್ಲಿ ನದಿಯ ಮಧ್ಯೆದಲ್ಲಿ ಒಂದು ದೋಣಿಯಲ್ಲಿ ಇಬ್ಬರು ಪಕ್ಕಪಕ್ಕದಲ್ಲಿ ಕುಳಿತಿದ್ದರು. ಆ ದೋಣಿ ಸುತ್ತಲೂ ಮೂವರು ನಿಂತಿದ್ದರು. ತಿಜಿನ್ ಒಂದು ಬಾಳೆ ಎಲೆಯನ್ನು ತನಗೆ ಮತ್ತು ಹುಡುಗಿ ಶಿಲ್ಪಾಗೆ ಸೇರಿದಂತೆ ತಲೆ ಮೇಲೆ ಹಿಡಿದಿದ್ದರು.
Advertisement
ಆಗ ಫೋಟೋಗ್ರಾಫರ್ ಪೋಸ್ ಕೊಡುವಂತೆ ಹೇಳಿದ್ದಾರೆ. ತಿಜಿನ್ ಬಾಳೆ ಎಲೆ ಹಿಡಿದು ಇಬ್ಬರು ಒಬ್ಬೊಬ್ಬರನ್ನು ನೋಡುತ್ತಿರುತ್ತಾರೆ. ದೋಣಿ ಬಳಿ ನಿಂತಿದ್ದ ಮೂವರು ಮಳೆ ಬಂದಂತೆ ನದಿಯಿಂದ ನೀರನ್ನು ಎರಚಿದ್ದಾರೆ. ಆದರೆ ಇದೇ ವೇಳೆ ತಿಜಿನ್ ಮುತ್ತು ಕೊಡಲು ಶಿಲ್ಪಾ ಕಡೆಗೆ ಹೋಗಿದ್ದಾರೆ. ಆಗ ಬೋಟ್ ಸಮತೋಲನ ಕಳೆದುಕೊಂಡು ನದಿಗೆ ಇಬ್ಬರು ಬಿದ್ದಿದ್ದಾರೆ.
Advertisement
ನದಿಗೆ ಬಿದ್ದ ದಂಪತಿ ಇದನ್ನು ತಮಾಷೆಯಾಗಿ ತೆಗೆದುಕೊಂಡು ನಕ್ಕಿದ್ದಾರೆ. ಈ ಘಟನೆಯಿಂದ ಯಾವುದೇ ಅಪಾಯವಾಗಿಲ್ಲ ಎಂದು ಫೋಟೋಗ್ರಾಫರ್ ತಿಳಿಸಿದ್ದಾರೆ. ದಂಪತಿಯ ವಿಡಿಯೋವನ್ನು ‘Weddplanner Wedding Studio’ ಎಂಬ ಫೇಸ್‍ಬುಕ್‍ ಪೇಜ್ ನಲ್ಲಿ ಅಪ್ಲೋಡ್ ಮಾಡಲಾಗಿದೆ. ಇದೀಗ ಈ ವಿಡಿಯೋ ವೈರಲ್ ಆಗಿದ್ದು, ಇದುವರೆಗೂ 2.41ಲಕ್ಷ ವೀವ್ಸ್ ಆಗಿದೆ.
https://www.facebook.com/WeddplannerWeddingStudio/videos/1596808883782488/
