ಕೊರೊನಾ ವೈರಸ್‍ನಿಂದ ಆರ್ಥಿಕವಾಗಿ ಬಿಗ್‍ಲಾಸ್ – ಯಾವ ಕ್ಷೇತ್ರಕ್ಕೆ ಎಷ್ಟು ನಷ್ಟ?

Public TV
2 Min Read
Money Market

ಬೆಂಗಳೂರು: ಕೊರೊನಾ ವೈರಸ್ ಬರಿ ಆರೋಗ್ಯದ ಮೇಲೆ ಪ್ರಭಾವ ಬೀರುತ್ತಿಲ್ಲ. ದೊಡ್ಡ ದೊಡ್ಡ ಉದ್ಯಮ, ವ್ಯಾಪಾರ-ವ್ಯವಹಾರಗಳಿಗೆ ಭಾರೀ ನಷ್ಟವಾಗಿದೆ. ಕೊರೊನಾ ರಣಕೇಕೆಗೆ ರೈತರಿಂದ ಹಿಡಿದು ದೊಡ್ಡ ದೊಡ್ಡ ಉದ್ಯಮಿಗಳೇ ಆರ್ಥಿಕವಾಗಿ ಭಾರೀ ನಷ್ಟ ಅನುಭವಿಸುತ್ತಿದ್ದಾರೆ.

ವಿಶ್ವಾದ್ಯಂತ ಹಬ್ಬಿರುವ ಕೊರೊನಾದಿಂದ ಉಂಟಾಗಿರೋ ನಷ್ಟ ಅಂದಾಜಿಸಲೂ ಕೂಡ ಸಾಧ್ಯವಾಗುತ್ತಿಲ್ಲ. ಭಾರತದಲ್ಲಿ ಪ್ರವಾಸೋದ್ಯಮ, ಹೋಟೆಲ್ ಉದ್ಯಮ, ಚಿಲ್ಲರೆ ವ್ಯಾಪಾರ, ರಿಯಲ್ ಎಸ್ಟೇಟ್ ಉದ್ಯಮ, ಮನೋರಂಜನೆ ಸೇರಿದಂತೆ ಹಲವು ಕ್ಷೇತ್ರಗಳ ಮೇಲೆ ಭಾರೀ ಪರಿಣಾಮ ಬೀರಿದೆ.

mdk tourism 4

ಯಾವ ಯಾವ ಕ್ಷೇತ್ರದ ಮೇಲೆ ಹೇಗೆ ದುಷ್ಪರಿಣಾಮ:

* ಪ್ರವಾಸೋದ್ಯಮ: ಕೊರೊನಾ ವೈರಸ್‍ನಿಂದ ಎಲ್ಲಾ ಪ್ರವಾಸಿ ಸ್ಥಳಗಳಿಗೆ ಜನರ ಪ್ರದೇಶವನ್ನು ನಿಷೇಧಿಸಲಾಗಿದೆ. ಹೀಗಾಗಿ ಪ್ರವಾಸೋದ್ಯಮದಲ್ಲಿ ಅಂದಾಜು 11,400 ಕೋಟಿ ರೂ. ನಷ್ಟ ಉಂಟಾಗಲಿದೆ. ಅಲ್ಲದೆ ಪ್ರವಾಸೋದ್ಯಮದ 12 ಲಕ್ಷ ಉದ್ಯೋಗಿಗಳ ಕೆಲಸಕ್ಕೆ ಸಮಸ್ಯೆಯಾಗಿದೆ.

* ರೆಸ್ಟೋರೆಂಟ್: ಹೋಟೆಲ್, ರೆಸ್ಟೋರೆಂಟ್‍ಗೆ ದೇಶ-ವಿದೇಶದಿಂದ ಜನರು ಬರುತ್ತಾರೆ ಎಂದು ಮುಂಜಾಗ್ರತಾ ಕ್ರಮವಾಗಿ ರೆಸ್ಟೋರೆಂಟ್ ಮುಚ್ಚಲಾಗಿದೆ. ಹೀಗಾಗಿ ಶೇ 15 ರಿಂದ 20ರಷ್ಟು ಉದ್ಯೋಗ ನಷ್ಟವಾಗಿದ್ದು, ಈ ಕ್ಷೇತ್ರದಲ್ಲಿ ಸುಮಾರು 73 ಲಕ್ಷ ಉದ್ಯೋಗಿಗಳು ಕೆಲಸ ಮಾಡುತ್ತಿದ್ದರು ಎಂದು ಅಂದಾಜಿಸಲಾಗಿದೆ.

* ವಿಮಾನಯಾನ: ಕೊರೊನಾ ವೈರಸ್ ಕಡಿಮೆಯಾಗುವವರೆಗೂ ವಿಮಾನ ಸಂಚಾರವನ್ನು ರದ್ದು ಮಾಡಲಾಗಿದೆ. ಆದ್ದರಿಂದ 150ಕ್ಕೂ ಹೆಚ್ಚು ವಿಮಾನಗಳು ಸ್ತಬ್ಧವಾಗಿದೆ. ಇದರಿಂದ ಸುಮಾರು 4200 ಕೋಟಿ ರೂ.ನಷ್ಟ ಉಂಟಾಗಿರುವ ಸಂಭವ ಇದೆ. ಅಲ್ಲದೇ ಉದ್ಯೋಗಿಗಳ ವೇತನದಲ್ಲಿ ಶೇ.20ರಷ್ಟು ಕಡಿತವಾಗಿದೆ ಎಂದು ಅಂದಾಜಿಸಲಾಗಿದೆ.

money main

* ಜವಳಿ: ಕೊರೊನಾ ಭಯದಿಂದ ಜನರು ಮನೆಯಿಂದ  ಹೊರಗಡೆ ಬರುತ್ತಿಲ್ಲ. ಹೀಗಾಗಿ ಜವಳಿ ಉದ್ಯಮ ನೆಲಕಚ್ಚಿದೆ. ಸುಮಾರು 11 ಲಕ್ಷ ನೌಕರರ ಕೆಲಸಕ್ಕೆ ಸಮಸ್ಯೆಯಾಗಿದೆ. ಈ ಕ್ಷೇತ್ರದಲ್ಲಿ ಒಟ್ಟು 46 ಲಕ್ಷ ಉದ್ಯೋಗದಲ್ಲಿದ್ದರು ಎಂದು ಅಂದಾಜಿಸಲಾಗಿದೆ.

* ರಿಯಲ್ ಎಸ್ಟೇಟ್: ಶೇ. 35 ರಷ್ಟು ರಿಯಲ್ ಎಸ್ಟೇಟ್ ವ್ಯಾಪಾರ ಕುಸಿತವಾಗಿದ್ದು, ಶೇ. 20 ರಷ್ಟು ಉದ್ಯೋಗ ನಷ್ಟವಾಗಿದೆ ಎಂದು ಅಂದಾಜಿಸಲಾಗಿದೆ.

* ಸಿನಿಮಾ: ಕೊರೊನಾದಿಂದ ಸಿನಿಮಾ, ಸೀರಿಯಲ್ ಚಿತ್ರೀಕರಣವನ್ನು ಕ್ಯಾನ್ಸಲ್ ಮಾಡಲಾಗಿದೆ. ಹೀಗಾಗಿ ಫ್ರೀ ಲಾನ್ಸ್, ಮತ್ತು ಕಂಟ್ರಾಕ್ಟ್ ನೌಕರರಿಗೆ ಕೆಲಸವೇ ಇಲ್ಲದಂತಾಗಿದೆ. ಸಿನಿಮಾ ಶೂಟಿಂಗ್ ರದ್ದಾದ ಪರಿಣಾಮ ಕೋಟಿ ಕೋಟಿ ನಷ್ಟವಾಗಿದೆ ಎಂದು ಹೇಳಲಾಗುತ್ತಿದೆ.

* ಟ್ರಾವೆಲ್ಸ್, ಟ್ಯಾಕ್ಸಿ: ಜನರು ಕೊರೊನಾ ಭಯದಿಂದ ಓಡಾಡುವುದನ್ನೇ ಕಡಿಮೆ ಮಾಡಿದ್ದಾರೆ. ಹೀಗಾಗಿ ಶೇ 40 ರಿಂದ 50 ರಷ್ಟು ನಷ್ಟ ಉಂಟಾಗಿರಬಹದು. ಇದರಿಂದ ಚಾಲಕರ ಸಂಭಾವನೆ ಕೂಡ ಕಡಿತವಾಗಿದೆ.

Share This Article
Leave a Comment

Leave a Reply

Your email address will not be published. Required fields are marked *