ಮಳೆಯಲ್ಲಿ ಏನಾದರೂ ಚಾಟ್ಸ್ ತಿನ್ನಬೇಕು ಎಂದು ಅನಿಸುತ್ತೆ. ಹೊರಗಡೆ ಹೋಗಬೇಕು ಎಂದರೆ ಮಳೆ ಬರುತ್ತಿರುತ್ತೆ. ಅದಕ್ಕೆ ನೀವು ಮನೆಯಲ್ಲಿಯೇ ಕುಳಿತು ನಿಮ್ಮ ಬಳಿಯಲ್ಲಿ ಇರುವ ಸಾಮಾಗ್ರಿಗಳನ್ನು ಬಳಸಿಕೊಂಡು ಹೇಗೆ ಸಿಂಪಲ್ ಮತ್ತು ರುಚಿಕರವಾದ ‘ಮಸಾಲಾ ಕಾರ್ನ್ ಚಾಟ್’ ಮಾಡುವುದು ಎಂದು ಇಲ್ಲಿ ಹೇಳಿಕೊಡುತ್ತಿದ್ದೇವೆ.
ಬೇಕಾಗುವ ಪದರ್ಥಾಗಳು:
* ಸ್ವೀಟ್ ಕಾರ್ನ್ – 1 ಕಪ್
* ತುಪ್ಪ – ಅರ್ಧ ಟೀಸ್ಪೂನ್
* ಉಪ್ಪು – ಅರ್ಧ ಟೀಸ್ಪೂನ್
* ಕೆಂಪು ಮೆಣಸಿನ ಪುಡಿ – 1 ಟೀಸ್ಪೂನ್
* ಕಾಳುಮೆಣಸಿನ ಪುಡಿ – 1 ಚಿಟಿಕೆ
* ಕಟ್ ಮಾಡಿದ ಟೊಮೆಟೊ – 1 ಕಪ್
* ತುರಿದ ಕ್ಯಾರೆಟ್ – 2 ಟೀಸ್ಪೂನ್
* ಕಟ್ ಮಾಡಿದ ಈರುಳ್ಳಿ – 2 ಟೀಸ್ಪೂನ್
* ಸೆವ್ – 2 ಟೀಸ್ಪೂನ್
* ಕಟ್ ಮಾಡಿದ ಕೊತ್ತಂಬರಿ ಸೊಪ್ಪು – ಅರ್ಧ ಕಪ್
ಮಾಡುವ ವಿಧಾನ:
* ಬಾಣಲೆಯಲ್ಲಿ ಬೆಣ್ಣೆ ಅಥವಾ ತುಪ್ಪ ಹಾಕಿ ಬಿಸಿ ಮಾಡಿ. ಅದಕ್ಕೆ ಸ್ವೀಟ್ ಕಾರ್ನ್ 2 ಕಪ್ ನೀರು ಮತ್ತು 1 ಟೀಸ್ಪೂನ್ ಉಪ್ಪು ಹಾಕಿ ಬೇಯಿಸಿಕೊಳ್ಳಿ. ತಣ್ಣಗಾಗಲು ಬಿಡಿ.
* ನಂತರ ಅದಕ್ಕೆ ನಿಂಬೆ ರಸವನ್ನು ಹಿಂಡಿ ಮತ್ತು ಮಿಶ್ರಣ ಮಾಡಿ.
* ಸರ್ವಿಂಗ್ ಪ್ಲೇಟ್‍ಗೆ ಕಾರ್ನ್ ಹಾಕಿ ಅದಕ್ಕೆ ಟೊಮಾಟೊ, ಈರುಳ್ಳಿ, ತುರಿದ ಕ್ಯಾರೆಟ್ ಸೇರಿಸಿ ಮತ್ತು ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಹಾಕಿ ಮಿಕ್ಸ್ ಮಾಡಿ.
* ಕಾರ್ನ್ ಮಸಾಲಾಗೆ ಕೊನೆಯಲ್ಲಿ ಸೇವ್ ಹಾಕಿ ಅಲಂಕರಿಸಿ.
– ಈಗ ಬಾಯಲ್ಲಿ ನೀರೂರಿಸುವ ಮಸಾಲಾ ಕಾರ್ನ್ ಚಾಟ್ ಬಡಿಸಲು ಸಿದ್ಧವಾಗಿದೆ.
Live Tv
[brid partner=56869869 player=32851 video=960834 autoplay=true]
