ಶಾರೂಕ್ ಬರ್ತ್ ಡೇ ಪಾರ್ಟಿಯನ್ನು ತಡೆದ ಪೊಲೀಸರು

Public TV
1 Min Read
shahrukh khan party collage

ಮುಂಬೈ: ಬಾಲಿವುಡ್ ಬಾದ್‍ಶಾ ಶಾರೂಕ್ ಖಾನ್ ಶುಕ್ರವಾರ ತಮ್ಮ 53ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು. ಅಲ್ಲದೇ ಶುಕ್ರವಾರ ರಾತ್ರಿ ಸ್ನೇಹಿರಿಗೆ ಪಾರ್ಟಿ ನೀಡಿದರು. ಆದರೆ ಶಾರೂಕ್ ಅವರ ಪಾರ್ಟಿಯನ್ನು ಪೊಲೀಸರು ತಡೆದಿದ್ದಾರೆ.

ಶಾರೂಕ್ ಮುಂಬೈನ್ ಬಾಂದ್ರಾದಲ್ಲಿರುವ ‘ಅರ್ತ್’ ನೈಟ್‍ಕ್ಲಬ್‍ನಲ್ಲಿ ತನ್ನ ಸ್ನೇಹಿತರಿಗೆ ಲೇಟ್‍ನೈಟ್ ಪಾರ್ಟಿ ಆಯೋಜಿಸಿದ್ದರು. ಮುಂಬೈನ ರೆಸ್ಟೋರೆಂಟ್‍ಗಳು ಶುಕ್ರವಾರ ನಸುಕಿನ ಜಾವದವರೆಗೂ ತೆರೆದಿರುವುದಿಲ್ಲ. ಆದರೆ ಶಾರೂಕ್ ಹುಟ್ಟುಹಬ್ಬಕ್ಕಾಗಿ ಅರ್ತ್ ಕ್ಲಬ್ ನಸುಕಿನ ಜಾವ 3 ಗಂಟೆವರೆಗೂ ತೆರೆದಿತ್ತು ಹಾಗೂ ಜೋರಾಗಿ ಮ್ಯೂಸಿಕ್ ಹಾಕಲಾಗಿತ್ತು.

shahrukh khan party 2

ಈ ವಿಚಾರ ತಿಳಿದು ಮುಂಬೈ ಪೊಲೀಸರು ರೆಸ್ಟೋರೆಂಟ್‍ಗೆ ಭೇಟಿ ನೀಡಿ ಮ್ಯೂಸಿಕ್ ಆಫ್ ಮಾಡಿಸಿದ್ದಾರೆ. ಪೊಲೀಸರು ರೆಸ್ಟೋರೆಂಟ್‍ಗೆ ಹೋಗಿದ್ದಾಗ ಶಾರೂಕ್ ತನ್ನ ಸ್ನೇಹಿತರ ಜೊತೆ ನೈಟ್‍ಕ್ಲಬ್‍ನಿಂದ ಹೊರಬರುತ್ತಿದ್ದರು. ಪೊಲೀಸರು ರೆಸ್ಟೋರೆಂಟ್ ಹೋಗಿ ಎಚ್ಚರಿಕೆ ಕೊಡುವ ಮೊದಲೇ ಕೆಲ ತಾರೆಯರು ಅಲ್ಲಿಂದ ಹೊರಟು ಹೋಗಿದ್ದರು.

ಸಾಮಾನ್ಯ ಜನರಿಗಾಗಿ ಕ್ಲಬ್ 1 ಗಂಟೆಯವರೆಗೂ ತೆರೆದಿರುತ್ತದೆ. ಆದರೆ ಶಾರೂಕ್ ಹುಟ್ಟುಹಬ್ಬಕ್ಕಾಗಿ ತಮ್ಮ ಸ್ನೇಹಿತರನ್ನು ಪಾರ್ಟಿಗೆ ಆಹ್ವಾನಿಸಿದ ಕಾರಣ ಶುಕ್ರವಾರ ರಾತ್ರಿ ಕ್ಲಬ್‍ಗೆ ಸಾರ್ವಜನಿಕರ ಪ್ರವೇಶಕ್ಕೆ ಅನುಮತಿ ನೀಡಿರಲಿಲ್ಲ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

Share This Article
Leave a Comment

Leave a Reply

Your email address will not be published. Required fields are marked *