ಬೆಂಗಳೂರು: ಕೈದಿಯೊಬ್ಬ ಜೈಲಿನಲ್ಲೇ ಕುಳಿತುಕೊಂಡು ಹೊರಗಿನವರನ್ನು ಬೆದರಿಸಿ ರೊಲ್ ಕಾಲ್ ಮಾಡುತ್ತಿರುವ ಪ್ರಕರಣವೊಂದು ಬೆಳಕಿಗೆ ಬಂದಿದೆ.
ಕೊಲೆ ಕೇಸ್ ಒಂದರಲ್ಲಿ ಭಾಗಿಯಾಗಿ ಜೈಲು ಸೇರಿದ್ದ ರವಿ ಅಲಿಯಾಸ್ ಗುಂಡ ಎಂಬಾತ ಜೈಲಿನಲ್ಲಿ ಇದ್ದುಕೊಂಡೆ ಬೆದರಿಸುತ್ತಿರುವ ವಿಚಾರ ಬಯಲಾಗಿದೆ.
Advertisement
ಬೆಳಕಿಗೆ ಬಂದಿದ್ದು ಹೇಗೆ?: ಗುರುವಾರ ತಡ ರಾತ್ರಿ 12-30ರ ಸುಮಾರಿನಲ್ಲಿ ಬೆಂಗಳೂರಿನ ವಿಜಯನಗರದ ನಗರದ ಅಮರಜ್ಯೋತಿನಗರದಲ್ಲಿ ರವಿ ಸಹಚರರು ಉದ್ಯಮಿಯೊಬ್ಬರ ಬಳಿ 50 ಸಾವಿರ ರೂ. ಹಣ ವಸೂಲಿ ಮಾಡಲು ತೆರಳಿದ್ದರು. ಈ ವೇಳೆ ಉದ್ಯಮಿ ಹಣ ನೀಡಲು ನಿರಾಕರಿಸಿದ್ದಕ್ಕೆ ಉದ್ಯಮಿಗೆ ಜೀವ ಬೆದರಿಕೆ ಹಾಕಿ ಮನೆ ಮುಂದೆ ನಿಲ್ಲಿಸಿದ ಕಾರುಗಳ ಗ್ಲಾಸ್ ಪುಡಿ ಪುಡಿಗೈದಿದ್ದಾರೆ. ಈ ಬಗ್ಗೆ ವಿಜಯನಗರ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿಕೊಂಡಿದ್ದು ಆರೋಪಿಗಳ ಪತ್ತೆಗೆ ಬಲೇ ಬೀಸಿದ್ದರು.
Advertisement
ಇದೀಗ ರವಿ ಅಲಿಯಾಸ್ ಗುಂಡ ಸಹಚರರಾದ ನವೀನ್, ಗುರು, ಆಕಾಶ್ ಹಾಗೂ ಕಿರಣ್ ಎಂಬ ನಾಲ್ವರನ್ನು ಬಂಧಿಸುವಲ್ಲಿ ವಿಜಯನಗರ ಪೊಲೀಸರು ಯಶಸ್ವಿಯಾಗಿದ್ದಾರೆ. ಈ ನಾಲ್ವರನ್ನು ವಿಚಾರಣೆ ನಡೆಸಿದಾಗ ರವಿ ಜೈಲಿನಲ್ಲಿದುಕೊಂಡೇ ಈ ಹುಡುಗರ ಮೂಲಕ ರೋಲ್ ಕಾಲ್ ಮಾಡುತ್ತಿರೋ ವಿಚಾರ ಬೆಳಕಿಗೆ ಬಂದಿದೆ.
Advertisement
https://www.youtube.com/watch?v=nOvPZp82cJ8&feature=youtu.be
Advertisement
