ಶಿವಮೊಗ್ಗ: ಸಾಹಿತಿಯೊಬ್ಬರು ಸಚಿವ ಕಾಗೋಡು ತಿಮ್ಮಪ್ಪ ಅವರಿಗೆ ಸಾಮಾಜಿಕ ಜಾಲತಾಣ ಫೇಸ್ಬುಕ್ ನಲ್ಲಿ ಅವಹೇಳನ ಮಾಡಿರೋ ಘಟನೆ ಜಿಲ್ಲೆಯಲ್ಲಿ ನಡೆದಿದೆ.
ಸಾಹಿತಿ ಟಿ ಕೆ ದಯಾನಂದ ವಿರುದ್ಧ ಸಾಗರ ತಾಲೂಕು ಆರ್ಯ ಈಡಿಗ ಯುವ ವೇದಿಕೆ ದೂರು ನೀಡಿದೆ.
ಏನಿದು ಪ್ರಕರಣ?: ಭೂಮಿ ಮತ್ತು ವಸತಿ ರಹಿತರ ಒಕ್ಕೂಟ ಬೆಂಗಳೂರಿನ ಫ್ರೀಡಂ ಪಾರ್ಕಿನಲ್ಲಿ ನಡೆಸುತ್ತಿರುವ ಧರಣಿ ಸ್ಥಳಕ್ಕೆ ಕಾಗೋಡು ಇತ್ತೀಚೆಗೆ ಭೇಟಿ ನೀಡಿದ್ದರು.
ಈ ವೇಳೆ ಸಚಿವರು ಅಲ್ಲಿ ಭಾಷಣ ಮಾಡಿದ್ದರ ಕುರಿತು ದಯಾನಂದ ತನ್ನ ಫೇಸ್ಬುಕ್‍ನಲ್ಲಿ ಕಮೆಂಟ್ ಮಾಡಿದ್ದರು. ಈ ಕಮೆಂಟ್ ನಿಂದ ಮುನಿಸಿಕೊಂಡ ಸಾಗರ ತಾಲೂಕು ಆರ್ಯ ಈಡಿಗ ಯುವ ವೇದಿಕೆಯ ಗಿರೀಶ್, ಕನ್ನಪ್ಪ ದಯಾನಂದ ವಿರುದ್ಧ ಸಾಗರ ನಗರ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
