ಬೀಜಿಂಗ್: ಮಹಿಳಾ ಉದ್ಯೋಗಿಗಳು ಒಬ್ಬರಿಗೊಬ್ಬರು ಕಪಾಳಕ್ಕೆ ಹೊಡೆಯುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡ್ತಿದೆ.
ಇವರೆಲ್ಲರೂ ಚೀನಾದ ನಾಂಚಂಗ್ ಜಿನ್‍ಹುವಾಯಾನ್ ಮೈಯೇ ಎಂಬ ಸೌಂದರ್ಯವರ್ಧಕಗಳ ಸಂಸ್ಥೆಯಲ್ಲಿ ಕೆಲಸ ಮಾಡೋ ಉದ್ಯೋಗಿಗಳಾಗಿದ್ದು, ಈ ವರ್ಷ ಕಳಪೆ ಪ್ರದರ್ಶನ ತೋರಿದ್ದಾರೆ ಎನ್ನಲಾಗಿದೆ. ಹೀಗಾಗಿ ಇವರ ಬಾಸ್ ನಿಮ್ಮ ಕೆಲಸ ಉಳಿಸಿಕೊಳ್ಳಬೇಕಾದ್ರೆ ಒಬ್ಬರಿಗೊಬ್ಬರು ಕಪಾಳಕ್ಕೆ ಹೊಡೆದುಕೊಳ್ಳುವಂತೆ ಶಿಕ್ಷೆ ನೀಡಿದ್ದಾರೆ.
Advertisement
Advertisement
ಸಂಸ್ಥೆಯ 14ನೇ ವಾರ್ಷಿಕೋತ್ಸವದ ಅಂಗವಾಗಿ ಏರ್ಪಡಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಸ್ಟೇಜ್ ಮೇಲೆ ಉದ್ಯೋಗಿಗಳು ಪರಸ್ಪರ ಕಪಾಳ ಮೋಕ್ಷ ಮಾಡಿದ್ದಾರೆ. ನೂರಾರು ಸಹೋದ್ಯೋಗಿಗಳ ಎದುರು ಸೇಲ್ಸ್ ವಿಭಾಗದ ಹಲವಾರು ಮಹಿಳಾ ಉದ್ಯೋಗಿಗಳು ಮಂಡಿಯೂರಿ ಎದುರು ಬದುರಾಗಿ ಕುಳಿತು, ತಮ್ಮ ಬಾಸ್ ಸಾಕು ಎನ್ನುವವರೆಗೆ ಕಪಾಳಕ್ಕೆ ಹೊಡೆದಿದ್ದಾರೆ.
Advertisement
Advertisement
ಈ ವಿಡಿಯೋ ಸದ್ಯ ಆನ್‍ಲೈನ್‍ನಲ್ಲಿ ಹರಿದಾಡುತ್ತಿದ್ದು 60 ಲಕ್ಷಕ್ಕೂ ಹೆಚ್ಚು ಬಾರಿ ವೀಕ್ಷಣೆಯಾಗಿದೆ. ಸಂಸ್ಥೆಯ ವಕ್ತಾರರೊಬ್ಬರು ಇದನ್ನ ಸಮರ್ಥಿಸಿಕೊಂಡಿದ್ದು, ಇದು ಟೀಂ ಸ್ಪಿರಿಟ್ ತೋರಿಸುತ್ತದೆ. ನಮ್ಮ ತಂಡ ಸದೃಢವಾಗಿದೆ ಎಂದಿದ್ದಾರೆ.
ಆದ್ರೆ ಚೀನಾದ ಸಾಮಾಜಿಕ ಜಾಲತಾಣ ಬಳಕೆದಾರರು ಇದನ್ನು ಉದ್ಯೋಗಿಗಳ ನಿಂದನೆ ಎಂದು ಕರೆದಿದ್ದಾರೆ.
https://www.youtube.com/watch?v=c9vsiW_77pM
