ಮೈಸೂರು: ಆಸ್ಪತ್ರೆಯ ಔಷಧಿ ಇಡುವ ಕಬೋರ್ಡ್ ನಲ್ಲಿ ನಾಗರಹಾವು ಪ್ರತ್ಯಕ್ಷ

ಮೈಸೂರು: ನರರದ ಸ್ಯಾನಿಟೋರಿಯಂ ಆಸ್ಪತ್ರೆಯಲ್ಲಿ ಇದ್ದಕ್ಕಿದ್ದ ಹಾಗೆ ನಾಗರ ಹಾವೊಂದು ಪ್ರತ್ಯಕ್ಷವಾಗಿದೆ.

ಕೆ.ಆರ್.ಎಸ್ ರಸ್ತೆಯಲ್ಲಿರುವ ಸ್ಯಾನಿಟೋರಿಯಂ ಆಸ್ಪತ್ರೆಯ 60 ಮಂದಿ ರೋಗಿಗಳು ದಾಖಲಾಗಿದ್ದ ಕೋಣೆಯಲ್ಲಿ ನಾಗರ ಹಾವು ಕಾಣಿಸಿಕೊಂಡಿದೆ. ರೋಗಿಯೋಬ್ಬರ ಔಷಧಿ ಇಡುವ ಕಬೋರ್ಡ್ ಒಳಗೆ ಹಾವು ಸೇರಿಕೊಂಡಿತ್ತು. ಸುಮಾರು 5 ಅಡಿ ಉದ್ದದ್ದ ಈ ಹಾವು ಎಲ್ಲರಲ್ಲೂ ಆತಂಕ ಉಂಟು ಮಾಡಿತ್ತು.

ತಕ್ಷಣವೇ ಸ್ಥಳಕ್ಕಾಗಮಿಸಿದ್ದ ಉರಗತಜ್ಞ ಸ್ನೇಕ್ ರಮೇಶ್ ಅವರು ಹಾವು ಹಿಡಿದು ರೋಗಿಗಳ ಆತಂಕ ದೂರ ಮಾಡಿದರು. ಹಾವು ಬರುವಂತಾಗಿರುವ ಆಸ್ಪತ್ರೆಯ ಅವ್ಯವಸ್ಥೆ ಕಂಡು ರೋಗಿಯ ಸಂಬಂಧಿಗಳು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.