ನವದೆಹಲಿ: ಕೊರೊನಾ ವೈರಸ್ ಗುಣಲಕ್ಷಣಗಳು ಆಧರಿಸಿ ಪ್ರಂಪಚದ್ಯಾಂತ ಹಲವು ಅಧ್ಯಯನಗಳು ನಡೆಯುತ್ತಿದ್ದು, ಕೊರೊನಾ ವೈರಸ್ ನಿಂದ ಕಾಲರಾ ರೋಗವನ್ನು ಸೃಷ್ಟಿಸಬಹುದು ಎಂದು ಅಧ್ಯಯನದ ವರದಿಯೊಂದು ಹೇಳಿದೆ.
ಶ್ವಾಸಕೋಶದ ತೊಂದರೆ, ಪಾರ್ಶ್ವವಾಯು ಮಾತ್ರವಲ್ಲದೇ ಕೊರೊನಾ ಕಾಲರಾ ಸಮಸ್ಯೆ ಸೃಷ್ಟಿ ಮಾಡಬಲ್ಲದು ಎಂದು ಲಂಡನ್ ನ ಸೈನ್ಸ್ ಜರ್ನಲ್ ನಲ್ಲಿ ಪ್ರಕಟವಾದ ಅಧ್ಯಯನ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ನೆದರ್ಲ್ಯಾಂಡ್ನ ಎರಸಮಸ್ ಮೆಡಿಕಲ್ ಸೆಂಟರ್ ತಜ್ಞರು ನಡೆಸಿದ ಅಧ್ಯಯನ ವರದಿಯನ್ನು ಸೈನ್ಸ್ ಜರ್ನಲ್ ಪ್ರಕಟಿಸಿದೆ. ವರದಿಯಲ್ಲಿ ಕೊರೊನಾ ಶ್ವಾಸಕೋಶದ ACE2 ಎನ್ನುವ ಕಿಣ್ವದ ಮೇಲೆ ಮೊದಲು ಕೊರೊನಾ ದಾಳಿ ಮಾಡಲಿದೆ. ಅಲ್ಲಿಂದ ದೇಹದ ಇತರೆ ಭಾಗಗಳಿಗೂ ಸೋಂಕು ವೃದ್ದಿಸುವ ಸಾಧ್ಯತೆ ಇದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಕೊರೊನಾ ವೈರಸ್ ಸೋಂಕು ಕರುಳಿನಲ್ಲಿ ವೃದ್ದಿಸುವ ಸಾಧ್ಯತೆ ಹೆಚ್ಚಿದ್ದು ಸಣ್ಣ ಕರುಳಿನಲ್ಲಿರುವ ಎಪಿಥ್ಯಾಲಿಯಲ್ ನ ACE2 ಕಿಣ್ವಗಳ ಮೇಲೆ ದಾಳಿ ನಡೆಸಲಿದೆ. ಕರುಳಿಗೆ ಸೋಂಕು ತಗುಲಿದ ಬಳಿಕ ಅತಿಸಾರದ ಲಕ್ಷಣಗಳು ಕಂಡು ಕಾಲರಾವಾಗಿ ಬದಲಾಗುವ ಸಾಧ್ಯತೆ ಎಂದು ವರದಿಯಲ್ಲಿ ಹೇಳಲಾಗಿದೆ.
